Tigidali Nai Gagalama Nigali Side 41:49 - Godigo dwagi yai po buku

⁴⁹ Agai te wit umabo mu te wę sane masigi kemi tiwai sisinama, tama Josepgo te ma nedebo te usu meni baso, tagalali.

Tigidali Nai Gagalama Nigali Side 41:49 Referans Kwoze

Godigo Nogi Ugwaba Sabo Tęąbi Po Wabo Buku Dabe 78:27

Tama agai te ba sibi hauwa mu te tǫ hogomu tiwai me, te nabis wę sande te kemi tiwai, te augwali tomoba tulalumainu yai dao.

1 Samuel 13:5

Tama te sogo te Filistia dabe hauwa sisinagaselama, te Israel dabe dali hwįainu yali. Augwaligo boi hwįabo karis te bidi sese umabo mu, te 3,000 elaluali, tama te ami bidi 6,000 te hosde duayabo elaluai, tama tǫdu pabo ami bidi umabo mu, te nambisde masigi sane kemi tiwai elaluai. Te ami bidi dabe te Mikmas, te giliga pedalubo pedai badu, te Betaven te badu pelama, tede te augwa bidabo pesage nigilama bidai.

Te Israel Tobolu Bidi Dabe 7:12

Te Midian dabe me te Amalek dabe me, tama te kemi tǫ masigi wa pai bulude bidalubo bidi hani me, augwali te tǫ malu bulude te genuai kuli mano hani tiwai te bulu odogode bidada pai. Tama augwali te boi hwįbo tau sabo kibu kamel dabe te hauwa umabo me te ąį sanede ebo masigi kemi tiwai elaluali.

Te Israel Tobolu Bidi Dabe 6:5

Augwali te augwa bulmakau me te augwa ugwa be dabe dali sela asela wali, te sagado sibi dabe sisinama asobo tiwai elama asali. Te we bidi dabe dali te augwa kibu te kamel dabe me te augwali umabo mu, tama te bidigo nedabo usu meni yani. Augwali aselama, tama te tigidali gi dabe dolagasali,

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Jeremaia 33:22

Te bidi dabegote hǫ dabe me nambisde masigi sani nedainu ebaso, usumu me egobeo. Te tiwai naga, te eno sę bidi Devitgo hanidali, te Livai hani dabe me, te hauwa umabo pedelama, te bidigo nedabo usu egobeo,” wali.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Tigidali Nai Gagalama Nigali Side 41:48

Tialima, te a naga olama, me si te kibu bede te Isipde nai hauwa mu elaluali, Josepgo te nai hauwa sisinani. Agai te deli deli hanude elalubo nai sisini bilama, tama agai te tigidali hanu bakstuade te nai muani.

Tigidali Nai Gagalama Nigali Side 41:50

Tama te nasi yabo kibu be dabe te pedalisiąbadi, tama Asenat, te Josepgo wego, te ogwa si ame nani. Asenat te Potifera te Heliopolis hanu pris bidigo wegi dao.