Tigidali Nai Gagalama Nigali Side 44:18 - Godigo dwagi yai po buku

¹⁸ Juda te Josepba pelama, te po wali, “Genuai bidi, te dago po nage dali omainogo yao. Nage genuai bidi mu te Fero aga tiwai dao. Tiali goli, eno homugo te nago ena dali wado po me olamuo.

Tigidali Nai Gagalama Nigali Side 44:18 Referans Kwoze

Ma Dobola Sali 32:22

Tialima, Arongo po wei ponoyu, te po wai, “Genuai bidio, nago ena dali sębę igio. Nago te we bidi hani augwaligo ebo kolesaga koneai dao. Augwaligo dwai kolesaga yainogo bomo mu ebo dao.

Tigidali Nai Gagalama Nigali Side 41:40

Te tama tialima, eno nage te eno hanu tǫde te polalubo gavman bidi nigilama, tama eno hani we bidi Isip dabe tigidali augwaligo nago po wali pomainu yaibao. Ena te gavman tuni bidi te eno nogi deli naga te nago nogi aiyaba elaluaibao,” wali.

Tigidali Nai Gagalama Nigali Side 18:30

Tama Abrahamgo te po wali, “Genuai Bidio, nago wado po olamuo. Eno po ma wainogo ebao. Te tobage bidi te bidi sese deli olama, nogo si naga elalubaso da, magi yaibawe?” Tama Yawego te po wali, “Te eno wiegi yai bidi te bidi deli olama, nogo si bidibo subaso da, teda eno te hanu me dologobeo.”

Tigidali Nai Gagalama Nigali Side 41:44

Tama Ferogo agabolo te po wai, “Ena tuni bidi gavman dao. Tama eno te po obao, te Isip bidi me deligo te aga homugo magi sę me egobeo. Menio. Agai te nagebolo hasia hanalu wao,” wali.

Tigidali Nai Gagalama Nigali Side 18:32

Tama Abrahamgo te po wali, “Genuai Bidio, nago wado po olamuo. Eno po me deli ma simaniyu obao. Te nogo si doloba pai bidi naga bidibaso da, magi yaibawe?” Tama Yawego te po wai, “Te doloba pai nogo si bidi bidibaso da, teda augwali tobade eno te hanu me dologobeo.”

Godigo Sęba Tagala Palai Bidigo Po 2:29

Te Pitago te we bidi dabebolo po ma wai, “Ena hani bidi ama dabe, dago wąį mu Devit, te bidide po eno dagebolo hania haninama mu pusa momainu, e po obao. Devit polobadu isali, tama augwaligo aga pubulali. Agai tigi muani pesage te da bidibo digi pąde e elalubao, te ede me munalubuo. Tama tibaso, dago konebo dao, te Devitgo agai wali po agade digi wabe, te Jisasde wali.

Dwagi Yai Gesi Po Jongo Asęani 5:22

God agai digi agai bidi me deli agai po tų dodolobo menio. Tigidali po tų ebo sę agai aga Ogwago nogoba mawai dao.

Daniel 5:19

Agai bomo genuai mu elaluali, tama teyu te tigidali bulu tǫ kantri we bidi dabe, me te tigidali hani, me te tigidali haniani po wabo hani bidi dabe te agade wi mu elama, tama augwali didibili yai. Te agai bidi me deli ela muabo homu eyu da, agai elai dao. Tama te bidi me deli aga bidibo ula elalumainu homu eyu da, agai te bidimainu sula tagalali. Te agai bidi me deligo nogi ugwaba sabo homu ebaso da, agai te tama tiali. Te agai aiyaba elalu, te bidi me deli dolainu homu ebaso da, teda agai te tama tiai dao.

Daniel 3:15

Tialima, dagego te musik odobo sogo, dagego kidu sugunama, tama te piksaba lotu waiyąo. Tama dagego te tiwai isąbaso da, megi naga tama eno te bidi dabeba walama, tama augwaligo dage te genuai sia daboba sąmainogo yaibao. Tama dagego homugo te dage tau sabo god me deli elaluba homu eba, agawe?” kingo te po wai.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

Godigo Nogi Ugwaba Sabo Tęąbi Po Wabo Buku Dabe 79:5

Genuai Bidio, nisu naga sogo nago dade wado po wabo me elalu, elaibawe? Te nago wado po wabo te sesemane elaluabo homu eba, agawe? Te nago wado ebo me elalu, tama te sia bogoli elalubo tiwai eyu, tama me sula sogobe da, agawe?

Jopgo Po Asęani Elalubo Buku 33:31

“Megi da, Jop, nago odao. Eno nage dali pusabo po meba elalubao. Tama tibaso, pedauwali pania selama, eno po waboba olo sagana munama, odao.

Esta 1:12

Te nai ulubo bidi dabego te tuni bidigo po te kwin Vastibolo wali, tiali goli te tuni we te asobo hagela yai. Tama te tuni bidigo wado po mu weyu, moni sębę yalio.

2 Samuel 14:12

Tama te wego agabolo te tama po wai, “King, te eno nageba po me deli ma omainu yabo te usu da wagowe?” Tama Devitgo te po wai, “Te usu da, nago po wao.”

Tigidali Nai Gagalama Nigali Side 37:7

“Da tigidali te wit gide bidaluyu, tama te wit dunu pali. Tama eno duani te hogodama, tama dolo dolugulali. Tama dagego duani nai dabe dolaluyu, te eno duani nai te bagulama, tama teba kidu sugunani,” wali.

Tigidali Nai Gagalama Nigali Side 37:8

Te aga ama dedego agabolo te po wali, “Nago homugo te nage dago tuni bidi pedelama, tama da tonaluainogo ebawe?” Tama aga ama dede augwaligo te na yali po odama, tama augwaligo aga dali sębę mu yai.

Tigidali Nai Gagalama Nigali Side 44:17

Josepgo te po wali, “Te me tegobeo! Eno tama me egobeo. Te augwaligo te kap munalubo suali bidi, te aga naga eno sę olo ebo bidi pedelaibao. Tiali goli, dage tigidali meba te duga aya bidibo digi ma piagameo. Eno dagede po menio,” wali.

Tigidali Nai Gagalama Nigali Side 37:6

Josepgo te na yali pusuyu, te po wai, “Dagego eno na yali po odao,” wali.