Tigidali Nai Gagalama Nigali Side 41:45 - Godigo dwagi yai po buku

⁴⁵ Tama Ferogo te nogi Safenat Panea te Josepbolo mani. Tama agai te Josepbolo we me deli mani. Te we nogi te Asenat. Aga te Potiferago wegi da, te hanu me deli nogi augwaligo Heliopolis wabo, tede aga pris bidi dao. Tialima, Josep te Isip tǫ tigidali pedai badu bilali.

Tigidali Nai Gagalama Nigali Side 41:45 Referans Kwoze

Tigidali Nai Gagalama Nigali Side 46:20

Josepgo we Asenat te Isipde selama, tama ogwa si ame nani, Manase me Efraim. Asenat te Heliopolis bulu pris bidi Potiferago wegi dao.

Esekiel 30:17

Tama te boi bidi dabe augwaligo te taun Heliopolis me Bubastis taun gesi bidi dabe sese tama ela silaibao. Tama augwaligo te taun side we bidi dabe sese nogo bono dunama, tama gasa kantriba kalabus igi paibao.

Ma Dobola Sali 2:16

Tama te Midian tǫde pris bidi me deli digi bidai, tama agai nogi si, te Ruel, me Jetro. Tama te bidi agai wegi a naga olama me badu nogo si bidai. Tama Moses te ąį ulu tǫ dedagedu asobo digi pąde dulaluai, tama te bidigo wegi dabe te augwa ayago kibu sipsip meme dabe maiabo ąį tuagasu asai.

Godigo Sęba Tagala Palai Bidigo Po 11:28

Tama augwali tomode bidi me deli agai nogi Agabus, te bidi doligiluama, Godigo Dwagi Yai Mobogo bomogo te po pusa obaso, te po agai wai, “Tamadi tama tigidali bulu moni genuai nasi mu yaibao,” wali. (Tama megi dago koneai dao, te bidi nogi Klodius te Rom gavman tobolu bidi bidibadi, te moni nasi yali.)

Dwagi Yai Gesi Po Lukgo Asęani 2:1

Te sogo gavman tobolu bidi Sisar Ogastus bidibo sogo, te tigidali we bidi nogi sabo sogo bodolu muani.

2 Samuel 20:26

tama Jair hani bidi Ira, aga me te Devitgo pris bidi bidai dao.

2 Samuel 8:18

Tama Benaia, te Jehoiadago ogwa, tego te king Devit tonalubo ami bidi dabe te augwa tonalubo sę yali, te augwali Keret me Pelet hani dabe da. Tama te Devitgo ogwa dabe te pris bidi bidai dao.

Tigidali Nai Gagalama Nigali Side 14:18

Tama Melkisedek, te Salem hanu tuni bidi tama God Ugwadu Mu Bidibo Bidi ofa mabo pris bidi da, te agai giguai nai bret me wain ąį Abrambolo selasa asali.

Tigidali Nai Gagalama Nigali Side 41:50

Tama te nasi yabo kibu be dabe te pedalisiąbadi, tama Asenat, te Josepgo wego, te ogwa si ame nani. Asenat te Potifera te Heliopolis hanu pris bidigo wegi dao.

Jeremaia 43:13

Aga te Isipde bidibo sogo, agai te we bidi dabego bede te giliga augwa god dao olama, lotu udali bobage masigi pos aluaibao. Tama agai te Isip dabe tibo godigo lotu be dabe tigidali siago ulaibao,” Israelgo God Genuai Bidigo te po wali,’ te po te Juda dabeba pusao,” Genuai Bidigo te po wai.

Daniel 1:7

Tama Aspenasgo gesi noma nogi augwaliba mawai. Agai te Danielgo nogi te Beltesasar polali, te Hananiago nogi te Satrak poali, tama Misael agai te Mesak poali, tama Asaria nogi te Abetnego poai dao.