Tigidali Nai Gagalama Nigali Side 46:32 - Godigo dwagi yai po buku

³² ‘Te hani bidi dabe augwaligo te sipsip me bulmakau dabe tonalubo sę ebo da. Augwaligo sipsip me bulmakau dabe dali te tigidali doado bage sela asai,’ eno agabolo te po pusaibao.

Tigidali Nai Gagalama Nigali Side 46:32 Referans Kwoze

Tigidali Nai Gagalama Nigali Side 47:3

Tialima, Ferogo augwalibolo hanalu wali, “Dagego magi sę ebo dawe?” Augwaligo te po wai, “Genuai bidi, dago te sipsip dabe te dena ayago polobadu yali tiwai, te dago me te sipsip dabe tonalubo sę ebo dao.

Sekaraia 13:5

Te agai tama po weyu, ‘Ena profet menio,’ po waibao. ‘Ena te gi sę naga ebo bidi dao. Ena te bidi me deligo olo sę ebo bidi dao,’ tama po waibao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Te Israel me Juda Hani Sigo Tuni Bidigo Po Elalubo Buku Deli 9:27

Tama king Hiramgo te agai wiegi yai boskru meba te Solomongo boskru dabe dali te sipde sę emainu tagala palalio.

1 Samuel 17:15

Tama me sogo side Devit pelama, te Solba sę igi peyu, tama me sogo side agai te Sol taga soyu, te Betlehemba ma solama, te aga ayago sipsip dabe tonalugi peyu yai dao.

Ma Dobola Sali 3:1

Tama nosali me sogo Moses agai te kibu sipsip dabe, me te meme dabe te aga wąį Jetro nai dabe tonaluai, te Jetro aga da te God dali te Midian bage tomode dolalubo pris bidi dao. Tama me sogo deli sogo Mosesgo te kibu sipsip me meme dabe odasa peyu, te wa pai bulu taga peyu, te tǫ pedai me nogi Horep, te bulu du Sainai tede elalubo, teba sabolali, te Godigo bulu du dao.

Tigidali Nai Gagalama Nigali Side 46:34

teda dagego e tiwai po agabolo waiąo, ‘Genuai bidi, dago te bulmakau me sipsip tonalubo sę te da dwasianu ogomani elalubadi gagalama, te megi e sogoba usu nagasali, te dago dena aya dede hanigo polobadu yali tiwai te dago me yai.’ Te dagego te tama tiwai po weyu da, teda dage te Gosen tǫ pedaide bida po waibao. Eno tama tiwai po wali, magi baso meni, te Isip bidi dabe augwaligo te sipsip tonalubo bidi dabe te augwaligo godolo me ebo meni, tama tedali bidimainao homu ebo dao,” Josepgo aga hani bagebolo te po wai.

Tigidali Nai Gagalama Nigali Side 45:10

Te nage ena bidibo pąde te tǫ Gosen pąde bidagameo. Nage me, naga ogomani dali, tama naga ogwa dabego wai puluba me, dage te tǫde te duga sipsip me, meme dabe me, bulmakau dabe me, duga doado bage tigidali dali, tede bidagameo.

Tigidali Nai Gagalama Nigali Side 37:2

Josep te gesi ogwa bidi, te agai kibu be te 17 kibu be elaluali. Tama aga ama dede meba augwaligo te kibu sipsip me meme tonaluali, tama Josepgo augwali tau sali. Te aga ama dede augwali te sę ebo we Bilha me Silpa sigo ogomani, te augwali si aga ayago we si da, te aga paba si dao. Tama agai te aga ayabolo te aga ama dedego dwai kolesaga ebo po weyu yai.

Tigidali Nai Gagalama Nigali Side 9:20

Noa aga te gi sę ebo bidi bidai, tama aga te bono du ąį wain gi bulali.

Tigidali Nai Gagalama Nigali Side 4:2

Nosali agai Abel ame nani, te Kein aga ama dao. Tama Abel te kibu sipsip dali, meme dali si tonalubo bidi pedelai, tama Kein te gi sę ebo bidi pedelali.

1 Samuel 16:11

Tama Samuelgo Jesibolo te tiwai po wali, “Nago ogomani te tigidali tama naga dawe?” Tama Jesigo te po wali, “Menio. Te ogwa bidi ogwa me deli digi elalubao. Te augwa ama sabi bidi tama. Tiali goli, aga te sipsip dabe tonalubo sę ebao,” wali. Tialima, Samuelgo agabolo te po wali, “Tagalao. Te bidi me deli tagala palama, te aga odasa asao. Aga bolo asobo si da, te dago ofa yaibao,” wali.

Tigidali Nai Gagalama Nigali Side 46:31

Tialima, Josepgo aga ama dedebolo me te aga ayago we wai sibibolo te po wai, “Megi da, te eno Ferobolo e tama po wagi paibao, ‘Eno ama dede me eno ayago hani dabe, augwali te Kenande bidali te enaba aselama, bidibao,’ po waibao.

Tigidali Nai Gagalama Nigali Side 46:33

Tama Ferogo dage i olama, tama dagebolo hanalu, te dagego magi sę ebo dawe po obaso da,