Tigidali Nai Gagalama Nigali Side 43:14 - Godigo dwagi yai po buku

¹⁴ Eno gedu haluasa te tiwai, te Tigidali Bomo Elalubo Godigo te bidigo homu begelibaso, te agai dage homu dene yaibao. Tama eno homugo agai te duga gasa ama Simeon me, te Benjamin badi, te si dagebolo ma mawaibao. Te eno ogomani tagalu da, eno bomogo te sę hasegelainu ebo te usu me egobeo,” Israelgo te po wai.

Tigidali Nai Gagalama Nigali Side 43:14 Referans Kwoze

Esta 4:16

Agai te tiwai po wai, “Nage pelama, te Susa moni hanude bidibo Juda dabe tigidali sisinama, tama dagego nai osogo gisilama, tama dagego ena homu kone palama, gedu haluasa po wao. Te megi gagalasa, dagego nai me wę me giligade badi, hulide me, te osogo gisilao, te sela wabo sogoba usu nao. Te eno ena sę ebo we dabe dali me, te dago tama tiwaibao. Tialima, te sę elama, nosali ena te king bidigo beba paibao. Tagala, te eno bomai po tama bolaibao. Te eno tama tilama, te ena isibaso da, te po meni, te ena isaibao,” Estago te po wai dao.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Godigo Sęba Tagala Palai Bidigo Po 21:14

Dago Polbolo te po wai, “Dago naga homugo pai hagede ebadi, dago togologobeo. Dago te po tama silali. Tilama, dago Godibolo po wainao, ‘Genuai Bidi, naga homugo naga tigidali sę pedalomainao, da wali paibao, dago te aga pelamuo po ma wagobeo,’” dago te po wali.

Nehemia 1:11

Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Godigo Nogi Ugwaba Sabo Tęąbi Po Wabo Buku Dabe 119:41

Genuai Bidi, nago ena ola mani, nago ena godolo mu eyu, nago ena ma sai. Polobadu nago po weyu, tama tiaiba wai dao.

Godigo Nogi Ugwaba Sabo Tęąbi Po Wabo Buku Dabe 100:5

Genuai Bidigo dwagi yai kolesaga naga ebo dao. Sesemane sogo agai da godolo mu ebo dao. Agai sesemane bidada pabo sogo mu po wabo wali pabo dao.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

2 Jon 1:3

Dago Aya God dali, te Aya aga Ogwa Jisas Krais dali, augwali sigo da dali olo tau sabo kolesaga dali, te homu dene eyu tau mabo kolesaga me, te bidi homu dwagi yai nagamea ilibo kolesaga me, te kolesaga sela da dali augwaligo yaibao. Tama dago Godigo mu po koneyu, tama dena hasi dwagi yai homu eyu godolo ebo kolesaga ebadi, augwaligo te kolesaga da dali yaibao.

Taitus 1:4

Taitus nage dali eno e po asęna tolobao. Te da dali, nage dali da tigidaligo God dali, Krais dali te konealubo po deli naga elalubaso, tama nage eno ogwa mu tiwai dao. Tama eno homugo dago Aya God dali, Krais Jisas dali augwali sigo nagebolo te olo tau sabo kolesagago dwagi yai sę eyu elama, tama nago homu nagamea peyu bugagia bidao.

2 Timoti 1:16

Ena te hasia polasa dwai sę yali bidi te ena digi bidali goli, Jisas Krais agai ena dali homu dene eyu tau selama, tama ena ma dobola sai. Magi basowe? Te ena subo piksa noma tiwai yali. Tama nosali te gasa dwai sę ebo we bidi augwaligo te Kraisgo te dwai sę ebo bidi polo elisąbo wiegi yai kolesaga hania konemainogo eyu, agai ena dali te kolesaga naga hasia yai dao. Tama augwaligo homu aga poba begi peyu, tama bidibo ula selama, bugagia sesemane sogo bidada peyu, bidada pomainogo yaibao.

2 Timoti 1:2

Timoti, nage dali eno e po asęna tolobao. Te eno nagebolo Godigo po pusama, tama nago homu te poba begi peyu, tama nage te gesi noma bidi pedalali. Tama tiyu, tama nage eno ogwa mu tiwai dao. Tama eno homugo dago Aya God dali, dago Genuai Bidi Krais Jisas dali, augwali sigo nagebolo te olo tau sabo kolesagago dwagi yai sę eyu, tama homu dene eyu elama, tama nago homu nagamea peyu bugagia bidao.

Godigo Sęba Tagala Palai Bidigo Po 7:10

Tama Godigo aga tonaluali, me me sęgę pedalobaso, Godigo aga tau selama, bugagia bidali. Te Isip tǫ genuai tuni bidi, tama Josep te Isip tǫ genuai tuni bidi gesabiba pelama, tama Godigo aga tau selama, Josepgo dwagi yai kolesaga ebo te tuni bidigo sulama, aga dwagi yai bidi dao, te tuni bidigo agade te homu yai. Tama tibaso, tuni bidigo Josep te Isip tǫ genuai gavman bidi nigilama, bidalio. ‘Tigidali me me sę nago naga tonaluao, eno bede me,’ Isip tuni bidigo te po wali.”

Dwagi Yai Gesi Po Lukgo Asęani 1:50

Te God agai po tų sisu pabo we bidibolo agai olo tau sabo sę me, te iba bidada pabo bidigo ogwago ogwa dabego me, agai po tų sisu pidubaso da, agai tama tede piduabo tolai dao. Agai nogogo bomai sę yai dao.

Aisaia 49:13

Dagalu, nago te wiegi yai homu pemene eyu, i wao. Te tǫ, nage pemene elama, genuai po dągą wao. Dage bulu du dabe, dagego me te pemene ebo balia wao. Magi baso meni, Genuai Bidigo olo mu tau mabo wiegi yai kolesaga aga we bidiba ebo dao. Augwa te sęgę hauwa tolali, tiali goli, megi da, Genuai Bidigo augwaliba wiegi yai sę elama, te augwa haliga dua tamugulama ma bidaibao.

Bugagia Bidibo Kolesagade Po Asęai Buku 21:1

Genuai Bidigo te kingo homu kolesaga dodolobaso, tama kingo te Genuai Bidigo homu wali peyu, te ąį te ąį gamiadu wali pabo tiwai ebo dao.

Bugagia Bidibo Kolesagade Po Asęai Buku 1:1

E po da, te Solomongo wiegi yai po dabe dao, te Devitgo ogwa, tama te Israel king bidi dao.

Esra 7:27

Ena Esra dao, eno te pas nedelama, tama eno e tiwai po obao, “Eno homu wiegi yai pemene eyu, tama Godiba usu da po obao, te dago wąį nǫų dabego Genuai Bidi dao. Magi baso meni, Godigo te kingo homu hodolobaso, tama kingo te Genuai Bidigo be Jerusalemde dwagi yai ilaibao po walio.

Tigidali Nai Gagalama Nigali Side 42:36

Tama Jekopgo augwalibolo te po wai, “Dagego eno ogwa si doligi pai. Josep te hagawai. Simeon me te hagawali. Tama megi dagego te Benjamin hagaligi painu obao. Te tama tebo sęgo te ena homu sęgę mawai!” wali.

Tigidali Nai Gagalama Nigali Side 42:24

Josepgo odama, tama augwali taga pelama, tama aga gela wagi pali. Aga gela wali silama, te aga ma aselama, tama augwali dali po miagasali. Tialima, agai Simeon nogo tų ilama, tama augwaligo Simeon te ama dede augwa gedude nogo tulama, bidali.

Tigidali Nai Gagalama Nigali Side 39:21

Tiali goli, Yawe te Josep dali bidiyu, tama agai aga dali dwagi yai sę yali. Tama tiyu, Yawego te kalabus tonalubo bidigo Josep dali wiegi yai homu pemene emainogo yali.

Tigidali Nai Gagalama Nigali Side 35:11

Tama Godigo agabolo te po wali, “Ena da, te Tigidali Bomo Mu Elalubo God dao. Nago te wai hauwa pedalumainu yao. Te nage hauwa we bidigo wąį hani pedelama, tama te bidi dabe meba augwali te gavman tuni bidi pedelaibao.

Tigidali Nai Gagalama Nigali Side 28:3

Te eno homugo te Tigidali Bomo Mu Elalubo Godigo nage dali wiegi yai sę elama, tama nago wai hauwa ame naibao. Tama tibaso, te nage bidi hani hauwago aya monu pedelaibao.

Godigo Nogi Ugwaba Sabo Tęąbi Po Wabo Buku Dabe 85:7

Genuai Bidi, nago dabolo te nago da sesemane wei ebo ola mao, tama da ma selama, te da bugagia bidaibao.

Dwagi Yai Gesi Po Jongo Asęani 19:22

Pailatgo augwaligo po wei ponoyu, te po wai, “Eno asęani po te eno polo asęai dao. Te po tama elalumainao,” te po wai.

Tigidali Nai Gagalama Nigali Side 43:13

Duga ama selama, tama dage te bidi bidibo digi polo pao.

Godigo Nogi Ugwaba Sabo Tęąbi Po Wabo Buku Dabe 106:46

Agai te Israel dabe kalabus yali boi bidi dabego homu hodolobaso, tama augwaligo te Israel dabe homu dene yalio.

Tigidali Nai Gagalama Nigali Side 44:12

Te Josepgo sę bidigo te kap gegebo sę te augwa ama gomunai bidigo begde gagalama, susa paligo te augwa ama gesi ogwa bidigo begba siminigi pali. Tama agai te kap te Benjamingo begde bulalubo suai.