Tigidali Nai Gagalama Nigali Side 42:25 - Godigo dwagi yai po buku

²⁵ Nosali Josepgo te sę ebo bidi dabebolo olama, augwaligo te ama dedego begba te wit bulali, tama augwa beg deli deli tomoba te augwa mone ma bubulu pali, tama augwali te sunumidu peyu, tųdu pabo nai me te augwali tau siyu mawai. Tialima, augwaligo Josepgo wali po tiwai gilama yai.

Tigidali Nai Gagalama Nigali Side 42:25 Referans Kwoze

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Aisaia 55:1

Genuai Bidigo te po wai, “Tega, dage te ąį nogonego sabo we bidi dabe, dage enaba aselama, dage wę tuagasao. Dage te mone meni yani hani dabe, dage enaba aselama, te dage nai sela tuagasao, te aselama te ąį wain me hasa bulmakaugo ame pę ąį sagasao, te monego me abeligobeo.

Tigidali Nai Gagalama Nigali Side 45:21

Te Jekopgo ogwa dabego te Ferogo augwaliba wali po tiwai gilama yali. Tama Josepgo te kibu hosgo kegabo karis meba augwaliba mani, te meba nai augwali te sunumidu peyu tuabo nai dali mani, te Ferogo wali gilama tiali.

Tigidali Nai Gagalama Nigali Side 42:26

Te ama dede augwaligo te augwa donki dabe daiba te wit beg dabe munama, tama augwali pai.

Tigidali Nai Gagalama Nigali Side 43:12

“Dagego te mone dabe dali dabulama, sela pao. Dagego te beg tomoba ma bulali te mone dabe me ma sela pao. Eno konebe, te augwaligo homugo gegeda peyu, tama tiali bogo.