Tigidali Nai Gagalama Nigali Side 42:15 - Godigo dwagi yai po buku

¹⁵ Te eno dage te tiwai usu saibao, eno te Ferogo nogide mu po obao. Te dagego ama gesi bidi te asisąbaso, dage te duga buluba ma geasa me pogobeo.

Tigidali Nai Gagalama Nigali Side 42:15 Referans Kwoze

1 Samuel 17:55

Devit pelama, te Goliatba hwįgi pabo Solgo sulama, tama agai te ami dabe augwa polalubo ofisa bidi, Apnerbolo te tiwai po hanalu wai, “Te ogwa te dego wai dawe?” Tama Apnergo agabolo wali, “King o, eno mu po nagebolo obao, eno konebeo,” wali.

Jems 5:12

Ama dedeo, dagego polasa te yabo sęgę sę e dao: Dagego te God aga bidibo madi dagalu me, tǫ me, te gasa nai me nogi eyu, tama dagego te po wabo dao te pogo dąų wagimio. Tama dagego “Awe” weyu duga wabo po dąų walomainu, “Awe” naga wao, te usu yaibao. Me ma, dagego mu po weyu, “Menio” weyu, duga wabo po dąų walomainu, “Menio” naga wao, te usu yaibao. Bidi mego aga wabo po dąų walomainu Godigo nogi weyu da, te bidibolo Godigo sęgę mawaibao. Tama Godigo dagebolo sęgę maidali weyu, dagego te Godigo nogi olo nogi igio.

Jeremaia 5:7

Genuai Bidigo po Jerusalemde elalu te tiwai po wali, “Eno nago dwai sę sela sągobeo, magi baso meni, te nago we bidi dabego ena tudiba munama, tama te mu nai ąǫ isąwai tibo god wali pai. Tama augwaligo te tibo godigo nogide bomai po dąų wai dao. Eno te we bidi dabeba nai hauwa mani, tiali goli, augwaligo ena tagalama, te tibo god wali pobao, te bidigo aga we tagalama, te penani ebo wego beba pabo tiwai ebo dao.

Jeremaia 5:2

“Te dagego bomo yai po me deli dąų weyu, po wabo sogo, dagego Genuai Bidi, eno nogide mu po obao po wabo dao. Tiali goli, dagego tibo po naga weyu, te odolali po wabo dao,” wali.

1 Samuel 20:3

Tiali goli, Devitgo agabolo te po wali, “Nago ayago bugagia koneani, te nago ena godolo homu ebo agai koneani. Tama tiyu, te agai ena ela muabo homu ebo po te nageba me walogobe homu yaibao. Agai homugo te sęde nago homu sęgę idali homu yaibao. Tiali goli, te Sesemane Sogo Bidibo Genuai Bidigo nogide eno mu po obao, nago ayago ena ela muabo homu ebao. Eno te koneanio, te eno koneani megi nage ena dali bidibo tiwai. Tama dwasianu sogo pąde te nago ayago te tama tiaibao,” wali.

1 Samuel 1:26

Tama Hanago Elibolo te tiwai po wai, “Genuai bidio, nago ena homu kone palalubawe, ma meniwe? Mu tama, ena te we te ede polobadu dolalu, te Genuai Bidiba gedu haluasa po wali we dao.

Bomai Po 6:13

Dage God dago Genuai Bidi dologode naga bidiąo. Tama dage deli deligo gasa bidi dali po dąų omainogo eyu da, teda Genuai Bidigo nogi naga nogi elama, te po dąų walao.

Tigidali Nai Gagalama Nigali Side 43:3

Tiali goli, Judago aga ayabolo te tiwai po wali, “Aya, nagebolo dago wai dao. Te Isipde bidibo gavman tobolu bidigo da dali wado yai. Agai dabolo te dage ede ma sugobeo po wali, te dago ama te da dali me asisąbaso da, te tama tiwai po wai dao.

Tigidali Nai Gagalama Nigali Side 42:34

‘Tiali goli, dagego duga ama gesi ogwa bidi te odasa asao,’ wai. ‘Tama eno koneama, te dage bulu sa asisąwai bidi dabe da waibao, te dage mu po naga wabo bidi da po wainogo. Tialima, eno duga ama te dagebolo ma menama, tama duga e bulu tǫde bisnis sę iyagameo,’ te bidigo dabolo te po wai.”

Tigidali Nai Gagalama Nigali Side 42:30

Augwaligo te tiwai po wai, “Te Isip polalubo gavman bidigo te bomai po dabolo weyu, tama dabolo te da sa asobo bidi dabe dao po wali.

Tigidali Nai Gagalama Nigali Side 42:20

Tiali goli, dagego duga ama gesi bidi te enaba odasa asiąo, tama tiyu da, te eno koneama, tama dagego mu po wali homu eyu, tama dage me isimainu me egobeo.” Augwaligo te Josepgo po usu da po wai.

Tigidali Nai Gagalama Nigali Side 42:16

Tama dage te kalabuside e bidibadi, te dage me deli tagala palama, tama duga amanu sigi pelama, odasa asao. Tama tiyu, te dago sulama koneainu, te dagego po te mu po we, ma tibo po we, te eno koneaibao. Te dagego po tigidali te mu po menibaso da, eno koneama, te dage sa asai bidi dabe da po waibao. Eno mu po mu te Ferogo nogide obao,” wali.

Tigidali Nai Gagalama Nigali Side 42:12

Tiali goli, Josepgo augwalibolo te po wali, “Menio! Dagego te dago tǫ hanu pedai mena badu te hwįbo bomo meniwe naga susa bilibao,” te po wai.

Tigidali Nai Gagalama Nigali Side 42:7

Tama Josepgo aga ama dede sulama, tama polo agai augwali sulama, konea pali. Tiali goli, agai augwali dali po miani te agai augwali konesiąwai bage dali po mibo tiwai yai. Agai augwali dali po bomonama, tama te po wai, “Dage menadu asaliwe?” Augwaligo te po wai, “Da te Kenandu aselama, tama da nai abelagasu asali,” wali.

Tigidali Nai Gagalama Nigali Side 42:14

Tiali goli, Josepgo te po ma wali, “Te tiwai po eno wai dao. Dage te sa asobo bidi dabe dao.

Tigidali Nai Gagalama Nigali Side 43:5

Tiali goli, te nago hagela ebaso da, te da me pogobeo, magi baso meni, te Isip gavman tobolu bidigo te da ma subaso da, te hagela mu yaiba, te dago ama te da dali asisąbaso tiaibao,” wali.