Tigidali Nai Gagalama Nigali Side 46:6 - Godigo dwagi yai po buku

⁶ Tama augwaligo te Kenande sali te bulmakau me, te gasa nai dabe dali selasa peyu, tama augwali te Isipba pai.

Tigidali Nai Gagalama Nigali Side 46:6 Referans Kwoze

Godigo Sęba Tagala Palai Bidigo Po 7:15

Tama tibaso, Jekop dede dago wąį hani tigidali te sogo Isipba asali. Aga monu dabe bidiyu, tede isai. Nosali dago wąį dabe me augwali tede isai.

Aisaia 52:4

Magi baso meni. Ena God, Genuai Bidi, eno te tama po wali. Polobadu, te eno we bidi dabe te Isipba pelama, bidigi pali sogo, te augwa homugo digi palio. Te nosali, te Asiria dabe aselama, te augwali olo sę ebo bidi me sę ebo we tiwai sela pali, augwaligo ena abelama, te augwali sela pabeo.

Godigo Nogi Ugwaba Sabo Tęąbi Po Wabo Buku Dabe 105:23

Nosali Jekop te Isip buluba bidigi pai.

Josua 24:4

tama eno ogwa si mani, Jekop me Iso, te Aisakbolo mani. Tama eno te bulu du Seir, aga gasa nogi me Idom, te Iso mani, te aga tǫ gagalama bidali. Tiali goli, Jekop me, te aga hani wai dabe dali, augwali te Isipba pali.’”

Bomai Po 26:5

Tialima, Godigo gesabidide dagego e tama po wao, ‘Eno wąį da, te aga te Aram bidi dao, tama aga page bulu mu tagalama, subigila bilai dao. Tama nosali aga we wai puluba selama, augwali Isip buluba bidigi pai dao. Augwali te Isip buluba pali sogo, augwali te dwasianu hani naga dao. Tiali goli, augwali genuai hani mu pedelama, tama augwali boma pai hani mu pedelalio.

1 Samuel 12:8

Tama tiwai dao. Te wąį monu Jekop te aga we wai dabe dali te Isip tǫba pelama bidigi pali sogo, te Isip bulu bidi dabego te duga wąį nǫų dabeba dwai sę mu yali. Tama tibaso, te augwali tau somainu Genuai Bidiba gela wali, tama agai te Moses dali Aron si augwaliba tagala palali. Tama augwali sigo te wąį nǫų dabe te Isip tǫde selama, tama augwali odasa aselama, te tǫ pedaiba bidagasomainu yai dao,” wali.

Bomai Po 10:22

Dagego wąį dabe Isip buluba pali da, teda augwali 70 we bidi tama naga pai dao. Tiali goli, megi da, God dago Genuai Bidigo dage hauwa mu, te dagalude elalubo hǫ tiwai pedalomainogo ilali dao,” Mosesgo te po wai.

Israel Hanigo Namba 20:15

Tama nago koneani, dago wąį dabe te Isip bulude kibu be hauwa mu bidai dao. Tama te Isip dabego da dali dwai sę eyu, augwali dali me dwai sę eyu yai dao.

Tigidali Nai Gagalama Nigali Side 15:13

Tama edubadi, Yawego agabolo tama po wali, “Mu tama koneao, te nago wąį dabego wai dabe te augwali gasa hani bidi dabego tǫde te bulu meni yai bidi dabe te bulu wau bilibo bidi dabe pedelaibao. Te augwaligo olo sę ebo bidi dabe pedaliyu, tama gasa hanigo dolobo sę ebo dologode augwali bididubadi, te bidi sese nogo si sągą si 400 kibu be tama usu naibao.

Tigidali Nai Gagalama Nigali Side 46:7

Tigidali ogwa me, wegi dabe dali, te dwasianu ogwa wąį me we, augwali tigidali te Jekop dali pali.