Tigidali Nai Gagalama Nigali Side 42:19 - Godigo dwagi yai po buku

¹⁹ Te dage mu po wabo bidi dabe da wida, teda dage me deli naga te dage kalabus bidali bede bidimainu yaibao. Tama dage gasa bage, te dage duga we wai dabe nasi ebaso, tau sainu abelali nai wit sela peyu, tama dage pagameo.

Tigidali Nai Gagalama Nigali Side 42:19 Referans Kwoze

Jeremaia 37:15

Te tobolu bidi dabego Iriyago po odama, te augwaligo Jeremaia dali wado po dwai mu wali. Te augwaligo aga keloago elama, te aga kalabus ilama, te kuskus Jonatango beba muani, magi baso meni, te Jonatango be augwaligo te kalabus be tiwai pedelama elaluai dao.

Aisaia 42:22

Tiali goli, megi dage Israel dwai mu bidibao. Te boi bidi dabego dage dolagaselama, te dagego doado bage wi sela palio. Te augwaligo dage me sela pelama, tama dage te be dabede, me tǫ dedage dabede kalabus elama, elaluali. Te dage augwaligo nogode ma dobola sabo bidi deli me meni yai elalubao.

Aisaia 42:7

Te nago te gedu hwidai bage dabe te ma tonomainu ilaibao. Nago te kalabuside bidibo bidi dabe, me te be hulide bidibo bage me, te magi naigo me tonalusiąma, te olo mu bidimainu ilaibao,” te po wali.

Tigidali Nai Gagalama Nigali Side 45:23

Tama Josepgo te Isipde ebo wiegi yai doado bage hauwa te nogo si donkiba munama, tama aga ayabolo tolali. Tama agai gasa nogo si so donki dali, te wit me bret badi, tama te haniani nai te aga aya sunumidu asobadi te tau selama tųdu asabo nai me tolali.

Tigidali Nai Gagalama Nigali Side 42:26

Te ama dede augwaligo te augwa donki dabe daiba te wit beg dabe munama, tama augwali pai.

Tigidali Nai Gagalama Nigali Side 41:56

Te dwai nasi mu te Isip tǫ pedai tigidali badu pedalubaso, tama Josepgo te nai muani bakstua sunumi dalama, tama te Isip hani we bidi dabe aselama, te wit abelagasai.

Tigidali Nai Gagalama Nigali Side 40:3

tama agai augwali si te ami bidi dabe tonalubo bidigo be teba muani. Augwali si te Josep augwaligo kalabusiba muani madi te kalabus beba naga muai.

Tigidali Nai Gagalama Nigali Side 42:11

Da tigidali te bidi deligo wai dabe dao. Dago te sa asobo bidi tiwai gilama me ebeo. Menio. Da te mu po wabo bidi dabe dao,” wali.

Tigidali Nai Gagalama Nigali Side 42:18

Te sela sogo wabode Josepgo augwalibolo te po wali, “Dagego eno po wali pelama, tama dage bidibo ula elalubao, magi baso meni, eno lotu po te Godiba wabo dao.

Tigidali Nai Gagalama Nigali Side 42:20

Tiali goli, dagego duga ama gesi bidi te enaba odasa asiąo, tama tiyu da, te eno koneama, tama dagego mu po wali homu eyu, tama dage me isimainu me egobeo.” Augwaligo te Josepgo po usu da po wai.

Tigidali Nai Gagalama Nigali Side 42:33

Tialima, te gavman polalubo bidigo te po dabolo ma wali, ‘Te dage me deli ena dali bidibaso da, tama eno koneama, te dage mu po wabo bidi dabe da wainogo. Tama dage meba gasa te dage duga we wai nasi idali weyu maiabo nai wit sela peyu, tama duga piąo,’ te po wali.