Tigidali Nai Gagalama Nigali Side 43:33 - Godigo dwagi yai po buku

³³ Augwaligo te Josep aga ama dede augwali te tebol saide te agai gedu te gesabidi te badu dugayali. Tama augwaligo te ama dede augwa idago ame nani usu nama, tama waselali. Augwaligo te gomunai bidide gagalama, te sabi bidi te ogwa bidiba simanigi pali. Tama te ama dede augwa digi te tiwai dualalubo suali, tama augwaba digi ma tonono pelama, tama augwa homu hauwa eyu, noma sali.

Tigidali Nai Gagalama Nigali Side 43:33 Referans Kwoze

Matyu 8:10

Jisasgo te po odama, tama aga homu noma siyu, tama agai aga wali asobo we bidi dabebolo te po wali, “Eno mu po dagebolo obao, eno te Israel we bidi hanide te tobage konealubo po dąų wai bidi tiwai me deli eno subeo. Menio.

Tigidali Nai Gagalama Nigali Side 42:7

Tama Josepgo aga ama dede sulama, tama polo agai augwali sulama, konea pali. Tiali goli, agai augwali dali po miani te agai augwali konesiąwai bage dali po mibo tiwai yai. Agai augwali dali po bomonama, tama te po wai, “Dage menadu asaliwe?” Augwaligo te po wai, “Da te Kenandu aselama, tama da nai abelagasu asali,” wali.

Tigidali Nai Gagalama Nigali Side 44:12

Te Josepgo sę bidigo te kap gegebo sę te augwa ama gomunai bidigo begde gagalama, susa paligo te augwa ama gesi ogwa bidigo begba siminigi pali. Tama agai te kap te Benjamingo begde bulalubo suai.

Tigidali Nai Gagalama Nigali Side 48:18

Tama agai te tiwai po aga ayabolo wali, “Aya, nago te yali sę dolo ebeo,” wali. “Te e ogwa da, aga te gomunai ogwa dao. Te nago dolo nogo aga toboluba mugi sogo da, te usu igi dao,” te po wai.

Ma Dobola Sali 28:10

Tama gomunai ogwade hasia gagalama, tama te nogo si olama sągą si te sabi ogwaba te nogi mubo siminigi pao. Augwaligo te 6 nogi te me masigide mubadi, te 6 nogi te gasa masigi mede mubadi yao.