Tigidali Nai Gagalama Nigali Side 43:29 - Godigo dwagi yai po buku

²⁹ Josepgo te aga ama mu Benjamin sulama, tama agai te po wali, “Te bidi aga te dagego ama gesi ogwa bidi mu yali bogo, polasa dagego te aga po dagego enabolo wali, te dawe? Ogwao, eno homugo Godigo dwagi yai olo tau sabo sęgo nage tau somainogo yao,” wali.

Tigidali Nai Gagalama Nigali Side 43:29 Referans Kwoze

Israel Hanigo Namba 6:25

Tama Genuai Bidigo dage dali dwagi yai homu elama, dage olo mu tau somainao.

Tigidali Nai Gagalama Nigali Side 42:13

Tama augwaligo te po wali, “Genuai bidi, da te nogo si olama, sągągo si bidi da. Da te Kenan tǫde te bidi deligo ogwa dabe dao. Te dago ama gesi bidi mu te megi dago aya dali bidibo, tama dago ama gasa me te hagawai dao,” wali.

Hibru 13:1

Dage Godigo po wali pabo we bidi, sesemane sogo dagego duga hasi duga ama dede dali dwagi yai homu eyu godolo iduao.

2 Timoti 1:2

Timoti, nage dali eno e po asęna tolobao. Te eno nagebolo Godigo po pusama, tama nago homu te poba begi peyu, tama nage te gesi noma bidi pedalali. Tama tiyu, tama nage eno ogwa mu tiwai dao. Tama eno homugo dago Aya God dali, dago Genuai Bidi Krais Jisas dali, augwali sigo nagebolo te olo tau sabo kolesagago dwagi yai sę eyu, tama homu dene eyu elama, tama nago homu nagamea peyu bugagia bidao.

Dwagi Yai Gesi Po Makgo Asęani 10:24

Tama aga wali pabo bidi dabe te pode midigi siyu noma sai. Tiali goli Jisasgo po wei augwalibolo ma ponoyu, te po wai, “Te eno ogomani dabe, te God bidibo madi tomoba painu ebo bidi, aga te sinabo sę dene yaibao.

Matyu 9:22

Te Jisas begelama, te we suali. Agai te webolo te po wai, “Eno wegi, nago homu te tegaluama bidao. Nago konealubo po enade dąų waibaso, nago tigi ma usu ilali.” Tama Jisasgo te po obadi yaide, polo tama te we dwagi yai ma yali.

Matyu 9:2

Tama augwaligo gasi bidi me deli aga pageba tolasa asali, te bidigo sągą tigi dili tigidali mu isai, tama aga te gologobe wade pila muai. Tama augwaligo konealubo po agade dąų wali sulama, tama agai te gasi bidibolo te po wai, “Ogwa, nago homu ma tegaluama bidao. Eno nago yali dwai sę sęgę sela sąbao,” Jisasgo te po wai.

Malakai 1:9

Ae, dage pris, duga te Godiba hanalu te agai wiegi yai sę daba emainu homu yali. Tiali goli, te agai dagego gedu haluasa po me odogobeo, tama te sę yali page dego dawe? Te dugade digi dao. Magi baso meni, dagego agaba te dwai hasa dabe sesiyu, te ofa emainogo yali.

Aisaia 33:2

O Genuai Bidi, dago homu kolesaga nage deliba naga elalubao. Nago da hobede elama, tama tigidali sogo da bugagia tonaluagameo. Tame te sęgę ebo sogo, nago da ma selama, tama dago augwali aiyaba elalumainu ilao.

Aisaia 30:19

Te Jerusalemde megi bidalubo we bidi, tega, dage hobede elama, gela me wagobeo. Megi te Genuai Bidigo dage hobede elama, dage tau sabo deli naga no munalubao. Te dagego aga i olama, gedu haluasa po wabo si da, polo tama agai dagego i wabo odama, dage olo mu tau saibao.

Godigo Nogi Ugwaba Sabo Tęąbi Po Wabo Buku Dabe 112:4

Hulia sai elaluai, tialima ula pedelama, dwagi yai bidi dabe augwali te ulago tau sabo dao. Dwagi yai bidigo gasa we bidi dali dwagi yai sę eyu, augwali bugagia olo tau sabo homu elama, dolo bugagia bilibo dao.

Godigo Nogi Ugwaba Sabo Tęąbi Po Wabo Buku Dabe 111:4

Genuai Bidigo te we bidigo homu hodolama, te augwaligo agai ebo wiegi yai sę dabe te sesemane sogo homu konealumainu yai. Sesemane sogo Genuai Bidigo te olo tau sabo wiegi yai kolesaga eyu, tama da homu dene eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 67:1

God, nago te olo tau sabo wiegi yai kolesaga dabolo elama, tama daba te wiegi yai sę yao. Nago daba homu kone palama, tama da tau sao.

Tuni Bidi Dabego Po Elalubo Buku Si 29:11

Dage te pris dabe me Livai dabe, dagego te koneąo, Genuai Bidigo dage agai sę emainu sa muai dao. Dage Genuai Bidigo gedude dolama tama agai sę yabo te elalubao, tama te we bidigo agaba mu lotu omainu ola maiabo te elalubao, tama me te wiegi yai hano holobo ofa yabo me te dao. Tialima dagego te sę bugagia mu yao,” Hesekiago te po wali.

Josua 7:19

Tama Josuago Akanbolo te po wai, “Ogwao, megi nage te Israel dabe dago Genuai Bidi God gedude dolugulama, tama nago te yali sę po dabe hanilama, hania pusao. Nago enade magi sę me deli munu me dualigio,” wali.

Tigidali Nai Gagalama Nigali Side 45:8

Tama dagego digi enade mone siyu, tama ena tagala palobaso, te ena e buluba soabeo. Menio! Godigo digi ena tagala palobaso, tama ena soali. Tama agai ena te Ferogo aya tiwai ilali. Eno agai bede me bulubadu hani tigidali tonalu, tama ena te Isip tigidali pedai badu tolalubo tobolu bidi bidibo dao,” Josepgo te po wai.

Tigidali Nai Gagalama Nigali Side 42:11

Da tigidali te bidi deligo wai dabe dao. Dago te sa asobo bidi tiwai gilama me ebeo. Menio. Da te mu po wabo bidi dabe dao,” wali.

Tigidali Nai Gagalama Nigali Side 35:24

Reselgo wai si elaluali, Josep me Benjamin.

Tigidali Nai Gagalama Nigali Side 44:21

Tama genuai bidi, nago te tiwai po dabolo wai, ‘Te dagego ama odasa aselama, te eno sueibao,’ wai.