Tigidali Nai Gagalama Nigali Side 46:5 - Godigo dwagi yai po buku

⁵ Tialima, Jekopgo Berseba taga soali. Tama aga ogomanigo aga me, te augwa we dabe me, tama te dwasianu wai te Ferogo augwali te sela asomainu te tolali karisba munama pali.

Tigidali Nai Gagalama Nigali Side 46:5 Referans Kwoze

Tigidali Nai Gagalama Nigali Side 45:21

Te Jekopgo ogwa dabego te Ferogo augwaliba wali po tiwai gilama yali. Tama Josepgo te kibu hosgo kegabo karis meba augwaliba mani, te meba nai augwali te sunumidu peyu tuabo nai dali mani, te Ferogo wali gilama tiali.

Tigidali Nai Gagalama Nigali Side 45:19

Nago augwalibolo te Isipde te karis meba dali selama, te augwaligo augwa we wai puluba dali sela asomainu te po wao. Te augwaligo augwa aya me eba odasa asao po wao.

Tigidali Nai Gagalama Nigali Side 45:27

Tialima, augwaligo te Josepgo augwalibolo wali po tigidali agabolo wali. Tama Jekopgo suali, te Josepgo aga te Isip odasa asomainu tolali karis dabe. Tama aga wiegi yai homu pemene mu yai.

Ma Dobola Sali 10:26

Tama dago dena kibu dabe me tigidali selama, dago sela odasa paibao. Dago me deli bidibadi taga pogobeo. Dago kibu dabe meba te dago Genuai Bidibolo ofa yabo sa muaibao. Tiali goli, da te lotu po wabo buluba pedelama, tama dago koneama, mena kibu te ofa yainogo te saibao,” wali.

Ma Dobola Sali 10:24

Tama tuni bidigo Moses i olama, asobode agabolo te po wai, “Dage te duga Genuai Bidibolo lotu po wagi piąo. Tama te we wai augwali duga dali pomainao. Tiali goli, te bulmakau, sipsip dabe augwali te Isipde bidimainao,” te po wai.

Godigo Sęba Tagala Palai Bidigo Po 7:15

Tama tibaso, Jekop dede dago wąį hani tigidali te sogo Isipba asali. Aga monu dabe bidiyu, tede isai. Nosali dago wąį dabe me augwali tede isai.

Tigidali Nai Gagalama Nigali Side 21:14

Do kigamu mu te Abrahamgo te nai dali, te wę botol dali sisi elama, tama Hagarbolo mani. Abrahamgo te nai dabe te Hagar nageba anugulama, tama aga dali aga ogwa dali si ibaba olo tagala palali, gasaba. Tialima, Hagar palima, te Berseba tǫ pedai badu subigila te bidi bidisiąwai madi biliduai.

1 Samuel 12:8

Tama tiwai dao. Te wąį monu Jekop te aga we wai dabe dali te Isip tǫba pelama bidigi pali sogo, te Isip bulu bidi dabego te duga wąį nǫų dabeba dwai sę mu yali. Tama tibaso, te augwali tau somainu Genuai Bidiba gela wali, tama agai te Moses dali Aron si augwaliba tagala palali. Tama augwali sigo te wąį nǫų dabe te Isip tǫde selama, tama augwali odasa aselama, te tǫ pedaiba bidagasomainu yai dao,” wali.