Tigidali Nai Gagalama Nigali Side 42:13 - Godigo dwagi yai po buku

¹³ Tama augwaligo te po wali, “Genuai bidi, da te nogo si olama, sągągo si bidi da. Da te Kenan tǫde te bidi deligo ogwa dabe dao. Te dago ama gesi bidi mu te megi dago aya dali bidibo, tama dago ama gasa me te hagawai dao,” wali.

Tigidali Nai Gagalama Nigali Side 42:13 Referans Kwoze

Tigidali Nai Gagalama Nigali Side 37:30

Aga te ama dede bidibo madi pelama, tama te po wali, “Te ogwa Josep tede bidibeo! Te eno magi sę megi yaibawe?”

Tigidali Nai Gagalama Nigali Side 44:20

Tama dago te po wali, ‘Awe, dago aya bidibo, aga te monu dabe yai. Tama dago ama gesi ogwa bidi me bidibo,’ wai. ‘Te ida Reselgo te aya monu dabe badi ame nani,’ te po wai. ‘Tama te gesi ogwa bidi aga ama te isai da. Tama te Reselgo ame nani ogwa si te me deli naga bidibo,’ wai, ‘tama aga ayago aga godolo mu ebo dao,’ wai.

Tigidali Nai Gagalama Nigali Side 42:32

‘Da te ama dabe nogo si olama, sągągo si bidi, te bidi deligo wai dabe naga da. Te ama me deli te isai, tama dago ama gesi bidi mu te aga aya dali te Kenande bidibao.’

Tigidali Nai Gagalama Nigali Side 43:7

Augwaligo te po wali, ‘Te bidigo dabolo hauwa sogo hanalu wali. Agai te da hani sibi po hanalu wali. Agai te po wali, ‘Te dagego aya bidibowe, ma isaliwe? Te dagego ama me deli bidibowe, ma meniwe?’ Agai te tama tiwai po hanalubaso, tama dago agabolo wali. Dago konebe, agai dabolo te dago ama sela asao wabo po te dago me konebeo.”

Matyu 2:18

“Augwaligo po me deli te Rama hanude odali. Augwaligo te genuai gela wabo me te hobede yabo i wabo me odali. Te we Resel aga wai dabe hagede gela obao, tama te we bidi augwaligo aga homu wiegi yai me ilibo usu ebe. Magi baso meni. Aga wai dabe augwali tigidali isalio.”

Matyu 2:16

Tialima te genuai gavman tuni bidi Herotgo koneama, te giliga pedalobo badu asali po page koneai bidi augwaligo agai wali po tudiba munama, tama gasa tųdu geme pai homu yali, tialima aga sębę mu yai. Tama agai enesigi bidi dabe tagala paliyu, augwalibolo te po wai, “Dagego te Betlehem bulude me te pąde elalubo bulude me tede bidibo ogwa wai dabe te kibu be si yabo tomode augwali tigidali ela muao,” te po wali. Agai te po page koneai bidi augwalibolo te hǫ hasia pedelali sogode hanalu badi, tama augwaligo aga dali te wali po homugo ma koneama, agai kibu be si weyu tama tiwai dao.

Te We Bidi Dabego Jerusalem Hagede Gela Wali 5:7

Dago wąį dabe augwaligo polobadu te dwai sę yai digi, augwali polo isila palio. Tama megi da, da augwaligo dagede da sęgę tolobao.

Jeremaia 31:15

Genuai Bidigo te tiwai po wali, “Genuai gela wabo me, te hobede ebo po me, te Rama taunde pedelaibao. Te we Reselgo aga wai dabe isaide te hobedai gela waibao. Te aga te we bidi dabego wiegi yai haliga penebo aga hagela homu yali, magi baso meni, aga wai dabe tigidali te munu me bidibeo.

Tigidali Nai Gagalama Nigali Side 45:26

Augwaligo te po wali, “Josep te isibe yalio. Menio. Aga bidali, tama megi agai te Isip tǫ pedai tigidali tonalubao,” wali. Jekop te midigi dwai mu selama, tama agai te augwaligo wabo poba te homu dąų me wabeo.

Tigidali Nai Gagalama Nigali Side 44:28

Te me deligo ena taga pai dao. Eno aga munu ma subeo. Tama eno homugo te uni kibugo ela tuali homu yai dao.

Tigidali Nai Gagalama Nigali Side 42:38

Tiali goli, Jekopgo te po wali, “Te eno ogwa nage dali pomainogo me egobeo. Te aga ama isai dao. Tama agaduba deli naga megi bidibao. Ena monu dabe yai, tama aga te sunumide doloyu da, teda dagego ena te moni homu denego te ela mubo tiwai yaibao,” Jekopgo te po wai.

Tigidali Nai Gagalama Nigali Side 42:36

Tama Jekopgo augwalibolo te po wai, “Dagego eno ogwa si doligi pai. Josep te hagawai. Simeon me te hagawali. Tama megi dagego te Benjamin hagaligi painu obao. Te tama tebo sęgo te ena homu sęgę mawai!” wali.

Tigidali Nai Gagalama Nigali Side 42:11

Da tigidali te bidi deligo wai dabe dao. Dago te sa asobo bidi tiwai gilama me ebeo. Menio. Da te mu po wabo bidi dabe dao,” wali.

Tigidali Nai Gagalama Nigali Side 42:12

Tiali goli, Josepgo augwalibolo te po wali, “Menio! Dagego te dago tǫ hanu pedai mena badu te hwįbo bomo meniwe naga susa bilibao,” te po wai.

Tigidali Nai Gagalama Nigali Side 42:14

Tiali goli, Josepgo te po ma wali, “Te tiwai po eno wai dao. Dage te sa asobo bidi dabe dao.

Tigidali Nai Gagalama Nigali Side 43:29

Josepgo te aga ama mu Benjamin sulama, tama agai te po wali, “Te bidi aga te dagego ama gesi ogwa bidi mu yali bogo, polasa dagego te aga po dagego enabolo wali, te dawe? Ogwao, eno homugo Godigo dwagi yai olo tau sabo sęgo nage tau somainogo yao,” wali.