Tigidali Nai Gagalama Nigali Side 43:20 - Godigo dwagi yai po buku

²⁰ “Genuai bidi, nago te dago wabo po odao. Polobadu da eba aselama, tama nai abelagasai.

Tigidali Nai Gagalama Nigali Side 43:20 Referans Kwoze

Tigidali Nai Gagalama Nigali Side 42:3

Tialima, te Josepgo ama dede nogo si bage pelama, te Isipba wit abeligi pali.

Tigidali Nai Gagalama Nigali Side 42:10

Tama augwaligo po wei ponani, “Mena, ąą, genuai bidi. Da te nago sę bidi dabe da, da te nai abelagasu asali.

Tigidali Nai Gagalama Nigali Side 43:7

Augwaligo te po wali, ‘Te bidigo dabolo hauwa sogo hanalu wali. Agai te da hani sibi po hanalu wali. Agai te po wali, ‘Te dagego aya bidibowe, ma isaliwe? Te dagego ama me deli bidibowe, ma meniwe?’ Agai te tama tiwai po hanalubaso, tama dago agabolo wali. Dago konebe, agai dabolo te dago ama sela asao wabo po te dago me konebeo.”

Tigidali Nai Gagalama Nigali Side 43:3

Tiali goli, Judago aga ayabolo te tiwai po wali, “Aya, nagebolo dago wai dao. Te Isipde bidibo gavman tobolu bidigo da dali wado yai. Agai dabolo te dage ede ma sugobeo po wali, te dago ama te da dali me asisąbaso da, te tama tiwai po wai dao.

Tigidali Nai Gagalama Nigali Side 42:35

Tigidaligo te augwa wit beg gegeli pelama, tama augwaligo mone gamugi dage te augwa beg deli deli tomode munalua pabo suai. Tama augwaligo te augwa aya dali augwaligo te mone gamugi dage elalubo sulama, tama augwali tigidali wi yai.

Tigidali Nai Gagalama Nigali Side 42:27

Te augwali pigi pali bulu te hulide te augwali pali, te ama mego te aga donki nai mawainu te begde nai tedali. Tama agai te aga mone te beg po tomode bulalubo suali.

Tigidali Nai Gagalama Nigali Side 43:19

Tama tibaso, augwali te Josepgo be tonalubo sę bidi bidibo madi sabolama, tama augwaligo aga dali te be sunumi pąde po miani,

Tigidali Nai Gagalama Nigali Side 43:21

Tiali goli, te da pelama, te deli sogo pigi pali hulide, te da deli deligo dena beg po dada pali, tama da tigidaligo te dena mone te gamugi dagede dali te begde bulalubo suali. Megi dago te mone me ma sela asai dao.

Te Israel me Juda Hani Sigo Tuni Bidigo Po Elalubo Buku Deli 3:17

Tama we me deligo te tiwai po wai, “Eno king, te odao. Te we da si te be delide bidali. Tama eno te wai ogwa me deli ame nani. Tama eno te wai ame nani sogo, te we te bede ena dali bidai.