Tigidali Nai Gagalama Nigali Side 44:8 - Godigo dwagi yai po buku

⁸ Nago da te Kenan tǫdu ma asali, te nago suai dao. Tama dago te dena beg pode te bulali mone dabe te dago ma sesali. Tama megi magi baso nago homugo dago nago genuai bidigo bede te gol silva te dago wi sela soali homu ebawe?

Tigidali Nai Gagalama Nigali Side 44:8 Referans Kwoze

Polgo Po Pas Rom Dabeba Asęani 13:9

Dago koneani, te bomai pode te po wai, “Nago te penani sę egio. Nago bidi ela mugio. Nago nai wi sigio. Nago mena gasa bidigo nai dabe sulama pesa egio.” Te bomai po dabe me, tama gasa bomai po tigidali elalubo, te tigidali bomai po deliba sisinama, tama augwali page deli naga elalubao, te page po e dao, “Te naga digi naga godolo ebo tiwai gilama te nago gasa we bidi dabe augwali godolo eyu tiao.”

Matyu 19:18

Tama te bidigo agabolo te po wai, “Mena bomai po dabewe?” Tama Jisasgo te po wai, “Te e po dabe dao: ‘Nago bidi ela mugio. Nago te penani sę egio. Nago nai wi sigio. Nago gasa bidide tibo po ola magio.

Bomai Po 5:19

“‘Dagego nai wi sigio.’”

Ma Dobola Sali 20:15

“Nago nai wi sigio.”

Tigidali Nai Gagalama Nigali Side 44:7

Tiali goli, augwaligo te tiwai po wei ponani, “Genuai bidi, nago mena tiwai homu elalubaso, tama nago te tiwai po obawe? Dago te tiwai kolesaga yabo te usu me egobeo.

Tigidali Nai Gagalama Nigali Side 43:12

“Dagego te mone dabe dali dabulama, sela pao. Dagego te beg tomoba ma bulali te mone dabe me ma sela pao. Eno konebe, te augwaligo homugo gegeda peyu, tama tiali bogo.

Tigidali Nai Gagalama Nigali Side 42:35

Tigidaligo te augwa wit beg gegeli pelama, tama augwaligo mone gamugi dage te augwa beg deli deli tomode munalua pabo suai. Tama augwaligo te augwa aya dali augwaligo te mone gamugi dage elalubo sulama, tama augwali tigidali wi yai.

Tigidali Nai Gagalama Nigali Side 42:27

Te augwali pigi pali bulu te hulide te augwali pali, te ama mego te aga donki nai mawainu te begde nai tedali. Tama agai te aga mone te beg po tomode bulalubo suali.

Tigidali Nai Gagalama Nigali Side 42:21

Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.

Tigidali Nai Gagalama Nigali Side 43:18

Tama te ama dede wi ebaso, tama augwaligo te tiwai homu yali, ‘Augwaligo te da hasia polasa asali sogo te dago beg tomoba te mone bulali munalubo suai. Augwaligo te homu elama, tama augwaligo da e be tomoba odasa pali,’ te homu yali. ‘Te augwaligo da polo elama, tama augwaligo da te olo sę ebo bidi tiwai nigilaibao. Tama augwaligo te dago donki dabe me saibao,’ te homu yali.