Tigidali Nai Gagalama Nigali Side 43:18 - Godigo dwagi yai po buku

¹⁸ Tama te ama dede wi ebaso, tama augwaligo te tiwai homu yali, ‘Augwaligo te da hasia polasa asali sogo te dago beg tomoba te mone bulali munalubo suai. Augwaligo te homu elama, tama augwaligo da e be tomoba odasa pali,’ te homu yali. ‘Te augwaligo da polo elama, tama augwaligo da te olo sę ebo bidi tiwai nigilaibao. Tama augwaligo te dago donki dabe me saibao,’ te homu yali.

Tigidali Nai Gagalama Nigali Side 43:18 Referans Kwoze

Tigidali Nai Gagalama Nigali Side 42:35

Tigidaligo te augwa wit beg gegeli pelama, tama augwaligo mone gamugi dage te augwa beg deli deli tomode munalua pabo suai. Tama augwaligo te augwa aya dali augwaligo te mone gamugi dage elalubo sulama, tama augwali tigidali wi yai.

Polgo Po Pas Rom Dabeba Asęani 7:8

Awe, te bomai po menigi sogo da, teda te dwai sę ebo kolesaga te isai bidi tiwai elalugi dao. E tiwai dao. Polobadu te ena ogwade bidibadi te sogo eno te bomai po konebeo, tama ena bugagia olo bidali, eno homu ena sęgę sai bidi meni. Tiali goli nosali Godigo bomai po eno kone selama, tama eno homu tomode elaluali dwai sę ebo kolesagago eno dwai sę yabo homu hodaluama, tama haniani naide pesa ebo sęgo ena homu hodolai. Tebogo eno koneani, eno te bomai po bolama tama dwai sę yalio, te eno koneanio.

Dwagi Yai Gesi Po Makgo Asęani 6:16

Tama te gavman tuni bidi Herotgo te wabo po odama, tama agai te po wai, “Polobadu eno bidi me tagala palama, tama agai Jon dogoni togolama tama aga isai dao. Tiali goli megi da, aga ma hodaluali dao,” te po wali.

Aisaia 7:2

te Juda dabego tuni bidigo te e tama po odali, te Siria ami bidi dabe te Israel bagego tǫba polo asai dao wabo po odali. Tama tuni bidi aga we bidi hani dali augwali wi mu eyu, haliga midigi sali, te bomai waligo te ni silide elalubo ni yabe dabe memenege ilibo tiwai yali.

Godigo Nogi Ugwaba Sabo Tęąbi Po Wabo Buku Dabe 73:16

Eno homu hauwa elama, tama eno te sę page konemainu ebao, te dwai sę ebo bidi dabego ebo sę page. Tiali goli, te enade sesabo sę mu ebo dao.

Godigo Nogi Ugwaba Sabo Tęąbi Po Wabo Buku Dabe 53:5

Tiali goli, te augwali wi umabo mu yaibao. Polobadu augwa te tiwai wi me ebeo. Mu menio. Magi baso meni, te Godigo dagego boi bidi tigidali silimainu yaibao. Agai augwali ela munama, tama agai augwaligo dili dabe są są paibao.

Jopgo Po Asęani Elalubo Buku 30:14

Augwaligo ena dali hwįagasu da, te genuai hwįbo ami hani bagego moni hanu bagulali obo aluama, tomoba pelama, hanu tomode hwįbo tiwai mu ebo. Te tamu ąį dini holama, saneba buguasa asobo tiwai me augwaligo enaba asiyu tama tebo dao.

Jopgo Po Asęani Elalubo Buku 15:21

Augwaligo haniani kulukulu odobo si, augwali wi mu ebo dao. Augwaligo homugo dwai naigo augwali dolainu asobao wabo dao. Tama augwaligo homugo augwali bugagia bidibao homu ebode da, teda bidi dabe aselama, augwali dolama, augwaligo nai dabe wi sagasobo dao.

Te Israel Tobolu Bidi Dabe 14:4

Te aga aya dali ida sigo te Genuai Bidigo te Samson ola mayu, te tiwai sę ebo te konesiąwani, magi baso meni, Genuai Bidigo te Filistia dabe dali hwįabo sunumi gegebo sę yali. Te sogo te Filistia dabego te Israel dabe tonaluali.

Te Israel Tobolu Bidi Dabe 13:22

Tama Manoago aga webolo te po waliyu, te po wai, “Te da si isaibao, magi baso meni, dago te Genuai Bidigo Ensel Bidi sualio.”

Bomai Po 22:17

Tama te bidigo te wegibolo ili po weyu te po wali, “Eno te sali goli, eno suali, te we te penani sę polobadu yai eno tamadi tama sualio,” po walio. Tiali goli, dagego suao, te name ugwago te wegi te penani sę me isąwai dao olama, te sa elaluali, te name ugwa e dao,’ po wao. Tama agai te ugwa te tobolu bidi dabego gesabidide tǫba mumainogo yao.

Bomai Po 22:14

tama agai te webolo po olo dali kisilama, te we te gasa bidi mego penani yai te eno megi koneai dao po obaso da,

Tigidali Nai Gagalama Nigali Side 42:28

Tama aga ama dedebolo i wali, “Suao! Augwaligo te eno mone ma te begba bulali! Te eno begde munalubo suai.” Augwaligo te po wabo odama, tama augwali dwai noma mu sali. Tama augwali wi mu elama, tama subigila po miyu, te po wali, “Godigo mena sę dabolo megi yaliwe?”

Tigidali Nai Gagalama Nigali Side 42:21

Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.

Tigidali Nai Gagalama Nigali Side 43:17

Tialima, te sę bidigo te Josepgo po wali gilama, tama agai te bidi dabe te Josepgo beba odasa pali.

Tigidali Nai Gagalama Nigali Side 43:19

Tama tibaso, augwali te Josepgo be tonalubo sę bidi bidibo madi sabolama, tama augwaligo aga dali te be sunumi pąde po miani,

Daniel 6:4

Tama tibaso, te gasa ofisa dabe me, te aga dali deli sę yali bidi sigo me, te tama homu yali, te hagela homu yai. Tama te augwaligo Danielgo te dwai sę meba ebo te sunumi gegebo sę yali, te augwaligo aga po tų ilainu tialio. Tiali goli, augwaligo te dwai sę me deli ebo gegebo usu isąwani, magi baso meni, Daniel te doloba pai bidi, tama agai sę te wiegi yai naga yai. Agai te tibo po me wasiąyu, te dolo isąwai kolesaga me ebeo.

Tigidali Nai Gagalama Nigali Side 42:27

Te augwali pigi pali bulu te hulide te augwali pali, te ama mego te aga donki nai mawainu te begde nai tedali. Tama agai te aga mone te beg po tomode bulalubo suali.

Tigidali Nai Gagalama Nigali Side 44:8

Nago da te Kenan tǫdu ma asali, te nago suai dao. Tama dago te dena beg pode te bulali mone dabe te dago ma sesali. Tama megi magi baso nago homugo dago nago genuai bidigo bede te gol silva te dago wi sela soali homu ebawe?