Tigidali Nai Gagalama Nigali Side 45:6 - Godigo dwagi yai po buku

⁶ Te megi e bulude nasi elalubadi, te kibu be si yalio. Tiali goli, te bidi dabego gide nai sela tusiąbadi, te nai sili bidabo kibu be te a naga me elalubao.

Tigidali Nai Gagalama Nigali Side 45:6 Referans Kwoze

Tigidali Nai Gagalama Nigali Side 47:23

Te Josepgo te tiwai po te tigidali we bidibolo wali, “Dagego odao, te megi e sogode eno dage me, te dagego tǫ dali abelalio. Megi da, dage te Ferogo bage elalubao. Te e da dagego bulabo nai wai dao. Tialima, dagego te giba bulugi pao,” wai.

Tigidali Nai Gagalama Nigali Side 41:56

Te dwai nasi mu te Isip tǫ pedai tigidali badu pedalubaso, tama Josepgo te nai muani bakstua sunumi dalama, tama te Isip hani we bidi dabe aselama, te wit abelagasai.

Tigidali Nai Gagalama Nigali Side 41:54

megi da, te Josepgo wali po gilama te a naga olama, me si wali te nasi yabo kibu be pedelai. Te genuai nasi ebo te tigidali gasa tǫ pedaide me pedelali. Tiali goli, te Isip tǫ pedai tigidalide te nai usu elaluai.

Aisaia 30:24

Tama me, dage duga gide nai selama, tama duga gi tǫ elebo kau kibu dabe, me donki kibu dabe bugagia mawaibao.

1 Samuel 8:12

Tama agai te bidi meba te 1,000 ami bidigo kepten polalubo bidi, me te 50 ami bidigo polalubo bidi tama nigilaibao. Tama agai te dagego wai mebago te agai gi bulabo tǫ elimainu eyu, tama mebago te agai gide inayu tau yali nai saibao. Tama mebago te hwįabo ene nigaibao, tama agai karisde peyu, hwįabo nai dabe me nigaibao.

Bomai Po 21:4

Tama augwaligo te kau kibu te sula sisąbo wę pąba sela pelama, tama te tǫ pedai te bidigo gi isąwai digi, augwaligo te kau kibu elama, mage togwa.

Ma Dobola Sali 34:21

“Tama tigidali Sarere te dagego sę yabo side te a naga olama nogo kibisa, te tama sogo naga sę yabo sogo te elalubao, tiali goli te 7 wali, te me deli sogo te sę me egio, te habu selai. Te gide tǫ elabo sogo, ma te nai inayu tau yai nai sisinibo sogo elalubaso da, dagego te olo bidibo side te sę me igimio.”

Tigidali Nai Gagalama Nigali Side 47:18

Tama gasa nosali kibu be mede augwali te Josep pageba ma pelama, tama augwaligo te po wali, “Genuai bidi, dago sęgę ebo te nagebolo geme me dualugobeo. Te dago mone tigidali silibadi, te tigidali sipsip me bulmakau, te doado bage te nageba mena silai elalubao. Dago nageba maiabo nai me elalubeo. Te dago tigi dali, te dago tǫ dali si naga te elalubao.

Tigidali Nai Gagalama Nigali Side 37:2

Josep te gesi ogwa bidi, te agai kibu be te 17 kibu be elaluali. Tama aga ama dede meba augwaligo te kibu sipsip me meme tonaluali, tama Josepgo augwali tau sali. Te aga ama dede augwali te sę ebo we Bilha me Silpa sigo ogomani, te augwali si aga ayago we si da, te aga paba si dao. Tama agai te aga ayabolo te aga ama dedego dwai kolesaga ebo po weyu yai.

Tigidali Nai Gagalama Nigali Side 41:46

Josepgo kibu be te 30 kibu be elalubadi, tama aga te Isip tuni bidi Ferogo sę gagalama yali. Tama Josepgo te Fero taga peyu, aga te Isip tǫ pedai sesede usu nama bilali.

Tigidali Nai Gagalama Nigali Side 41:53

Te a naga olama, nogo me si wali, te wiegi yai kibu be bidali te silama,

Tigidali Nai Gagalama Nigali Side 41:35

Augwaligo te wiegi yai kibu bede te nai dabe tigidali selama, sisinao. Augwaligo te nage dologode sę eyu, tama augwaligo te wit, me yuyu, me te hanu tomode elalubo nai dabe me, te tigidali deliba sisinao. Tama augwaligo te nai dabe tigidali te bugagia tonaluao.