Tigidali Nai Gagalama Nigali Side 48:11 - Godigo dwagi yai po buku

¹¹ Te Jekopgo Josepbolo te po wali, “Polobadu eno homugo te eno nage ma sugobe da, te homu yali. Tiali goli, megi Godigo ena gogoliyu, sula tagalubaso, tama eno nage me, te naga ogwa si dali, te eno megi dage suali,” wali.

Tigidali Nai Gagalama Nigali Side 48:11 Referans Kwoze

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Tigidali Nai Gagalama Nigali Side 45:26

Augwaligo te po wali, “Josep te isibe yalio. Menio. Aga bidali, tama megi agai te Isip tǫ pedai tigidali tonalubao,” wali. Jekop te midigi dwai mu selama, tama agai te augwaligo wabo poba te homu dąų me wabeo.

Tigidali Nai Gagalama Nigali Side 42:36

Tama Jekopgo augwalibolo te po wai, “Dagego eno ogwa si doligi pai. Josep te hagawai. Simeon me te hagawali. Tama megi dagego te Benjamin hagaligi painu obao. Te tama tebo sęgo te ena homu sęgę mawai!” wali.

Tigidali Nai Gagalama Nigali Side 37:35

Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.

Tigidali Nai Gagalama Nigali Side 37:33

Ayago te ugwa sulama, koneyu, tama te po wai, “Awe. Te ugwa te Josepgo ugwa dao. Te dwai uni hasa me deligo aga elama, tama aga tigidali tula silai sualio,” wali.

Tigidali Nai Gagalama Nigali Side 48:10

Jekop te monu dabe elama, tama agai gedugo te nai dabe bugagia suainu ebo te usu meni yai. Josep aga ogwa si odasa aselama, tama Jekopgo augwali si nogo tola selama, tama augwali si nono nani.

Tigidali Nai Gagalama Nigali Side 48:12

Tama Josepgo te aga ogwa si te Jekopgo sągą pagede bidali te ma dobola siyu, tama agai Jekop gedude te agai gesabidi te tǫba basi gulali.

Godigo Nogi Ugwaba Sabo Tęąbi Po Wabo Buku Dabe 128:6

Eno homugo nage sesabi elama, bidimainu homu elama, te nago naga wąį nǫų dabe sumainu ebo dao. Te Israel dabe bugagia dugulalumainu elama, tama te hwįbo menia somainu yao.

Bugagia Bidibo Kolesagade Po Asęai Buku 17:6

Te bidi monu dabe pedelama, tama te aga ogwago wai te wąį elalubaso da, teda aga pemene yaibao, magi baso meni, te tebogo te we bidigo agaba te genuai nogi momainu ebao. Tama te wai dabego te augwa aya idade wiegi yai pemene eyu, gawebo dao.