Tigidali Nai Gagalama Nigali Side 41:8 - Godigo dwagi yai po buku

⁸ Tama kigamu aga moni homu elama, tama agai te Isip dabe te kolesaga konea pai bidi dabe, me te geme dualali nai dabe subo bidi dabe me, augwali i wali. Agai te na si yali po te augwalibolo wali, tiali goli te na yali page pusabo bidi me deli te usu meni yai.

Tigidali Nai Gagalama Nigali Side 41:8 Referans Kwoze

Daniel 4:7

Tama te tobage po page koneai bidi dabe dali, te pobi wabo bage dali, te tama bidi dabe tigidali asalio. Eno augwaliba te na yali po walali, tiali goli augwaligo te na yali po page pusabo usu meni yai dao.

Ma Dobola Sali 7:22

Tama te kolesaga page osola subo Isip bidi dabe, augwaligo pobigo te Arongo ebo kolesaga tiwai yai. Tama tuni bidigo augwali sigo po odobe. Menio. Agai kolesaga gagea pai me elaluai, te Genuai Bidigo tama tiaibao te po wai.

Matyu 2:1

Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,

Daniel 4:5

Tiali goli, me sogo deli sogo hulide eno na elama, tama ena wi dwai mu yalio. Ena te eno bet saide pila mubadi, tama te eno homude suali nai dabe augwaligo ena wi dwai mu ilalio.

Daniel 1:20

Kingo augwaliba te tobage hauwa naide po hanalu obadi, te agai te tiwai suali, te augwaligo koneani kolesagago te tigidali aga tonalubo tǫ pedaide bidali kolesaga koneani bidi dabe aiyaba mu elaluai suali. Te kolesaga koneani bidi dabego kolesaga dali, te Juda me si me si bidigo koneani kolesaga dali usu mu isiąbo ąǫ isąwai dao.

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Ma Dobola Sali 7:11

Tuni bidigo te tebo sulama, tama agai te tigidali po page koneai bidi dabe, me te haniani pobi wabo bidi dabe i olama, augwaligo me te pobi po olama, tama Arongo ebo kolesaga tiwai augwaligo me yai.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Aisaia 8:19

Te we bidi dabego dagebolo te isai bidi dabego noma dali po wabo we bidiba pao po waibao, tama augwaligo homu kolesaga sigi pao po waibao. Te isai bidi dabego noma dali po wabo bagego augwaligo pedauwalidu pomu po weyu, keledude haniani dwasianu po waibao. Tiali goli, te isai we bidi dabego te bidibo we bidi dabe homu kolesaga mabo usu egobeo. Te tama tiali goli, magi baso mu augwali te isai we bidiba udalama, tama augwalide te kolesaga sabo dawe? Augwali augwa Godiba pomainao.

Pris Sę Ebo Bomai Po 19:31

“Te dagego wiegi yai homu kolesaga sabo homu ebaso da, teda pelama, te isali bidi dabego noma bidi dali po mibo bidi dabeba me hanalugi pigio, te noma bidide homu kolesaga selama, dageba momainogo igio. Te dagego tama sę ebaso da, te dage eno gedude meda pedelaibao. Ena Genuai Bidi, ena duga God, eno te po wai dao.”

Ma Dobola Sali 8:7

Tiali goli, tuni bidigo po page osola subo bidi dabe augwaligo pobigo me te gedeli ąįde bidali tagalama, hauwa te tǫba pai.

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.

Tigidali Nai Gagalama Nigali Side 40:6

Tama Josep te augwali si bidibo madi kigamu sabolali, tama agai te augwali si te homu sęgę elalubo suali.

1 Korin 1:19

Tama tede te Godigo po asęani bukude Godigo wali po me deli e tiwai elalubao: “Te eno te tǫde koneani bidi dabego homu kolesaga dolaibao, te haniani sęde polo konea pabo bidi dabego homu kolesaga ena sela sąwaibao,” Godigo te po wai.

Godigo Sęba Tagala Palai Bidigo Po 17:18

Tama te Epikuria hani po ola mabo bidi dabe me, te Stoik hani po ola mabo bidi dabe me, augwaligo Polgo po aiyaba elaluai hagede, pogo wąbi hwįai ąǫ yali. Te bidi me badugo te po wai, “Te bidi aga da, te mu konesiąwai bidi da. Agai dabolo magi po obawe?” Me badu bidigo te po wali, “Agai te po wabo gasa habuba bidibo Godigowe?” te po wai. Pol agai te Jisasde po ola mobadi yaide, isai bidi te gų pagede ma hodaloabo po ola mobadi yaide, augwaligo te tobage po tama wali.

Godigo Sęba Tagala Palai Bidigo Po 7:22

Tama nosali Isip bidi dabego ebo kolesaga page augwaligo Mosesbolo ola mani. Moses genuai yali, agai sę dabe, po dabe bomai po mu augwalibolo manio,” Stivengo te po wai.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Daniel 8:27

Eno te po oda selama, tama ena haliga sęgę mu yali, tama meba sogode ena gasi tiwai yali. Gasi silama da, te ena hogodama, tama ena te king Belsasargo mani sęba ma palio. Tama te nade eno homu hauwa ebo sę yali, tiali goli eno te na page kuna koneabo usu meni yanio.

Daniel 7:28

Te eno nade suali po tigidali te tama dao. Ena Daniel, ena wi dwai mu elama, tama eno gesabidi te hasegelama, tedela yali. Tama eno te nai dabede homu kone palobo homu mu yalio.

Daniel 5:11

Odao. Te nago bulu tǫde te bidi me deli bidibao, tama te bomai god dabego agaba te wiegi yai homu kolesaga mawai. Te naga wąį king bidali sogo, agai te bidigo te wiegi yai homu kolesaga koneai elalubo suali, tama agai koneani kolesaga te genuai mu, te god dabego koneani kolesagaba usu nani. Tama nago wąį, king Nebukatnesargo, aga te bidi osabo tama aga te gasa kolesaga koneani bidi dabego tobolu bidi nigilama bidali. Te naga wąįgo te tama tiali,

Aisaia 19:3

Te eno te Isip we bidigo homu kolesaga paninama, tama augwaligo bomo sia sanama, tama augwaligo yainu yali sę dabe augwaligo egobeo. Te augwaligo augwa tibo god dabebolo augwali tau somainu hanaluyu yaibao. Tama augwaligo te isai bidi dabego noma dali po wabo bidi dabe dali po wagi paibao. Tama augwaligo homu kolesaga hanaluyu, mena sę augwaligo yagawe waibao.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Pris Sę Ebo Bomai Po 20:6

“Te bidi me deli te kebele aubo bidiba pelama, te isali bidi noma bidi dali po mibo sę igi pabo sę ebo bidi yai baso da, teda te bidigo ena tagalama, te Godigo po odisąwai hanigo kolesaga wali pobao. Tibaso, eno agaba boi bidi eyu, te aga eno hani we bidide sela sąwaibao.

Ma Dobola Sali 9:11

Tama te pobi page koneai bidi dabe augwaligo te Moses ebo bomo yai sę teba pedelainogo ebo te usu ebe, magi basowe, augwali tigide te dili keni pągąna sali, te Isip we bidi tigide keni yali tiwai, augwali tigide me te keni pedelai.

Tigidali Nai Gagalama Nigali Side 41:7

Te nomonasi sia dabego te nisali yuyu a naga olama, me badu si te sia gego pągąwai te nomonasi yuyu dabego augwali dalali. Tialima, megi da, te Fero hodaluama, tama agai te na yalide homu elama, agai koneani.

Tigidali Nai Gagalama Nigali Side 41:15

Tialima, Ferogo Josepbolo te po wali, “Eno na yai, tama te na yali po page pusabo bidi meni yai. Te bidi dabe augwaligo te po wai, te nago na yali po odobaso da, nago te na yali po page pusubo usu ebo da po wai.”

1 Samuel 6:2

tama te Filistia we bidi dabego augwa pris dabe, me te po page konebo Filistia bidi dabe i olama, asobode te augwalibolo te tiwai po hanalu wali, “Te Genuai Bidigo halobage te dago magi yaibawe? Tama dago aga buluba ma tolobode, te dago magi nai dali tolaibawe?”

Daniel 4:6

Tama tibaso, eno te tigidali Babilonde te po page koneai bidi dabe asiąo olama, enabolo te na yali page pusagasiąo po wali.

Daniel 4:18

Tama eno Danielba te tiwai po ma wali, ‘Eno nageba te eno na yali po wai dao. Megi da, Beltesasar, nago enabolo eno te na yali po page pusao, magi baso meni, te eno po page koneai bidi me deligo enabolo te po wainu ebaso, te usu ebeo. Nage naga usu da, magi baso meni, te bomai god dabego te nageba homu kolesaga mawai dao,’ eno Danielbolo te po wali,” Nebukatnesargo te po wai dao.

Tigidali Nai Gagalama Nigali Side 41:24

Te pua pai bugagia holisiąwani te yuyu sia dabe augwaligo te pua pai bugagia holali yuyu sia dabe, te ge pągąwani sia te augwaligo augwali dalali. Eno te na te dualali nai subo konebo bidi dabebolo pusali, tiali goli niwai bidi deli mego te na page pusabo te usu meni yai,” Ferogo te po wai.