Tigidali Nai Gagalama Nigali Side 41:51 - Godigo dwagi yai po buku

⁵¹ Tialima, Josepgo te po wai, “Godigo ena tau selama, tama te eno sali sęgę, me te eno aya ida, ama dede, augwalide homu dene ebo, te eno homugo gegeda palai.” Tama tibaso, agai te aga gomunai ogwa nogi te Manase nogi poai.

Tigidali Nai Gagalama Nigali Side 41:51 Referans Kwoze

Godigo Nogi Ugwaba Sabo Tęąbi Po Wabo Buku Dabe 30:5

Magi baso meni, agai wado po te pęwadage sogo naga waibao. Tama agai homu wiegi yai daba elama, tama da bugagia wiegi yai ilaibao. Te tigidali sogo da tǫde bidibo sogo te tama tibo dao. Te hulide eno gedu ąį dulali, tiali goli te kigamu da, eno te wiegi yai homu pemene ma yaibao.

Bugagia Bidibo Kolesagade Po Asęai Buku 31:7

Te augwa tuabo homu wei ebaso da, augwa te tumainu eyu, tama augwa te magi nai meni yai bidabo te homu kone me isiąyu, tama augwa te genuai sęgę elalumainogo eyu, te tama tebo dao.”

Godigo Nogi Ugwaba Sabo Tęąbi Po Wabo Buku Dabe 30:11

Nago eno homu sęgę elaluali te sela sąnama, tama nago ena te wiegi yai homu pemene tęąbi po omainu yali. Hasia ena te bidi isaide gela wabo bidi tiwai yali. Tiali goli, nago eno gela wabo hasegelama, tama eno homu pemene wiegi yai mu ilali.

Bomai Po 33:17

Te Josep hani augwali bomo elalubo, te bulu uni kau kibugo tobolude gąų holai tiwai elalubao. Te Josepgo ogwa me Manase, te hani we bidi augwali te kau kibugo tobolu gąų me deli tiwai dao. Tama me te Josepgo gasa ogwa Efraim aga we bidi hani tausen hauwa te kau kibugo me tobolu gąų tiwai dao. Tama te tobolu gąų sigo te gasa we bidi hani enebo dao, tama augwali popogolo pelama, te tǫ sabiba usu nigi paibao,” wali.

Tigidali Nai Gagalama Nigali Side 41:30

Tiali goli, nosali te kibu be a naga me badu si, te tama kibu bede te nasi elalu, tama te Isip bidi dabego te wiegi yai kibu bede yali homu kolesaga te ma kone me palugobeo. Te e tǫ pedai hanu tigidalide te nai nasigo dolaibao.

Aisaia 65:16

Tama te tigidali tǫ habu pedai badude, te bidi dabego gedu haluasa po enaba weyu, te mu po naga wabo God da po weyu, te augwali wiegi yai bugagia ilao po enaba hanalueibao. Te bidi dabego augwa po dąų walabo homu elama, augwa te eno nogi delide naga te mu po dao waibao. Tama augwa te polobadu elaluali haliga sęgę me dwai sę yali dabe te homu kone gegeda palaibao, te ena, Genuai Bidi, te eno augwa te polobadu yali dwai sę dabeba homu kone mu gegeda palaibao,” wali.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Godigo Nogi Ugwaba Sabo Tęąbi Po Wabo Buku Dabe 45:10

Nage te gesi wegi te king dali bidi painu, nago te eno po odolama, tama tede homu kone palao. Nago te naga bulude bage te homu kone ebo gegeda palama, tama naga deli kaneme bage me te homu kone ebo tagalao.

Tigidali Nai Gagalama Nigali Side 48:5

Ena nage bidibo digi te Isipba asisąbadi, tama nago wego ogwa si ame nani. Te megi eno homugo te ogwa si te eno ogwa si mu tiwai bidimainogo ebao. Efraim me Manase te ena ogwa mu si, te Ruben me Simeon te tiwai si dao.

Tigidali Nai Gagalama Nigali Side 41:50

Tama te nasi yabo kibu be dabe te pedalisiąbadi, tama Asenat, te Josepgo wego, te ogwa si ame nani. Asenat te Potifera te Heliopolis hanu pris bidigo wegi dao.

Tigidali Nai Gagalama Nigali Side 41:52

Agai te tiwai po me wali, “Godigo te ena e sęgę sali bulude tau siyu, tama te agai enabolo te gasa wai me mani.” Tama tibaso, agai te aga tomo ogwa nogi te Efraim poali.

Tigidali Nai Gagalama Nigali Side 48:1

Te meba sogo bidama nosali, augwaligo Josepbolo te po wali, “Nago aya gasi elalubao,” wai. Tama Josepgo aga ogwa si, Manase me Efraim si oda sobadi, tama augwali pelama, aga aya sugi pali.

Josua 17:1

Augwaligo te Manasego hani dabego tǫ me deli te dąį ilali, magi baso meni, Manase te Josepgo gomunai ogwa dao. Makir, te Manasego gomunai ogwa da, tama aga te ami bidi me deli da, tama te Gileat tǫgo aya da. Tama augwaligo aga tǫ te Gileat badu, me Basan te badu, te tǫ dąį ilama, bidali.

1 Samuel 1:20

Tama te Hana haliga elama, tama nosali agai te wai ogwa ame nani. Tama agai te po wai, “Eno Genuai Bidiba hanalu, te wai ena mao obaso, mawai. Tama teyu, eno aga nogi Samuel poali.”

Israel Hanigo Namba 26:28

Te Josepgo hani si elaluali, te Manase me Efraim.

Jopgo Po Asęani Elalubo Buku 11:16

Tama nago te tigi dene dali, sęgę dali si gegeda palama, bidaibao. Tama nago te homu kone me egobeo. E tiwai dao. Bidigo te ni yabe wę asiyu, tolasa pabode gegeda pabo tiwai dao.