Tigidali Nai Gagalama Nigali Side 41:55 - Godigo dwagi yai po buku

⁵⁵ Nosali te Isip tǫ pedai tigidalide te nasi pedelali, tama te we bidi dabego te Feroba gela weyu, te augwali nai mao wali. Tialima, Ferogo te Isipde bidalubo we bidi augwalibolo wali, “Dage te Josepba pelama, tama agai po odigi pao,” wai.

Tigidali Nai Gagalama Nigali Side 41:55 Referans Kwoze

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Matyu 3:17

Tama pedauwali me delide te dagaludu i weyu, te tiwai po wai, “Te aga eno Ogwa dao. Eno aga godolo mu ebao. Tama eno homu agade te pemene wiegi yai ebo dao,” te po wai.

Kolosi 1:19

Magi baso meni. God aga digi homugo agai homu kolesaga sese te aga ogwago elaluyu, tama ogwa aga tiwai mu bidaibao.

Filipai 4:19

Tama ena wali pabo God agai dage bugagia wei ponaibao. Dage Krais Jisas dali wadolama tama dagego mena nai sǫą pobaso da, teda agai umabo elalubo wiegi yai ula yai naigo dage tau siyu, tama dage me mu pągąna paibao.

Dwagi Yai Gesi Po Jongo Asęani 2:5

Jisas aga idago augwali te we sabo be page bidigo sę ebo bagebolo te po wai, “Jisasgo po me deli dage dali obaso da, teda dagego te po wali pao,” te po wai.

Tigidali Nai Gagalama Nigali Side 41:56

Te dwai nasi mu te Isip tǫ pedai tigidali badu pedalubaso, tama Josepgo te nai muani bakstua sunumi dalama, tama te Isip hani we bidi dabe aselama, te wit abelagasai.

Tigidali Nai Gagalama Nigali Side 42:6

Te Josep aga te polalubo gavman bidi te Isipde bidali, tama tigidali Isip tǫ badu bidalubo bidi dabe te aga bidibo digi pelama, tama te wit abeligi pai. Tama te Josepgo ama dede te aga bidibo madi sabolama, tama augwali te aga gedude kidu sugunama, tama augwali te gesabidi te tǫba basi gulali.