Tigidali Nai Gagalama Nigali Side 47:6 - Godigo dwagi yai po buku

⁶ Te Isipde wiegi yai tǫ hauwa te elalubao. Nago me deli gegelama, tama augwali teba muao. Te augwali te Gosende bidainogo ebaso da, te usu dao. Tama nago koneani, te augwali mebago te bulmakau tonalubo sę kuna koneani homu eyu da, teda nago augwali te eno bulmakau tonaluabo bidi me nigilao,” wali.

Tigidali Nai Gagalama Nigali Side 47:6 Referans Kwoze

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Tigidali Nai Gagalama Nigali Side 47:11

Nosali Josepgo aga aya me, aga ama dede dali, te Isipde bidimainu tau sali. Agai augwalibolo te Rameses hanu badu elaluali tǫ te augwali mani. Te tǫ te wiegi yai mu tama, te Isipde elaluali tǫ dabe tigidali aiyaba elaluali. Josepgo te Ferogo wali po tiwai gilama yai.

Bugagia Bidibo Kolesagade Po Asęai Buku 22:29

Te bidigo wiegi yai sę ebaso da, teda aga te kingo sę bidi pedelaibao. Te tobage bidi te nogi meni yai bidigo sę bidi me pedalugobeo.

Tuni Bidi Dabego Po Elalubo Buku Si 26:10

Usiago kau kibu hani hauwa me sipsip kibu hauwa mu te giliga dega sabo bulu badu te malu tǫde me te bulu du dabede hauwa mu elaluali. Tama tialima, agai te bidi meni yai kala sili bulu badu agai te sigi be taua me badu geselali, magi baso meni, te agai sę bidi dabe mebago tede bidiyu, te agai hasa dabe bugagia tonalubo usu mu yali. Tama me agai te hasa dabego tuabo wę ulu hauwa mu geselali. Tama me ma Usia aga didiman sę ebo godolo mu ebo bidi dao. Tama tibaso, agai te we bidi dabebolo te wain gi hauwa buluyu, me gasa nai dabe te wiegi yai tǫ ili hauwa elalubo tǫde bulao po wali, te bulu du yali madi me nai bulao po wali.

Ma Dobola Sali 18:25

Tama agai te Israel dabe augwali tomode te po page koneai bidi dabe augwali sa munama, tama augwaligo te bidi sese hauwa 1,000 we bidi, me te we bidi 100, we te 50, we te 10 we bidi meba tama tonaluabo bidi nigilai.

Tigidali Nai Gagalama Nigali Side 47:4

Da te e bulude bidiyu, sę yainu asali, magi baso meni, te nasi genuai te Kenan tǫde eyu, tama dago sipsip dabe te tuabo nosai meni baso, da eba asai. Tama dago homugo te nago dabolo usu da po obaso da, teda da te tǫ Gosende osogo bidaibao,” wali.

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

Bugagia Bidibo Kolesagade Po Asęai Buku 21:1

Genuai Bidigo te kingo homu kolesaga dodolobaso, tama kingo te Genuai Bidigo homu wali peyu, te ąį te ąį gamiadu wali pabo tiwai ebo dao.

1 Samuel 21:7

Te sogo te Idom bidi me deli, aga nogi Doek, te Godigo bede bidu, tama te ofa ebo sogo tonaluali. Tama agai suali, Ahimelekgo te bret Devitbolo mabo suai. Doek te Solgo bulmakau dabe tonalubo bidi me deli, tama aga te bomai bidi mu dao.

Ma Dobola Sali 9:21

Tiali goli, bidi meba augwaligo te Genuai Bidigo wali pode wi isąma, tama augwaligo augwa sę bidi, me te kibu dabe dali, augwali bulu badu olo bidai.

Ma Dobola Sali 9:10

Tama augwaligo te keli selama, pelama, te tuni bidi geduba doligi pali, tama Mosesgo te keli ugwaba sąwai. Tama te keligo te dili keni tiwai pedelali, tama te dili keni dabe ulu elama, tama keni te we bidi tigide, me te kibu dabe tigide pedelai.

Tigidali Nai Gagalama Nigali Side 47:16

Josepgo te po wali, “Te dagego mone mu silali wida, teda dagego kibu sibi dabe enaba selasa asao, tama eno dage nai mawaibao.”

Tigidali Nai Gagalama Nigali Side 34:10

Tama dage da dali te e tǫ pedaide bidagameo. Tama duga te bidainu yali, te tǫ pedaide bidagameo. Tama dagego dabolo nai dabe abeliyu, tama dago dageba nai abeliyu yaibao. Tama dagego te duga sainu wei yali nai te sagameo,” wali.

Tigidali Nai Gagalama Nigali Side 20:15

Tama agai Abrahambolo tama po wai, “Suao. Te tigidali tǫ te eno dao. Te nage me badu pedai badu bidabo homu ebaso da, te nago sę dao.”

Tigidali Nai Gagalama Nigali Side 13:9

“Suao, te genuai tǫ pedai elalubao. Te naga pedai badu bidabo madi me deli dodolama, tama nago ena taga peyu, naga teba bidigi painu te usu da. Te nage dolo nogo pedai badu painogo da, teda ena te pobase nogo pedai badu paibao. Ma, nage te pobase nogo badu painogo eyu da, teda ena te dolo nogo badu bidigi paibao,” Abramgo te po wai. Te augwa ama nami si tama po dodolali.

Tigidali Nai Gagalama Nigali Side 13:10

Tialima, Lot dolugulama, tonono bilali. Agai te tigidali tǫ malu te wę Jordan sesegedu tonono pali, te tigidali pedaiba usu nama, te Soar te pedaiba usu nigi palio. Te tǫ tigidalide te dwagi yai wę hauwa te gasa sawi yai, te Yawego Iden gide elalubo tiwai, me tama te Isip dabe tǫde elalubo tiwai elaluali. (Tama te sogo te Yawego te Sodom de Gomora te hanu si dolisiąbadi dao.)

Tigidali Nai Gagalama Nigali Side 45:10

Te nage ena bidibo pąde te tǫ Gosen pąde bidagameo. Nage me, naga ogomani dali, tama naga ogwa dabego wai puluba me, dage te tǫde te duga sipsip me, meme dabe me, bulmakau dabe me, duga doado bage tigidali dali, tede bidagameo.

Tigidali Nai Gagalama Nigali Side 46:34

teda dagego e tiwai po agabolo waiąo, ‘Genuai bidi, dago te bulmakau me sipsip tonalubo sę te da dwasianu ogomani elalubadi gagalama, te megi e sogoba usu nagasali, te dago dena aya dede hanigo polobadu yali tiwai te dago me yai.’ Te dagego te tama tiwai po weyu da, teda dage te Gosen tǫ pedaide bida po waibao. Eno tama tiwai po wali, magi baso meni, te Isip bidi dabe augwaligo te sipsip tonalubo bidi dabe te augwaligo godolo me ebo meni, tama tedali bidimainao homu ebo dao,” Josepgo aga hani bagebolo te po wai.

Tigidali Nai Gagalama Nigali Side 47:5

Tialima, Ferogo Josepbolo te po wali, “Te nago aya me, te nago ama dede dali, augwali te asalio.

Te Israel me Juda Hani Sigo Tuni Bidigo Po Elalubo Buku Deli 11:28

Jeroboamgo sę bugagia mu yai. Solomongo te agai sę wiegi yai ebo subaso, tama agai aga te Josepgo hani tonalubo bidi nigilali, te kingo augwaliba sę manio.

Jeremaia 40:4

Tialima, odao. Megi da, te eno augwaligo nage nogode kęąni sen pisigina sąbao, te nage olo bidagameo. Te nage ena dali Babilonba asabo homu ebaso da, teda nage asao, te eno nage bugagia tonalueibao. Tialima, te nago hagela homu ebaso da, te usu da, nage bidao. Te tǫ kantri pedai mena badu te nage pabo homu yali da, te nage peyu naga yagameo,” wali.