Tigidali Nai Gagalama Nigali Side 47:19 - Godigo dwagi yai po buku

¹⁹ Nago da te nasigo isimainu sula tagalamuo. Te nago da tau sabo sunumi me deli gegaibawe? Nago te gasa bidi dabego dago tǫ somainogo elamuo. Nago da me, te dena tǫ dali abelama, tama da nai mao. Te da Ferogo olo sę ebo bidi selama, tama agai dago tǫ me saibao. Tiali goli, nago da bulabo nai wai mao. Meniyu da, te da tigidali nasigo isiyu, tama te bulude bidi meni yaibao,” te po wai.

Tigidali Nai Gagalama Nigali Side 47:19 Referans Kwoze

Jopgo Po Asęani Elalubo Buku 2:4

Te po obaso, Satango te po wei ponoyu, te po wali, “Mu tamawe? Tiali goli, eno homugo bidi me aga bugagia bidaibao homu eyu da, teda te bidi aga tigidali nai menama, aga bidibo ula abelaibao.

Te We Bidi Dabego Jerusalem Hagede Gela Wali 5:9

Da dolabo bidi dabe, augwali dago kantride bida bida pobao. Tama da nai gegegi painu pabode da, augwaligo da ela muainu tonalubo dao.

Te We Bidi Dabego Jerusalem Hagede Gela Wali 5:6

Da nai mu sǫą palio. Tama tibaso, dago te Isip dabebolo me Asiria dabebolo da tau somainu hanalu walio.

Te We Bidi Dabego Jerusalem Hagede Gela Wali 1:11

Te Jerusalem we bidi augwali nasi genuai mu ebaso, tama augwali nai gegebo bomai sę mu te ebao, tama augwali hwąwa dwai mu obao. Augwa tigi bomo ma sainu eyu, augwaligo augwa wiegi wiegi yai nai dabego te dobu si ebo sę eyu, te nai sela tubo dao. Tama Jerusalemgo i weyu, te po obao, “Genuai Bidi, sulama, koneao, ena dwai bidu, te olo nai tiwai naga bidibao,” wabo.

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Tigidali Nai Gagalama Nigali Side 47:15

Te Isip me Kenan tǫde bidali we bidi tigidaligo mone silali. Tialima, te Isip we bidi tigidali te Josepba pelama, tama augwaligo te po wai, “Nago da nai mao! Te meniyu da, teda nasigo da isaibao. Te nago da tau sabo sunumi me deli gegao! Te dago mone tigidali silalio,” wali.

Tigidali Nai Gagalama Nigali Side 47:18

Tama gasa nosali kibu be mede augwali te Josep pageba ma pelama, tama augwaligo te po wali, “Genuai bidi, dago sęgę ebo te nagebolo geme me dualugobeo. Te dago mone tigidali silibadi, te tigidali sipsip me bulmakau, te doado bage te nageba mena silai elalubao. Dago nageba maiabo nai me elalubeo. Te dago tigi dali, te dago tǫ dali si naga te elalubao.

Tigidali Nai Gagalama Nigali Side 47:20

Te nasi bomo mu ebaso, te Isip we bidi tigidaligo te augwa tǫ Josepba menama, tama agai te tǫ tigidali abelai. Tama te Isipde tigidali tǫ te Ferogo tǫ naga pedelama, elaluali.

Tigidali Nai Gagalama Nigali Side 41:36

Tama te kibu be a naga olama, me si, te sogode te nasi Isipba pedalubode, te Isip hani dabe we bidigo te augwaligo sisinama muani nai te augwa sela tumainu yaibao. Tama eyu, te we bidi dabe augwali te nasigo me isigobeo,” Josepgo te po wali.