Tigidali Nai Gagalama Nigali Side 45:18 - Godigo dwagi yai po buku

¹⁸ “Te augwaligo augwa aya, me augwa we wai puluba oda sigi pelama, tama augwali ena pageba ma asiąo. Te ena Ferogo augwalibolo te Isipde wiegi yai tǫ me deli mawaibao. Tama augwali te bulu nai te wiegi yai mu sela tueibao.

Tigidali Nai Gagalama Nigali Side 45:18 Referans Kwoze

Tigidali Nai Gagalama Nigali Side 47:6

Te Isipde wiegi yai tǫ hauwa te elalubao. Nago me deli gegelama, tama augwali teba muao. Te augwali te Gosende bidainogo ebaso da, te usu dao. Tama nago koneani, te augwali mebago te bulmakau tonalubo sę kuna koneani homu eyu da, teda nago augwali te eno bulmakau tonaluabo bidi me nigilao,” wali.

Tigidali Nai Gagalama Nigali Side 27:28

Te eno homugo te Godigo hulide te siginibo wę tagala palomainu elama, tama nago tigidali gide nai hauwa holomainu yaibao. Te agai nagebolo te wit hauwa me, wain wę me hauwa momainu yaibao.

Godigo Nogi Ugwaba Sabo Tęąbi Po Wabo Buku Dabe 147:14

Te boi bidi dabe asidali weyu, agai te dagego tǫ me tonaluyu, tama te gide wiegi yai wit mu holomainu elama, tama dagego tulama, tama pągąna pabo dao.

Israel Hanigo Namba 18:29

Dagego te sabo nai wiegi yai dabe bugagia bugulama, tama te wiegi yai nai te Genuai Bidigo nai sa muao, tama dagego agabolo mao.

Israel Hanigo Namba 18:12

“Te meba gasa Israel dabego te tigidali hasia podolali nai wiegi yai oliv wel, me wain, me wit deli deli kibu bede enabolo mabo dao. Tama eno te nai dabe dagebolo mawaibao.

Aisaia 28:4

Nage te nai wai bulabo tǫde te dwasianu bulu du elalubo madi nage te bidibao. Tama nage sawi yai plaua bono tiwai elalubo ąǫ te ebao. Tiali goli, nage te plaua bono mobia pelama, dobo tiwai yaibao. Tama nage deli sogo tama silaibao, te ni fik du me deli hasia tau ebo tiwai, tama bidi me deligo sulama, polo sela tubo tiwai yaibao.

Aisaia 28:1

Hobede mu dao, te Israel bagego sawi yai taun nage. Nage mu dolaibao. Te naga genuai bidi dabego wain wę hauwa mu tulama, poliyu, tama nago nogi ugwaba mu sabo dao. Augwaligo te po wabo dao, nage te bomai hanu mu dao, po wabo dao. Nage te nai bula tuabo tǫ wiegi yai bulu dude te bidibao. Tama nage te naga genuai bidi dabego tobolude mubo plaua kula wai bono elalubo ąǫ te elalubao. Tiali goli, nage pąde tama te plaua bono sasia pelama, dolobo tiwai nage dolaibao.

Godigo Nogi Ugwaba Sabo Tęąbi Po Wabo Buku Dabe 81:16

Tiali goli, eno wiegi yai nai mu dageba maiyabo homu eyu, tama dage te buside elalubo tubo nai te hani menama, tama dagego haliga te pągąna peyu igi da,” wali.

Bomai Po 32:14

Augwaligo kau kibu dabe, me meme kibu dabego ame pę hauwa augwaligo sali. Tama augwaligo kau kibu, me sipsip kibu, me meme kibu dabe moni bage mu nisali. Tama augwaligo wit me wain dabe wiegi yai mu holali.”

Tigidali Nai Gagalama Nigali Side 45:17

Ferogo te tiwai po Josepbolo wali, “Nago naga ama dedebolo olama, te augwaligo augwa donki dabe sisi elama, tama augwali te Kenanba ma pao,” wali.

Tigidali Nai Gagalama Nigali Side 46:34

teda dagego e tiwai po agabolo waiąo, ‘Genuai bidi, dago te bulmakau me sipsip tonalubo sę te da dwasianu ogomani elalubadi gagalama, te megi e sogoba usu nagasali, te dago dena aya dede hanigo polobadu yali tiwai te dago me yai.’ Te dagego te tama tiwai po weyu da, teda dage te Gosen tǫ pedaide bida po waibao. Eno tama tiwai po wali, magi baso meni, te Isip bidi dabe augwaligo te sipsip tonalubo bidi dabe te augwaligo godolo me ebo meni, tama tedali bidimainao homu ebo dao,” Josepgo aga hani bagebolo te po wai.