Tigidali Nai Gagalama Nigali Side 46:10 - Godigo dwagi yai po buku

¹⁰ Tama Simeongo ogwa dabe nogi e dao, Jemuel, me Jamin, Ohat, Jakin, Sohar me Saul. Saul te Kenan wego ame nani ogwa dao.

Tigidali Nai Gagalama Nigali Side 46:10 Referans Kwoze

Ma Dobola Sali 6:15

Simeon, te Jekopgo tomo ogwa, agai wai ogwa te a naga olama me badu nogo deli, gomunai ogwa Jemuel, me Jamin, me Ohat, me Jakin, me Sohar, me Saul. Saul aga ida te Kenan we me deli dao. Simeongo hani a naga me badu nogo deli, te hani tomode Simeon aga wąį pedelai.

Tigidali Nai Gagalama Nigali Side 29:33

Nosali te Lea haliga ma elama, tama gasa ogwa me ame nani. Tama agai te po wai, “Yawego te gasa ogwa te wai enabolo mani, magi baso meni, agai odali, Jekopgo ena kuna godolo me isąwai.” Tialima, agai te ogwa nogi Simeon poali.

Tuni Bidi Dabego Po Elalubo Buku Deli 2:1

Israelgo ogwa dabe augwaligo nogi dabe e dao, Ruben, me Simeon, me Livai, me Juda, me Isakar, me Sebulun,

Israel Hanigo Namba 1:6

Te Simeon hanide da, nago te Surisadaigo ogwa Selumiel sagameo.

Tigidali Nai Gagalama Nigali Side 34:30

Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.

Tigidali Nai Gagalama Nigali Side 34:25

Te sela sogo bidama, tama te bidi dabe tigiwali togwali te dene mu iduali. Tama Jekopgo ogwa si, Simeon me Livai, te augwali si te Daina aga abe si mu dao. Te augwali sigo te moni bainat hwą ge selama, tama tibo te hanuba biligi pai. Tiali goli, augwali sigo te bidi dabe augwali ela muabo te augwaligo konebeo. Megi da, te augwali sigo te hanude bidali bidi dabe tigidali ela silai.

Tigidali Nai Gagalama Nigali Side 28:1

Te Aisakgo Jekop i olama, tama te dwagi yai sę agabolo pedelabo po agabolo mawai. Tama Aisakgo agabolo e tiwai bomo yai po mani, “Nago te e bulu Kenan tǫ we me deli munu me selamuo.

Tigidali Nai Gagalama Nigali Side 46:9

Te Rubengo ogwa dabe nogi te e tiwai, Hanok, me Palu, me Hesron, me Karmi.

Tigidali Nai Gagalama Nigali Side 46:11

Tama te Livaigo ogwa dabe e da, Gerson, me Kohat, me Merari.