Tigidali Nai Gagalama Nigali Side 43:9 - Godigo dwagi yai po buku

⁹ Te ena digi eno aga tonaluaibao. Te eno aga nageba ma odasa asisąbaso da, teda te sę page enade elaluaibao, te ena e tǫde tigidali sogo bidibo usu nama tiaibao.

Tigidali Nai Gagalama Nigali Side 43:9 Referans Kwoze

Tigidali Nai Gagalama Nigali Side 42:37

Tialima, Rubengo te po aga ayabolo wai, “Te eno Benjamin te nageba ma odasa asisąbaso da, teda nago te eno ogwa si ela muagameo. Te eno aga tonalumainu emainao, tama eno aga te nage bidibo madi ma odasa asaibao,” wali.

Hibru 7:22

Tama tiyu tama dago koneai, te Godigo agai da tau somainogo eyu dąų wali po olama, tama Jisas da te Godigo dąų wali po du mu walobo sę ilabo bidi dao. Tama te we bidi tau sabo dąų wali gesi pogo te polobadu dąų wali po aiyaba mu elalubo dao.

Esekiel 33:8

Tialima, eno bidi mego dwai kolesaga ebo subaso da, tama eno aga isaibao obaso da, teda nago agabolo pusao. Nago agabolo agai homu kolesaga, me agai ebo kolesaga hasegeleyu yao po wao. Tialima, nago agabolo wasiąma yali da, teda agai sęgę me tama elaluaibao, tama aga isaibao. Tiali goli, eno gedude da, teda nago dagede aga isaibao.

Esekiel 33:6

Tiali goli, te tonalubo bidigo te biugel bu wasiąma yali da, teda te boi bidi dabego te we bidi sese tama ela silaibao. Te mu tama goli da, te we bidi augwaligo dwai sęgę elama, isali goli dao. Tiali goli, eno gedude da, te tonalubo bidi dabego geda muanigo da, te augwali te isali dao. Tama eno aga dali te po tų yaibao,” wali.

Esekiel 3:20

“Te eno magi usu sabo sę me deli te wiegi yai bidiba pedalumai hagede sula tagalabaso, tama agai te doloba pai kolesaga tagalama, te dwai kolesaga ebaso da, teda te tebo sogo nago te bidibolo te dwai kolesaga ebo tagala po walao. Te nago agaba wasiąbaso da, teda aga dolama isaibao. Eno agai polobadu te yali wiegi yai kolesagade homu kone me palogobeo. Menio. Te eno agai megi te ebo dwai kolesaga sulama, te eno aga dolomainu sula tagalobaso, te aga dolama isaibao. Tialima, eno gedude te aga isabo page te nagede elalubaso aga isali dao.

Esekiel 3:18

Te eno suali, bidi me deligo dwai kolesaga ebaso, eno te po weyu, aga isimainao po obaso da, teda nago te dwai kolesaga yali bidi agabolo pusao. Nago agabolo waliyu, te aga homugo ebo kolesaga hasegelibaso, te aga me hagagobeo. Te nago agabolo walisąbaso da, teda aga sęgę te tiwai naga elalubadi, te aga isaibao. Tialima, te eno gedude da, te aga isabo page nagede elalubaso te aga isali dao.

Godigo Nogi Ugwaba Sabo Tęąbi Po Wabo Buku Dabe 119:122

Eno homugo te nago naga sę bidi ena tau sabo bomai po dąų omainogo homu ebao. Te nago te dwai hagoma ebo bidi dabego enabolo te sęgę momai hagede sula tagaligio.

Jopgo Po Asęani Elalubo Buku 17:3

God, ena digi eno nago po tų ebode ugwaba ela hologobeo. Bidi me deli bidibadi bogo ena pesage hasegelama, tama po tų ebode agai e tama omai, eno dwai sę me yai menio po omainu. Tama nosali da, eno dwai sę me ebo si da, teda te bidigo eno pesage selama, tama nage dali po tų dodolamainu. Te tobage kolesaga yabo bidi mu meni ena tau siyu. Tama tibaso, naga digi naga bidi gagalama, tama eno pesage sao.

Te Israel me Juda Hani Sigo Tuni Bidigo Po Elalubo Buku Deli 1:21

“Te nago augwaliba megi po walisiąbaso da, teda nage isai madi da, te bidi dabego ena dali me eno wai, Solomon, da si te bidi me we dwai subo tiwai eyu, tama augwaligo da si ela muaibao,” Batsebago te tama po wai.

Tigidali Nai Gagalama Nigali Side 31:39

Tama te uni hasago nago sipsip me deli ela mubo sogo, eno nagebolo sela asiyu, tama nagebolo me waselagasobeo. Menio. Ena digi eno te haga yali nai wei ponani. Nago sesemane sogo enabolo po bomonama weyu, te be bubugade me hulide te gasa bidi dabego wi sali sipsip meme tigidali wei ponao po oduai dao, tama te tigidali ena digi eno wei ponani.

Tigidali Nai Gagalama Nigali Side 9:5

Te bidi me deligo dage ela mubaso da, teda eno te bidi sula tagalogobeo, eno agabolo me wei ponaibao. Tama te hasa sibigo dage me elibaso da, teda aga me eno ela muaibao. Ma, bidigo gasa bidi ela mubaso da, teda agabolo eno wei ponaibao.

Dwagi Yai Gesi Po Lukgo Asęani 11:50

Tama tibaso, megi bidalubo bage te tigidali Godigo po pusa mabo bidi dabebolo polobadu bidali we bidigo yali sę wei siyu, dene saibao. Te Godigo e tǫ nigali sogo gagalasa asali, te megi e bidibo sogoba usu nagasu, te yali dwai sęgę te megi bidalubo we bidi dabede wei ponaibao.

Tigidali Nai Gagalama Nigali Side 43:10

Tama nago da dąų wagi menigi sogo da, teda da pelama, tama si sogo ma asigi da,” wali.

2 Samuel 14:9

Tiali goli, wego te tama po kingba wai, “King, te nago eno te sęgę dodolabo te tobage sunumi te mena tama gegibaso da, teda nago te sę yali page te enaba me, eno hani sibiba dali, asomainu yaibao. Tiali goli, nage dali te naga hani sibide me, te sę po meni yaibao,” wali.