Tigidali Nai Gagalama Nigali Side 45:16 - Godigo dwagi yai po buku

¹⁶ Te gavman tuni bidi Ferogo beba te tiwai po sabalu, te Josep aga ama dede sabolali po wali. Tama Ferogo me, te sę ebo ofisa bidi dabe dali, augwaligo te pode wiegi yai homu pemene mu yali.

Tigidali Nai Gagalama Nigali Side 45:16 Referans Kwoze

Godigo Sęba Tagala Palai Bidigo Po 7:13

Tama nosali Isip buluba ma pelama, te sogo Josepgo agai ama dedebolo ‘Ena da Josep dao’ wali.

Godigo Sęba Tagala Palai Bidigo Po 6:5

Te bidi Jisas wali pabo we bidi augwaligo te Jisasgo tagala palai bidi dabego po odama, “Usu da” wali. Tama tibaso, bidi dabe dąį ilali. Hasia bidi agai nogi Stiven, te agai Godigo po mu dąų olama odobo bidi dao, Godigo Dwagi Yai Mobo agai homude mu pągąwai. Bidi mego nogi Filip, bidi mego nogi Prokorus, bidi mego nogi Nikanor, me Timon, me Parmenas, me Nikolas. Te bidi Nikolas, te agai page bulu Antiokdu asali. Polobadu agai te Juda dabego lotu po wabe, tama tamadi te Juda dabego lotu po agai wabo gagalali.

Esta 5:14

Aga we Seres badi, te aga abagi dede augwaligo agabolo te po wai, “Moni homu me igio. Te bidi dabe augwalibolo olama, augwaligo te ni bobobage me deli tulao, te aga bobobage usu nama nedebo, te bidi sese tama 20 mita, tama do kigamu nage te tuni bidi bidibo madi pelama, te Mordekai te nide walabo po hanalugi pagameo. Te tiwai eyu da, te nage homu wiegi yai elama, te nage nai tugi paibao,” wali. Hamango te wiegi yai po da te homu yai, tama agai te bidi dabe mebabolo olama, tama augwaligo te Mordekai walabo ni me deli tulai dao.

Esta 2:4

Tialima, te we dabe augwalide te me deli nago aga godolo mu eyu da, nago aga te gavman tuni we kwin nigilama, agai te kwin bidali we Vasti bidali pesage agai somainu yaibao,” te king tau sabo bidi mebago agabolo te po wai. Te king bidigo odama, tama agai te dwagi yai po da te homu yai, tama agai te po wali pai.

Esta 1:21

Te gavman tuni bidi king te aga tobolu bidi dabe dali augwaligo te po godolo elama, tama king bidigo te Memukango wali po gilama, te tiwai yai dao.

Tuni Bidi Dabego Po Elalubo Buku Si 30:4

King me te we bidi augwaligo te pode usu dao olama, deli homu yali.

2 Samuel 3:36

Te we bidi dabego kingo te po wabo odobo si da, augwali haliga te wiegi yai pemene mu yali. Tiali goli, te sę deligo naga augwali wiegi yai homu pemene me ilibeo. Menio. Augwa te kingo ebo kolesaga tigidalide te wiegi yai homu pemene yai dao.

Bomai Po 1:33

Polobadu te aga polasa pelama, tama agai dage sunumi ola menama, tama agai dage duga ugwa be dabe sę yabo pesage ola mawaidu geai dao. Te hulide da, te aga polasa peyu, te sia bogoli me ebo tiwai elama, dage kegasa pai dao. Ma, ulade da, te pǫ me tiwaigo dage kegasa pai dao,” Mosesgo te po wali.

Tigidali Nai Gagalama Nigali Side 41:33

“Tialima, megi da, nago te wiegi yai kolesaga koneai bidi te nigilama, tama agai te Isip tigidali tǫ pedai badu tonalumainao.

Tigidali Nai Gagalama Nigali Side 34:18

Tama Hamor me, aga ogwa dali, augwali sigo te po godolo yai.

Tigidali Nai Gagalama Nigali Side 20:15

Tama agai Abrahambolo tama po wai, “Suao. Te tigidali tǫ te eno dao. Te nage me badu pedai badu bidabo homu ebaso da, te nago sę dao.”

Tigidali Nai Gagalama Nigali Side 16:6

Abramgo po wei ponani, “Odao. Hagar te naga sę ebo we dao. Te nago aga tonalubao. Te nago mena sę agabolo yainu, te homugo tiao,” wali. Tama Saraigo te Hagar dali boi bidi elama dwai sę ebaso, tama Hagar wi palio.

Tigidali Nai Gagalama Nigali Side 45:15

Tama Josepgo aga ama solo tigidali nono neyu, tama gela dali wai. Tama nosali augwaligo aga dali po miani.

Tigidali Nai Gagalama Nigali Side 45:17

Ferogo te tiwai po Josepbolo wali, “Nago naga ama dedebolo olama, te augwaligo augwa donki dabe sisi elama, tama augwali te Kenanba ma pao,” wali.

Tigidali Nai Gagalama Nigali Side 41:37

Tama Fero dali aga tobolu bidi dabe dali, augwaligo te po usu da po wali.