Tigidali Nai Gagalama Nigali Side 42:1 - Godigo dwagi yai po buku

¹ Nosali Jekopgo odali, te Isipde wit elalubo po odali. Tama agai te aga ogomanibolo weyu, bomonama, te po wai, “Magi baso dage olo bidalubawe?

Tigidali Nai Gagalama Nigali Side 42:1 Referans Kwoze

Godigo Sęba Tagala Palai Bidigo Po 7:12

Tama tibaso, Jekopgo te Isipde te tubo nai elalubo po odama, tama agai ogwa dabe, dago wąį dabe, agai augwali tagala palali, Isip buluba hasia sogo mu nai sigi pai, te augwa buluba ma pali.

Josua 7:10

Tialima, Genuai Bidigo Josuabolo te po wai, “Hodaluao! Magi elama nage te tiwai tǫde pila mubawe?

Galesia 2:7

Mu menio. Augwaligo koneai, God agai te Pitago agai po te Juda hanibolo pusumainogo yai tiwai gilama, tama megi Godigo ena te Juda hani isiąwai we bidibolo te Godigo po pusumainogo tagala palai bidi dao.

Hosea 5:13

“Te Israel dabe augwali te tiwai te gasi dwai mu ebo koneani, tama te Juda dabego augwa keni dabe ebo sulama, tialima te Asiria bulu tǫ kantri genuai kingba pelama, te augwali tau somainu hanalugi pali. Tiali goli, te Asiria dabego augwaligo gasi usu ilama, tama augwaligo keni pedela somainu ilabo usu me ebeo.

Jeremaia 8:14

Te Juda dabego te tama po waibao, “Magi baso da olo dugulalubawe? Da sisinama, te bomai obo elalubo taun dabeba geme duala sigi pelainao, tama da te taun dabede isigi pinao. Dago te Genuai Bidi, dena Godiba dago dwai sę yali, tama agai te po weyu, da isimainao wali. Te agai dabolo te bidi dolabo marasin mabo tiwai menama, te dago tumainu yali.

Esra 10:4

Tama te sęgę te dodolabo te nago digi elalubao. Tialima, tagalao, wi igio. Polo hogodama, dodolao. Tama dago te deli haliga nage dali elama bidiyu, tama nago po tigidali wali peyu bidaibao,” po wai.

Te Israel me Juda Hani Sigo Tuni Bidigo Po Elalubo Buku Deli 19:3

Elaijago te po odama, te aga wi elama, wi palio. Agai aga sę bidi selama, augwali si pelama, te Berseba te Juda tǫ kantri buluba saboligi pai. Elaijago aga sę bidi te bulude bididubadi taga pelama,

Ma Dobola Sali 20:18

Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.

Ma Dobola Sali 5:19

Tama te Israel sę tonalubo bidi dabe augwaligo te tuni bidigo wabo po odolama, augwaligo te brik namba pęwadage ilisiąyu, tama augwaligo koneani, megi genuai sęgę augwaliba pedelali, te homu yai.

Tigidali Nai Gagalama Nigali Side 42:2

Eno te po odali, augwaligo te Isipde wit elalubo po odai. Dagego te da tuabo te meba wit abeligi pao, tiyu da te nasigo isabuo,” wali.

Tigidali Nai Gagalama Nigali Side 41:57

Te tigidali tǫ badu bidi hani we bidi augwali me te Isipba Josep bidibo madi aselama, te wit abelagasali, magi baso meni, te dwai nasi ebo si te tigidali tǫ usu nama, te nasi pedelali.

Tigidali Nai Gagalama Nigali Side 41:54

megi da, te Josepgo wali po gilama te a naga olama, me si wali te nasi yabo kibu be pedelai. Te genuai nasi ebo te tigidali gasa tǫ pedaide me pedelali. Tiali goli, te Isip tǫ pedai tigidalide te nai usu elaluai.