Tigidali Nai Gagalama Nigali Side 42:18 - Godigo dwagi yai po buku

¹⁸ Te sela sogo wabode Josepgo augwalibolo te po wali, “Dagego eno po wali pelama, tama dage bidibo ula elalubao, magi baso meni, eno lotu po te Godiba wabo dao.

Tigidali Nai Gagalama Nigali Side 42:18 Referans Kwoze

Pris Sę Ebo Bomai Po 25:43

Tama tialima, dagego te abagi selebo sę eyu, aga sę dene ilibo sę igio. Menio. Dage enade wi yao, dagego God, te dagego bugagia wiegi yai sę naga agaba yao.

Nehemia 5:15

Te ena gavman bidi bidisiąbadi, te provinsde polasa gavman bidali bidi dabe, augwaligo te we bidi dabeba genuai sęgę mawai. Augwaligo te we bidi dabede te nai me, wain me, te mone 400 kina anoma elama siyu yali. Tama me te gavman bidigo sę bidi dabego te we bidi dabe augwali aiyaba elalu yai. Tiali goli, ena te God dologode bidiyu, tede homugo kone palobaso, tama tiyu, eno te tiwai kolesaga me ebeo.

Dwagi Yai Gesi Po Lukgo Asęani 18:2

Jisasgo te po wali, “Te be nani mede te po tų dodolobo bidi me deli bidali. Te bidigo Godide wi isąyu, we bidide me wi isąyu bidali.

Tigidali Nai Gagalama Nigali Side 20:11

Tama Abrahamgo po wei ponoyu, te po wai, “Polobadu eno te tama homu yai, ‘Te e bulu bidi dabe augwali te Godide wi isiąbowe,’ te homu yai. ‘Tiyu, augwaligo ena ela munama, tama eno we saiba,’ homu yalio.

Dwagi Yai Gesi Po Lukgo Asęani 18:4

Tama te po tų dodolobo bidi hauwa sogo te wilawe wego wali pode ‘Menio’ wedu gebadi yali. Tiali goli, nosali aga homu begeleyu, aga homugo koneama, te po wali, ‘Eno God me, bidi me wi isąbadi goli,

Nehemia 5:9

Tama eno po wadoa selama, te tama po wali, “Dagego kolesaga dolo me ebeo. Dage te God dologoba pelama, tama doloba pai kolesaga sesemane yao. Te dagego te tiwai ebaso da, teda te dago boi bidi dabego me te dago ebo kolesagaba te posobo po me wagobeo.

Tigidali Nai Gagalama Nigali Side 39:9

Eno te bede te aga bomo tiwai digi te eno elalubao. Tama agai te magi nai me deli te enabolo me habu selibeo, nage deli naga, te nage agai we da. Magi baso eno te tiwai dwai kolesaga yaibawe? Te eno tama tiwai dwai sę ebaso da, teda eno God gedude dwai sęgę saibao,” wali.

Tigidali Nai Gagalama Nigali Side 42:19

Te dage mu po wabo bidi dabe da wida, teda dage me deli naga te dage kalabus bidali bede bidimainu yaibao. Tama dage gasa bage, te dage duga we wai dabe nasi ebaso, tau sainu abelali nai wit sela peyu, tama dage pagameo.

Ma Dobola Sali 18:21

Tiali goli, me nago te po page koneai bidi meba sa munama, tama augwaligo te we bidi tonaluabo bidi bidimainao. Tama mebago te we bidi bidi sese hauwa 1,000 mu tonaluyu, tama meba bidigo te bidi sese a naga 100 we bidi tonaluyu, tama mebago te 50 we bidi tonaluyu, tama mebago te nogo si we bidi naga tonalumainao. Nago te God dologode bidibo bidi dabe augwali sa munama, tama te tiwai bidi dago homu augwaliba dąų olama, tama meba bidi dabego dwai sę yali te monego augwali abelainogo ebo usugobeo.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Ma Dobola Sali 1:17

Tama te we si God dali wi elama, tama augwali sigo te tuni bidigo wali po wali pabeo. Tama te we sigo te Israel we dabego ogwa ame nabo elisiąma tagalama elaluai, te we sigo te ogwa ame nabo elebeo.

Pris Sę Ebo Bomai Po 25:17

Dagego te abagi me deli tibo po ola magio, te tǫ abelabo monede. Menio. Dagego enade wi yao, dagego God dao, te doloba pai kolesaga naga yao. Ena Genuai Bidigo te tiwai po obao,” wali.