Tigidali Nai Gagalama Nigali Side 47:30 - Godigo dwagi yai po buku

³⁰ Eno homugo nago ena te ena aya dede pąba pubaligi pao. Te ena Isipdu ugwaba tolasa pelama, tama ena te augwali muani gų pageba pubaligi pao,” wali. Josepgo te tiwai po wei ponani, “Te eno nago po wabo gilama tama tiaibao,” wali.

Tigidali Nai Gagalama Nigali Side 47:30 Referans Kwoze

Tigidali Nai Gagalama Nigali Side 25:9

Aga ogwa si te Aisak me Ismael sigo aga pubulali, te gų page dedage page te Mamre, te badu te Makpela ola be gų page te giliga pedalubo badu muani. Polobadu te tǫ pedai te Sohargo ogwa Efrongo tǫ, aga te Hit bidi hani me deli dao.

Tigidali Nai Gagalama Nigali Side 23:19

Nosali Abrahamgo aga we Sara te ola be gų page te Makpela tǫde pubulai dao. Te tǫ bulu Mamre pąde dao, te augwaligo megi gasa nogi wabo Hebron, te Kenan tǫ pedai badu tomode elalubao.

Nehemia 2:5

tama eno kingba te tiwai po wali, “King, te nago enaba bugai haliga ebaso da, teda eno nageba te magi nai po me deli hanalu wainu ebao. Te e tama tiwai. Te nago homu usu eyu da, te nago ena te ena wąį nǫų dabego taun te Juda tǫba pomainu ebaso da, te eno ena abagi dabe dali te taun ma geseliyu nigibo sę tau sigi pomainu ilao,” po wali.

Nehemia 2:3

tama eno te tiwai po kingba wali, “King o, nage te bugagia sesabi elama bidagameo. Awe, ena haliga sęgę mu ebao, magi baso meni, te augwaligo eno wąį nǫų dabe pubulali madi te hanu taun te dolali elalubao, tama siago te bobegelali masigi obode te nigo nigali sunumi me ulali elalubo dao.” Eno te po wai.

Te Israel me Juda Hani Sigo Tuni Bidigo Po Elalubo Buku Deli 13:22

Nage te eba ma begasa asama, tama te nai tuyu, tama te ąį tuyu yali. Agai te habu selali bulude nago nai dabe tuali. Tama teyu, nage ede isaibao, tama augwaligo te nage naga hani pubalobo gų pagede te nago tigi pubalogobeo,” te po wai.

2 Samuel 19:37

Ae, nago ena te ena buluba ma pomainu elama, tama ena te ena aya de ida si muani pesage te gų pagede nosali pubulumainu yaibao. Tiali goli, eno ogwa, Kimham, te bidibao. Tama aga te nage dali pomainu yaibao. Tama nago aga mena sęgo tau sabo homu eyu da, teda te tama naga tiao,” Barsilaigo te po wali.

Tigidali Nai Gagalama Nigali Side 50:25

Nosali Josepgo te Israelgo ogwa dabebolo te mu po dao po wao po me deli te hanalu wali. Agai te po wali, “Dagego enaba po dąų waliyu, te God asiyu dage tau sabo sogode, teda dagego ena pubulali pesagede te ena tigi dili hodolama, tama dage peyu, te dili sela piąo,” wali.

Tigidali Nai Gagalama Nigali Side 15:15

Tiali goli, te sę esiąbadi, te nage digi te nage homu nagame bugagia elama, bidiyu elama, te nage monu dabe mu elama, te nage isibaso, tama augwaligo nage pubulaibao.

Tigidali Nai Gagalama Nigali Side 23:17

Te kolesagade Abrahamgo te Efrongo tǫ te Makpela te badu elaluali tǫ mu sai dao. Te tǫ pedai te giliga asobo badu te Mamrede elaluali, tama Abrahamgo te ola be dali, te tǫde elaluali tigidali ni dabe dali abelai dao.

Tigidali Nai Gagalama Nigali Side 25:10

Abrahamgo te tǫ te Hit bidi dabe dali abelai. Augwaligo Abraham te aga we Sara polobadu pubulali madide, te tǫ pedai badu pubulai.

Tigidali Nai Gagalama Nigali Side 35:29

Aga te monu dabe mu elama, tama mobo kegebo silama, tama aga isali hani bage dali bidigi pai. Tama aga ogwa si, Iso me Jekop, augwali sigo aga pubulai dao.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

2 Samuel 2:32

Tialima, Joap te aga bidi dabe dali augwa te Asahel tigi sela pelama, te Betlehemba pubaligi pali, te aga ayago gų pageba. Augwaligo aga pubulama da, teda augwali hulide pelama, tama augwali te Hebronba be posobadi sabolalio.