Tigidali Nai Gagalama Nigali Side 46:2 - Godigo dwagi yai po buku

² Te hulide nade God te Jekopba pedelama, tama i wali, “Jekop, Jekop.” Tama Jekopgo te po wali, “Ae, ena e bidibao.”

Tigidali Nai Gagalama Nigali Side 46:2 Referans Kwoze

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Godigo Sęba Tagala Palai Bidigo Po 16:9

Tama te sogo hulide Polgo na gagawai yali. Agai Masedonia tǫ bidi me deli dolalubo suali. Aga aselama, Polbolo bomo elama, hanalu wali, “Nage e Masedonia tǫba aselama, da tau sagasao,” wali.

Godigo Sęba Tagala Palai Bidigo Po 10:3

Tama me sogo pioba poloba nai po sela wabode, agai na gagawai yali. Tama agai Godigo dagalude sę ebo ensel bidi me deli aga pageba sabalobo hania sualio. Te Godigo ensel bidigo agabolo te po wai, “Kornilius.”

Godigo Sęba Tagala Palai Bidigo Po 9:10

Te Damaskus bulude bidi me deli Jisas wali pabo bidi bidali, agai nogi Ananaias. Aga bidibadi, na gagawai yali. Tama te na ebadi, Genuai Bidi aga aselama, aga nogi wai. Tama Ananaiasgo te po wei ponoyu te po wai, “Genuai Bidi, ena da ede bidibao.”

Godigo Sęba Tagala Palai Bidigo Po 9:4

Tama Sol aga tǫba tulaluali. Tama agai bidi me deligo pedauwalidu po weyu, te tama po wabo odali, “Sol, Sol, nago ena magi baso dolobo sę ebawe?” te po wai.

Daniel 2:19

Tialima, te sogo hulide naga, te Daniel aga na tiwai ebadi, tama Godigo Danielba te kingo na yali page ola mawai. Tama Danielgo te po wei ponoyu, tama te Godigo nogi ugwaba siyu,

Jopgo Po Asęani Elalubo Buku 4:13

Te po eno hulide sali. Te bidi dabe sese mu godege pilama tomo mu igi paide. Ena pila mubadi yaide, te haniani kolesaga eno tobolude iba oba ida wali.

1 Samuel 3:10

Tama nosali Genuai Bidi ma dolagaselama, tama agaba i weyu, te polobadu wali po tiwai gilama wali, “Samuel! Samuel!” Tama Samuelgo te po wali, “Nago po megi da wao, ena nago sę bidi tama eno nago po waboba olo muai elalubao,” wali.

1 Samuel 3:4

tialima, Genuai Bidigo Samuelba i wali. Tama Samuelgo te po wai, “Awe, ena bidibao,” wai.

Israel Hanigo Namba 24:4

Tama eno Godigo pusubo po odobo dao. God Tigidali Bomo Elalubo Bidigo te nade ebo sę tiwai enade pedalobo dao. Tama eno bomonama mu tonama, te nai dabe eno hania mu subo dao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Tigidali Nai Gagalama Nigali Side 31:11

Tama eno nade Godigo ensel mobo bidigo ena i olama, tama enabolo te po wali, ‘Jekop.’ Tama eno te po wai, ‘Ena e bidibao.’

Tigidali Nai Gagalama Nigali Side 22:11

Tiali goli, Yawego Mobo Bidi Ensel te dagalude bidiyu, tama i wali, “Abraham! Abraham!” Tama Abrahamgo te po wai, “Ena e bidibao,” wai.

Tigidali Nai Gagalama Nigali Side 22:1

Nosali Godigo Abraham usu sali. Agai Abraham agabolo i olama, te tiwai po wai, “Abraham o!” Tama Abrahamgo te po wai, “Ena e bidibao.”

Tigidali Nai Gagalama Nigali Side 15:13

Tama edubadi, Yawego agabolo tama po wali, “Mu tama koneao, te nago wąį dabego wai dabe te augwali gasa hani bidi dabego tǫde te bulu meni yai bidi dabe te bulu wau bilibo bidi dabe pedelaibao. Te augwaligo olo sę ebo bidi dabe pedaliyu, tama gasa hanigo dolobo sę ebo dologode augwali bididubadi, te bidi sese nogo si sągą si 400 kibu be tama usu naibao.

Godigo Sęba Tagala Palai Bidigo Po 10:13

Pitago te po wabo odali, “Pita, nage hodasa pelama, me badu hasa dabe ela tuao,” wali.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Te Israel Tobolu Bidi Dabe 7:2

Tama Genuai Bidigo Gideonbolo te po wai, “Eno dage tau selama, te Midian dabe dali hwįnama, te augwali aiyaba elaluabo homu yali, tiali goli te bidi hauwa mu nage dali bidibao. Te augwaligo homu te tiwai idali, ‘Dago te Midian dabe aiyaba elaluali te dena bomode naga te tiali!’ te homu yaibao. Tama augwaligo homugo te eno augwali tau sali te homu me egobeo.

Te Israel Tobolu Bidi Dabe 7:9

Te sogo hulide Genuai Bidigo Gideonbolo te po wali, “Dage hogodama, tama te augwali bidibo pesageba dulama hwįgulao,” po wai. “Te eno dage tau selama, te Midian bidi hani dabe aiyaba elalumainu yaibao.

Sekaraia 1:8

Te hulide eno nai me nade subo nai tiwai me suali. Tama eno Genuai Bidigo ensel bidi kaneme hosde dualasa asobo suali. Te hos te bulu odogo mede ni tomode dolalubo suali. Tama meba hos dabe aga tudi badu dolalubo suali. Te hos dabe meba te kaneme hos, meba te nala hos, meba hos dabe te popoi pai hos dabe suali. Tama te ensel dabe te hos dabede dualalubo suali.