Tigidali Nai Gagalama Nigali Side 43:11 - Godigo dwagi yai po buku

¹¹ Tialima, Israel, te augwa aya, agai augwalibolo te po wali, “Te tiwai tama pedalubaso da, teda dagego tama tiao. Te e bulude elalubo te wiegi yai nai dabe te selama, duga genuai waba munama, tama dage pelama, tama te gavman tobolu bidibolo te aga wiegi yai homu emainu magi pao. Te tobage tiwai dwasianu haniani nai tigidali sao, te ganima bunugo nigali pusu yai nai me, te mege me, tama te denami ebo ni kaneme, me te haniani sanda, tama me te meba ni haga du walobo tiwai ni du nogi pistasio, me te ni du amon, te tiwai haniani nai sela pao,” wali.

Tigidali Nai Gagalama Nigali Side 43:11 Referans Kwoze

Tigidali Nai Gagalama Nigali Side 37:25

Tama nosali augwali dugulama, tama toma neyu, nai tuali. Te augwali nai tuyu bidalubadi, tama augwaligo te Ismael bidi hani aselabo suali, te gasa nogi me elalubo te Midian bage dao. Augwali te Gileat tedu aselama, tama te Isipba painu soali. Tama augwaligo kamelgo te gasagi yai denami ebo ni kaneme, me te haniani sanda dabe, te sela soali, magi baso meni, augwali te Isipba pelama, tama tede te augwa dobu si ebo bisnis sę yaibao.

Jeremaia 8:22

Te tǫ Gileatde te wiegi yai marasin me munalusiąyu eba, agawe? Te augwa dokta me menisiąyu, ebawe? Magi baso te eno we bidi hobedagia te usu ma pedalugobewe?

Esekiel 27:17

“Tama Tair. te Juda me Israel dabego nageba te wit hauwa mayu, te pusu nai hani, me te ni oliv wel, me te tobage gasagi yai marasin, me gasa nai dabe mobadi yali, te augwaligo nagede sabo nai dobu si abeleyu, tama tiai dao.

Bugagia Bidibo Kolesagade Po Asęai Buku 18:16

Te nago te genuai bidi me deli dali po miainogo da, teda nago te agaba te wiegi yai homu ilabo nai me deli selasa pobaso, tama te agai te nage agaba asomainu yaibao.

1 Samuel 9:7

Tama Solgo te sę bidibolo te po wai, “Tiali goli, te da agaba pobaso da, te dago agabolo wiegi yai homu ilabo nai me deli magi pabo usu yaibao. Tiali goli, dago nai silama, te beg olo elalubao. Dago agaba magi nai mabo usu egowe?”

Godigo Sęba Tagala Palai Bidigo Po 21:14

Dago Polbolo te po wai, “Dago naga homugo pai hagede ebadi, dago togologobeo. Dago te po tama silali. Tilama, dago Godibolo po wainao, ‘Genuai Bidi, naga homugo naga tigidali sę pedalomainao, da wali paibao, dago te aga pelamuo po ma wagobeo,’” dago te po wali.

Esekiel 27:15

Tama te taun Dedan bidi dabego me te nage dali mone sabo bisnis sę yali. Tama te tamu ąį pąde bidibo bulu tǫ kantri bidi dabe hauwago te mone sabo bisnis sę ebaso, tama augwaligo nageba te elefango kele dabe mayu, te augwaligo nageba nago doado bage sainu te husugu yai ni ebonigo dobu si yalio.

Solomon 8:14

Eno wiegi yai abagi da, eno homugo nage polo ma asomainu homu yali, te wiegi yai bulu uni hasa me deli tiwai te bulu du dabeba eda udada holu, te wiegi yai nai dabe denami pągąną pabo tiwai ebo dao.

Solomon 4:10

Nage da eno we, te nage eno hobolu du mu da, nago ena godolo mu ebaso, te ena wiegi yai pemene mu ebao. Nago te godolo homu ebo pusu mu ebao, tama te wain ąįgo pusu aiyaba elaluali. Te nago au yali sanda denamigo te tobage wiegi yai pauda dabego denami aiyaba mu elaluali.

Bugagia Bidibo Kolesagade Po Asęai Buku 21:14

Te bidi me deligo gasa bidiba wado po obaso da, teda te we bidi dabego aga susiąbadi te sogo agai agabolo te wiegi yai homu pemene ebo nai mobaso, tama te agai wado po wali te silaibao.

Bugagia Bidibo Kolesagade Po Asęai Buku 19:6

Bidi hauwago te nogi elalubo bidibolo homu bega sabo po weyu, ta agai augwali wei emainu tibao. Te bidi me deligo te wiegi yai homu ebo nai mabo bidi yai baso da, teda te bidi dabego te aga dali abagi wabo bidi pedelabo homu ebo dao.

Bugagia Bidibo Kolesagade Po Asęai Buku 17:18

Te homu kolesaga meni yai bidi dabe, augwaligo naga te gasa bidigo nai wei ponabo bidi usu meni ebaso, te gasa bidigo nai wei ponabo po dąų wabo dao.

Godigo Nogi Ugwaba Sabo Tęąbi Po Wabo Buku Dabe 76:11

Nago te naga Genuai Bidi Godiba te bomai po dąų walali, teda nago te dąų walali po wali pao. Nago tibo po me wagio. Dago te Genuai Bidide wi elama, tama tiyu, te tigidali we bidigo te agaba wiegi yai olo maiyabo nai dabe selasa pao.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Godigo Nogi Ugwaba Sabo Tęąbi Po Wabo Buku Dabe 68:29

Te king dabe nageba te wiegi yai olo maiyabo nai presen dabe seselama, tama nageba menama, te nago moni lotu be tempel te Jerusalemba mawai dao.

Esta 4:16

Agai te tiwai po wai, “Nage pelama, te Susa moni hanude bidibo Juda dabe tigidali sisinama, tama dagego nai osogo gisilama, tama dagego ena homu kone palama, gedu haluasa po wao. Te megi gagalasa, dagego nai me wę me giligade badi, hulide me, te osogo gisilao, te sela wabo sogoba usu nao. Te eno ena sę ebo we dabe dali me, te dago tama tiwaibao. Tialima, te sę elama, nosali ena te king bidigo beba paibao. Tagala, te eno bomai po tama bolaibao. Te eno tama tilama, te ena isibaso da, te po meni, te ena isaibao,” Estago te po wai dao.

Te Israel me Juda Hani Sigo Tuni Bidigo Po Elalubo Buku Si 20:12

Te Merodak Baladan, Baladango ogwa, aga te Babilon bulu king bidi. Agai te king Hesekia moni gasi yali po odali, tama tibaso, agai te pas me deli asęnama, tama me te agai te olo tau siyu maiabo nai me deli dodolama, tama agai te tagala palobo bidi dabebolo nogode munama tolali, tama augwaligo selasa pelama, te king Hesekiabolo magi pali.

Te Israel me Juda Hani Sigo Tuni Bidigo Po Elalubo Buku Si 16:8

Tama te king Ahas agai te Genuai Bidigo tempel bede munalubo gol me, me te silva me, tama me te mone munalubo bede silva me, gol me, me te kingo bede muani nai dabe me selama, tama te agai te nai dabe selama, te Asiria kingba tolali. Magi baso meni, agai homugo te Tiklat Pilesergo te Juda hani tau sao homu eyu, tama te monego abelainu yali.

Te Israel me Juda Hani Sigo Tuni Bidigo Po Elalubo Buku Si 8:8

Awe, tama te kingo Hasaelbolo te po wai, aga sę ebo gavman ofisa bidi me delibolo, e tama po wai, “Tama nago magi nai me deli selasa peyu, te profet bidi sugi pao. Tama nago agabolo e tama po hanalu wao, ‘Nago te Genuai Bidi Godibolo e tama hanalu wao, ena gasi ebo po te sia saibawe, ma meniwe?’ tama po hanalu wao,” wali.

Te Israel me Juda Hani Sigo Tuni Bidigo Po Elalubo Buku Deli 15:19

“‘Eno homugo te dadi si te po dąų olama, te abagi name si da olama, bidaibao, te polobadu te dadi sigo aya sigo yali gilama tiwai yaibao,’” wali. “‘Tama teyu, megi eno te e silva me, te gol me, te e tolobo dao, te olo tama mobao. Eno homugo nago te bidi Basa dali po dąų walali po toga sąyao, te Israel hanigo king bidi. Tama agai aga ami soldia bidi dabe sela peyu, tama eno tǫ taga pomainao,’ te po te king Benhadatbolo pusao,” king Asago te po wali.

Te Israel me Juda Hani Sigo Tuni Bidigo Po Elalubo Buku Deli 10:25

Te tigidali kibu bede te bidi dabe asiyu, tama tigidaligo te Solomonba wiegi yai homu eyu maiabo nai sesali. Augwaligo te bidi dabego te silvago me golgo nigai nai dabe sela asiyu, me augwaligo te wiegi yai ugwa dabe, me te hwįbo nai dabe sesali, tama te tobage pauda me te wiegi yai denami ebo nai, te hos dabe, me te donki dabe, te sela asiyu yai dao.

Te Israel me Juda Hani Sigo Tuni Bidigo Po Elalubo Buku Deli 10:15

Tama agai te tobage bisnis bidi dabede me te takis mone siyu yai. Tama te Arebia bulu kingo me, te Israel tǫ pedai dabede bidibo te polalubo kiap dagego me, te agaba mone mayu yai dao.

Te Israel me Juda Hani Sigo Tuni Bidigo Po Elalubo Buku Deli 4:21

Solomon te tigidali tǫ pedai te wę Yufretisdu gagalasa, te giliga pedaluboba usu nama, tama te giliga dega sigilubo te Filistia dabego tǫ pedaiba usu nigi pelama, te tigidali tǫ tomode te king bidali. Tama te Isip tǫ te saut badu dąį igi pali. Te bulu tǫ pedai bidi dabego te Solomonba takis mone mayu, tama augwali te aga dologode bidada pali te aga isibo sogoba usu nai dao.

1 Samuel 25:27

Tama tialima, genuai bidi, eno homugo te eno nageba wiegi yai homu ilimainu te sesali nai te nago somainu homu ebao, tama naga hani bidi dabeba mao,” wali.

Bomai Po 33:14

Tama augwaligo tǫde wę hauwa ilimainao. Tama Genuai Bidigo augwaligo gi wiegi yai iliyu, tama giligago augwaligo gide tigidali nai tau dabe bugagia mu augwa side bugagia tau emainao.

Tigidali Nai Gagalama Nigali Side 43:14

Eno gedu haluasa te tiwai, te Tigidali Bomo Elalubo Godigo te bidigo homu begelibaso, te agai dage homu dene yaibao. Tama eno homugo agai te duga gasa ama Simeon me, te Benjamin badi, te si dagebolo ma mawaibao. Te eno ogomani tagalu da, eno bomogo te sę hasegelainu ebo te usu me egobeo,” Israelgo te po wai.

Tigidali Nai Gagalama Nigali Side 33:10

Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai.

Pris Sę Ebo Bomai Po 20:24

Eno te po dagebolo wai dao, te tǫ da wiegi yai mu, te ili hauwa elalubao, te nai hauwa tede holaibao. Te eno dagebolo menama, te dagego tǫ mu pedelaibao. Ena Genuai Bidi, ena dagego God, te eno dage gasa hani tomode sali, te dage enaduba deligo we bidi naga bidimainogo yai dao.

Tigidali Nai Gagalama Nigali Side 43:10

Tama nago da dąų wagi menigi sogo da, teda da pelama, tama si sogo ma asigi da,” wali.

Tigidali Nai Gagalama Nigali Side 43:15

Tialima, te ama dede augwaligo te homu wiegi yai ilabo nai dabe selama, tama augwaligo gasa nai dabe te mone dali ugwadu daganama, tama augwali pali. Augwaligo te Benjamin me oda sali. Tialima, augwali hogodama, tama Isipba polo pali, tama augwali Josep bidiboba sabolali.

Tigidali Nai Gagalama Nigali Side 43:25

Augwaligo augwa sesali te wiegi yai homu ilabo nai dabe sisi ilali, magi baso meni, te augwaligo odali, te Josep augwali dali giliga tomode te belo wabode augwali dali nai tuagasaibao po wabo odali.

Tigidali Nai Gagalama Nigali Side 43:26

Augwali te bede bidaludubadi tama Josep asali. Tama augwaligo te wiegi yai homu ilibo nai dabe te agaba sela pelama, tama augwaligo agaba kidu sugunama, tama mage tǫba basi gulali.

Esekiel 27:22

Te bulu Sebade bisnis sę ebo bidi dabe me, te taun bulu Rama bidi dabego me, te gol me, te wiegi yai denami ebo tobage nai nogi pauda me, te wiegi yai sawi yai masigi dabe me sesali, te nage dali dobu si eyu, nago mabo nai dabe sabo eyu, tama sę yai dao.

Ma Dobola Sali 3:8

Tama ena dulai dao, tama te augwali te Isip dabego nogode ma selama, tama augwali te genuai tǫ me deli te tǫ ili hauwa elalubo, te nai bugagia dwagi yai mu holobo tǫba odasa paibao. Te tǫde megi te Kenan bidi hani me, te Hit hani me, te Amor hani me, te Peres, me Hivi, me Jebus, te tama hani augwali te tǫde megi bidibo dao.