Tigidali Nai Gagalama Nigali Side 46:7 - Godigo dwagi yai po buku

⁷ Tigidali ogwa me, wegi dabe dali, te dwasianu ogwa wąį me we, augwali tigidali te Jekop dali pali.

Tigidali Nai Gagalama Nigali Side 46:7 Referans Kwoze

Tigidali Nai Gagalama Nigali Side 46:6

Tama augwaligo te Kenande sali te bulmakau me, te gasa nai dabe dali selasa peyu, tama augwali te Isipba pai.

Tigidali Nai Gagalama Nigali Side 46:8

Te Jekop dali Isipba pali hani dabe augwali nogi e dao. Te gomunai ogwa Ruben da.

Josua 24:4

tama eno ogwa si mani, Jekop me Iso, te Aisakbolo mani. Tama eno te bulu du Seir, aga gasa nogi me Idom, te Iso mani, te aga tǫ gagalama bidali. Tiali goli, Jekop me, te aga hani wai dabe dali, augwali te Isipba pali.’”

Tigidali Nai Gagalama Nigali Side 34:7

Augwali te po midubadi, tama aga ogomani te sęba pali, ma beba asali. Magi baso meni, augwaligo odali, te Sekemgo augwaligo abe penani yali po, tama augwali homu dene eyu, sębę mu elama, tama wado po wai. Te sę te Sekemgo te Jekopgo wegi wi sali, te hale ilibo kolesaga mu te Israel dabego gedude yai. Te Israel dabe augwaligo homude, te tobage kolesaga ebo te habu mu sai elaluai.

Israel Hanigo Namba 20:15

Tama nago koneani, dago wąį dabe te Isip bulude kibu be hauwa mu bidai dao. Tama te Isip dabego da dali dwai sę eyu, augwali dali me dwai sę eyu yai dao.

Bomai Po 23:7

Tama te Idom me Isip dabe meba dage dali bidaibao. Tialima, dagego te Idom dabe dali dwai homu me elamo dao. Magi baso meni, augwali te duga deli kaneme dao. Tama me ma, dagego te Isip dabe dali me dwai homu me elamuo, magi baso meni, polobadu dage augwaligo bulude te bulu meni yai bage tiwai tede bidai dao.

Bomai Po 26:5

Tialima, Godigo gesabidide dagego e tama po wao, ‘Eno wąį da, te aga te Aram bidi dao, tama aga page bulu mu tagalama, subigila bilai dao. Tama nosali aga we wai puluba selama, augwali Isip buluba bidigi pai dao. Augwali te Isip buluba pali sogo, augwali te dwasianu hani naga dao. Tiali goli, augwali genuai hani mu pedelama, tama augwali boma pai hani mu pedelalio.

Godigo Nogi Ugwaba Sabo Tęąbi Po Wabo Buku Dabe 105:23

Nosali Jekop te Isip buluba bidigi pai.

Aisaia 52:4

Magi baso meni. Ena God, Genuai Bidi, eno te tama po wali. Polobadu, te eno we bidi dabe te Isipba pelama, bidigi pali sogo, te augwa homugo digi palio. Te nosali, te Asiria dabe aselama, te augwali olo sę ebo bidi me sę ebo we tiwai sela pali, augwaligo ena abelama, te augwali sela pabeo.