Tigidali Nai Gagalama Nigali Side 41:52 - Godigo dwagi yai po buku

⁵² Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Tigidali Nai Gagalama Nigali Side 41:52 Referans Kwoze

Tigidali Nai Gagalama Nigali Side 49:22

“Josep te bidigo tonalusiąbo donki me deli tiwai. Aga te wę ulu sesegede bidibo donki me deli tiwai. Aga te bulu du pedai badu bidibo, te ogwa bidi hos me deli tiwai dao.

Tigidali Nai Gagalama Nigali Side 50:23

Aga te gedu pedalu bidibadi, tama aga ogomani me subadi, te Efraimgo ame nani wai dabe me suali. Te Makirgo wai dabe ame nani sogode, Josepgo te aga hani wai tomoba sela muani. Makir te Manasego ogwa dao.

Tigidali Nai Gagalama Nigali Side 17:6

Te eno nago wai hani dabe te hauwa pedalumainu elama, tama meba te gavman tuni bidi pedelaibao. Te nago hani wai dabe te umabo hauwa hani mu pedelaibao.

Tigidali Nai Gagalama Nigali Side 28:3

Te eno homugo te Tigidali Bomo Mu Elalubo Godigo nage dali wiegi yai sę elama, tama nago wai hauwa ame naibao. Tama tibaso, te nage bidi hani hauwago aya monu pedelaibao.

Amos 6:6

Dagego te genuai kap wain wę hauwa tubo dao. Te dagego denami ebo sawi yai sanda, me ili yai nai te duga tigide denami iliyu mubo dao. Tiali goli, dagego te tǫ kantri Israel nosali dolabo homu dene dwasianu me ebo menio.

Godigo Sęba Tagala Palai Bidigo Po 7:10

Tama Godigo aga tonaluali, me me sęgę pedalobaso, Godigo aga tau selama, bugagia bidali. Te Isip tǫ genuai tuni bidi, tama Josep te Isip tǫ genuai tuni bidi gesabiba pelama, tama Godigo aga tau selama, Josepgo dwagi yai kolesaga ebo te tuni bidigo sulama, aga dwagi yai bidi dao, te tuni bidigo agade te homu yai. Tama tibaso, tuni bidigo Josep te Isip tǫ genuai gavman bidi nigilama, bidalio. ‘Tigidali me me sę nago naga tonaluao, eno bede me,’ Isip tuni bidigo te po wali.”

Tigidali Nai Gagalama Nigali Side 41:51

Tialima, Josepgo te po wai, “Godigo ena tau selama, tama te eno sali sęgę, me te eno aya ida, ama dede, augwalide homu dene ebo, te eno homugo gegeda palai.” Tama tibaso, agai te aga gomunai ogwa nogi te Manase nogi poai.

Tigidali Nai Gagalama Nigali Side 41:53

Te a naga olama, nogo me si wali, te wiegi yai kibu be bidali te silama,

Tigidali Nai Gagalama Nigali Side 48:1

Te meba sogo bidama nosali, augwaligo Josepbolo te po wali, “Nago aya gasi elalubao,” wai. Tama Josepgo aga ogwa si, Manase me Efraim si oda sobadi, tama augwali pelama, aga aya sugi pali.

Tigidali Nai Gagalama Nigali Side 48:14

Tiali goli, te Jekopgo nogo hasegelama, dolo nogo dali pobase nogo dali si agabe selama muyu, tama agai dolo nogo te Efraim toboluba muani, aga te sabi ogwa bidi tama. Tama agai pobase nogo te Manase toboluba muani, aga te gomunai ogwa dao.

1 Samuel 1:20

Tama te Hana haliga elama, tama nosali agai te wai ogwa ame nani. Tama agai te po wai, “Eno Genuai Bidiba hanalu, te wai ena mao obaso, mawai. Tama teyu, eno aga nogi Samuel poali.”

Tigidali Nai Gagalama Nigali Side 48:5

Ena nage bidibo digi te Isipba asisąbadi, tama nago wego ogwa si ame nani. Te megi eno homugo te ogwa si te eno ogwa si mu tiwai bidimainogo ebao. Efraim me Manase te ena ogwa mu si, te Ruben me Simeon te tiwai si dao.

Israel Hanigo Namba 26:28

Te Josepgo hani si elaluali, te Manase me Efraim.

Josua 16:4

Te Josepgo wąį dabe, te Manasego hani me te Efraimgo hani dali, augwaligo te tǫ sali.

Josua 17:1

Augwaligo te Manasego hani dabego tǫ me deli te dąį ilali, magi baso meni, Manase te Josepgo gomunai ogwa dao. Makir, te Manasego gomunai ogwa da, tama aga te ami bidi me deli da, tama te Gileat tǫgo aya da. Tama augwaligo aga tǫ te Gileat badu, me Basan te badu, te tǫ dąį ilama, bidali.