Tigidali Nai Gagalama Nigali Side 47:22 - Godigo dwagi yai po buku

²² Te Isip bagego lotu wabo pris dabego tǫ naga te augwaligo me abelibeo. Ferogo te pris dabebolo mone menama, tama te monego augwaligo nai abela tuyu, bidali. Tama tibaso, augwaligo tǫ te me abelimainu me ebeo.

Tigidali Nai Gagalama Nigali Side 47:22 Referans Kwoze

Esra 7:24

Tama odao, dagego te pris bidi dabede me, te Livai bidi dabede me, te musik wabo bidi dabede me, te tempel be sunumide tonalubo bidi me, te sę ebo bidi dabe, te augwali te tama bidi dabede te dagego haniani takis mone me selamu dao, tama te Godigo bede te sę ebo gasa bidi dabede me te takis sigio,’ eno te po wali.”

2 Timoti 5:17

Te Godigo po odobo we bidi hani tonalubo monu dabe, augwaligo te sę bugagia eyu da, teda te hanigo augwaligo nogi ugwaba siyu, tama augwalibolo te augwaligo sabo pe mone mayu, tama meba ugwadu manuma mao. Te tonalubo bidi dabe tomode te bidi dabe meba augwaligo te sę eyu, tama augwaligo me te Godigo po pusuyu tama te we bidi dabebolo ola mabo sę bugagia eyu te sę dene yali, te tobolu bidi dabe augwalibolo te manani masigi polasa mao.

2 Tesalonaika 3:10

Polobadu da dage dali bidibadi, tama dago e bomo yai po dagebolo maiyu tama wai, niwai bidi sę ebo hagelabo homu eyu sę isiąwani te bidibolo tubo nai magio.

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

1 Korin 9:13

Te Moni Lotu Be tempel, te bede sę ebo bidi dabe, augwaligo te bede augwa nai sela tubo dao. Tama tiyu te Juda we bidi augwaligo te Godibolo maiabo nai magaselama, tama te be tomode te alta saide te nai Godibolo mabo sę ebo bidi dabe augwaligo da te alta saide ulubo nai hasa mi meba te sela tubo dao. Tama tiyu augwaligo augwa nai abelebo menio, te augwaligo Godigo sę ebode augwa nai tama sabo dao.

Matyu 10:10

Tama dage bilibo sogo dagego te wa sabiligio, ma te holobo ugwa si me te sągą nadoba olo si me, te bilibo dono olo si me tolasa biligio. Menio. Te dagego tau sabo we bidi augwaligo dagebolo te tobage tigi tau sabo nai momainao.” wali.

Nehemia 13:10

Eno te tiwai me odali, te Livai dabe, me te Godigo bede musik elibo hani dabe, augwa te Jerusalem tagalama, te augwa tǫba ma pali, magi baso meni, te we bidi dabego augwali nai me masiąwai.

2 Samuel 8:18

Tama Benaia, te Jehoiadago ogwa, tego te king Devit tonalubo ami bidi dabe te augwa tonalubo sę yali, te augwali Keret me Pelet hani dabe da. Tama te Devitgo ogwa dabe te pris bidi bidai dao.

Bomai Po 12:19

Tama tigidali sogo dage te tǫde bidiyu da, dagego te Livai dabe tau sabo gegeda pelamuo,” wali.

Tigidali Nai Gagalama Nigali Side 41:50

Tama te nasi yabo kibu be dabe te pedalisiąbadi, tama Asenat, te Josepgo wego, te ogwa si ame nani. Asenat te Potifera te Heliopolis hanu pris bidigo wegi dao.

Tigidali Nai Gagalama Nigali Side 41:45

Tama Ferogo te nogi Safenat Panea te Josepbolo mani. Tama agai te Josepbolo we me deli mani. Te we nogi te Asenat. Aga te Potiferago wegi da, te hanu me deli nogi augwaligo Heliopolis wabo, tede aga pris bidi dao. Tialima, Josep te Isip tǫ tigidali pedai badu bilali.

Tigidali Nai Gagalama Nigali Side 14:18

Tama Melkisedek, te Salem hanu tuni bidi tama God Ugwadu Mu Bidibo Bidi ofa mabo pris bidi da, te agai giguai nai bret me wain ąį Abrambolo selasa asali.

Tigidali Nai Gagalama Nigali Side 47:21

Tama te Isip tǫ pedai tigidali badu we bidi tigidali augwali te Ferogo sę olo mu ebo we bidi pedelali.

Tigidali Nai Gagalama Nigali Side 47:23

Te Josepgo te tiwai po te tigidali we bidibolo wali, “Dagego odao, te megi e sogode eno dage me, te dagego tǫ dali abelalio. Megi da, dage te Ferogo bage elalubao. Te e da dagego bulabo nai wai dao. Tialima, dagego te giba bulugi pao,” wai.

Tigidali Nai Gagalama Nigali Side 47:26

Tialima, Josepgo te tiwai bomo yai po me deli te Isipde muani. Te gide nai inabosi da, teda augwaligo gide sabo nai bugulama, pesage a naga holama, tama a wali pesage te Ferogo nai dao, te bomai po te megi me elalubao. Te prisgo tǫ naga te Ferogo me sabe.