Tigidali Nai Gagalama Nigali Side 47:27 - Godigo dwagi yai po buku

²⁷ Te Israel dabe augwali te Gosen tǫde bidaluali, tama augwaligo wai dabe umabo hauwa mu ame nani, tama augwaligo doado bage me hauwa elaluali.

Tigidali Nai Gagalama Nigali Side 47:27 Referans Kwoze

Tigidali Nai Gagalama Nigali Side 46:3

Tialima, Godigo te po wali, “Ena God dao. Ena te nago ayago God dao. Nage te Isipba pabo wi me elamuo. Te eno nago hani sibi wąį dabe te genuai hani mu pedelimainu ilaibao.

Ma Dobola Sali 1:7

Tiali goli, augwaligo ame nani wai te Israel hani augwaligo wai hauwa ame nai, tama augwali hani hauwa mu te bomai bidi hani pedelai, tama augwaligo te Isip tǫ pedai badu Gosen te pągąna sai.

Godigo Sęba Tagala Palai Bidigo Po 7:17

Te bidi Stivengo po ma ola mayu, te po wai, “Tama dago hani Israel bidi hauwa mu Isip bulude bidali. Tama te sogo Godigo polobadu Abrahambolo wali po Isip bulu taga soaibao wali po pąde yagasalio.

Godigo Nogi Ugwaba Sabo Tęąbi Po Wabo Buku Dabe 107:38

Genuai Bidigo te aga we bidi dabeba wiegi yai sę ela mani. Tama tiyu, augwa te wai hauwa ame neyu, tama agai te bulmakau dabe me hauwa pedalumainu ilalio.

Sekaraia 10:8

“Te eno ena we bidi dabe augwali tigidali i ola bilama, te augwali sisinaibao. Te eno augwali ma dobola selama, te augwali polobadu bidali tiwai gilama hauwa mu pedelaibao.

Godigo Nogi Ugwaba Sabo Tęąbi Po Wabo Buku Dabe 105:24

Tama nosali Genuai Bidigo aga we bidi tau selama, augwaligo wai dabe hauwa ame nai. Tama agai augwaligo bomogo boi bidi dabego bomo aiyaba elalumainogo yai.

Bomai Po 26:5

Tialima, Godigo gesabidide dagego e tama po wao, ‘Eno wąį da, te aga te Aram bidi dao, tama aga page bulu mu tagalama, subigila bilai dao. Tama nosali aga we wai puluba selama, augwali Isip buluba bidigi pai dao. Augwali te Isip buluba pali sogo, augwali te dwasianu hani naga dao. Tiali goli, augwali genuai hani mu pedelama, tama augwali boma pai hani mu pedelalio.

Tigidali Nai Gagalama Nigali Side 26:4

Te nago wąį hani augwali te umabo mu pedalumainu yaibao, te dagalude elalubo hǫ dabe tiwai gilama yaibao. Tama eno e tǫ pedai te tigidali eno augwalibolo mawaibao. Tama te tǫde tigidali bidi dabego te augwali da dali dwagi yai sę yao wabo po enabolo hanalu, te eno nago hani wąį dabe dwagi yai sę yali tiwai gilama yao po waibao.

Nehemia 9:23

Tama nago augwaliba te wai dabe hauwa mawai, te dagalude elalubo hǫ dabe tiwai pedelali. Tama nago te augwaligo te boi bidi dabe aiyaba elalumainu ilama, tama nago te augwa bulali wąį nǫų dabeba mawainu te po dąų walali tǫ somainogo yai dao.

Bomai Po 10:22

Dagego wąį dabe Isip buluba pali da, teda augwali 70 we bidi tama naga pai dao. Tiali goli, megi da, God dago Genuai Bidigo dage hauwa mu, te dagalude elalubo hǫ tiwai pedalomainogo ilali dao,” Mosesgo te po wai.

Ma Dobola Sali 1:12

Tama te Isip hani augwaligo Israel hani dali dwai sę dene menama, tama augwali mu dolobo sę yai goli, tialima te Israel hani bidi hauwa mu pedaliyu, tama tedela peyu, tama te Isip bulu tǫ pągąna sai. Tama Isip hani augwali te Israel bidi hani sulama, tama dwai homu eyu, augwali wi mu yai.

Tigidali Nai Gagalama Nigali Side 28:14

Te nago ogwa dabego ame nabo wai dabe augwali te tǫ hogomu tiwai hauwa umabo mu pedelaibao. Tama augwaligo te augwa tǫ sese pedai tigidali pedaiba usu elama, bidaluaibao. Tama tigidali tǫde bidalubo bidi dabe augwaligo enabolo te augwali dali dwagi yai sę yao po hanalu, te eno nage me, te nago ame nani waigo wai dabe augwali dali dwagi yai sę yali tiwai gilama dwagi yai sę yao po hanalu waibao.

Tigidali Nai Gagalama Nigali Side 17:6

Te eno nago wai hani dabe te hauwa pedalumainu elama, tama meba te gavman tuni bidi pedelaibao. Te nago hani wai dabe te umabo hauwa hani mu pedelaibao.

Tigidali Nai Gagalama Nigali Side 13:16

Te eno nago wai puluba dabe hauwa mu te masigi sane kemi tiwai pedalumainogo ilaibao. Te bidigo te masigi kemi tigidali nedebo usu yabo homu eyu da, teda agai te nago wai puluba pedalubo tigidali te nedabo usu yaibao.

Tigidali Nai Gagalama Nigali Side 8:9

Tiali goli, ąįgo te tǫ halualudubadi gebaso, tama te ba hi aga dualama, toma nabo madi meni baso, te aga ma geasa aselama, tama Noago nogo buluba dinama, tama aga sip tomoba ma sali.

Tigidali Nai Gagalama Nigali Side 8:7

tama sisi yai ba me nogi kotkot, te ba tądi tiwai ba me deli tagala palali. Te ba pelama, bola bilidubadi, te tǫ wę sula sabo sogo usu nigi pai.

Tigidali Nai Gagalama Nigali Side 34:10

Tama dage da dali te e tǫ pedaide bidagameo. Tama duga te bidainu yali, te tǫ pedaide bidagameo. Tama dagego dabolo nai dabe abeliyu, tama dago dageba nai abeliyu yaibao. Tama dagego te duga sainu wei yali nai te sagameo,” wali.

Tigidali Nai Gagalama Nigali Side 35:11

Tama Godigo agabolo te po wali, “Ena da, te Tigidali Bomo Mu Elalubo God dao. Nago te wai hauwa pedalumainu yao. Te nage hauwa we bidigo wąį hani pedelama, tama te bidi dabe meba augwali te gavman tuni bidi pedelaibao.

Tigidali Nai Gagalama Nigali Side 47:11

Nosali Josepgo aga aya me, aga ama dede dali, te Isipde bidimainu tau sali. Agai augwalibolo te Rameses hanu badu elaluali tǫ te augwali mani. Te tǫ te wiegi yai mu tama, te Isipde elaluali tǫ dabe tigidali aiyaba elaluali. Josepgo te Ferogo wali po tiwai gilama yai.