Tigidali Nai Gagalama Nigali Side 41:42 - Godigo dwagi yai po buku

⁴² Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Tigidali Nai Gagalama Nigali Side 41:42 Referans Kwoze

Daniel 5:29

King Belsasargo te po odolama, tialima agai te bidi dabeba walama, te mama yai ugwa name te Danielba munama, tama te sen gol aga mageba muao, wali. Tama kingo Daniel te gavman ofisa bidi te sela wabo bidi nigilali.

Daniel 5:7

Agai te bidi dabe augwaliba te i bomo elama weyu, augwaligo te sę ebo page konea pelama, te osabo bidi dabe, me te po page kolesaga koneai bidi dabe te sę pedalubaso, te augwali i wali, te augwali asomainu yai. Augwali asobo si da, teda kingo augwaliba te tama po wali, “Te bidi me deligo te po nedelama, tama enaba te po page pusubaso da, teda eno agaba te kingo mubo mama yai name ugwa muaibao. Tama eno te sen gol aga mageba domonama, tama aga genuai nogi elaluaibao,” wali. “Tama aga te eno gavmande te sela wali ofisa bidi pedelaibao,” wai.

Esta 3:10

Te king bidigo te dodobolo pai ring elaluali, te agai ebo sę bomo mabo nai. Tialima, kingo te po oda selama, tama agai nogo danide te ring pedama, tama Hamanbolo mani, te Juda dabego boi bidi dao, te Hamedatago ogwa, te Agak hani bidi dao.

Daniel 5:16

Tiali goli, eno odali, te nago da te tobage po page koneama, tama te geme dualali po tiwai me te nago konebo dao, wali. Tialima, nago te po page nedabo usu elama, tama enabolo nago te po page pusubaso da, teda eno nageba te kingo mubo mama yai ugwa name munama, tama eno nago mageba te sen gol munama, te nago nogi genuai elalueibao. Tama nage te eno gavmande te sela wabo ofisa bidi pedalumainu nigilaibao,” te po king Belsasargo wali.

Esta 8:2

Tuni bidigo te Hamango nogode munaluali nogode holobo ring aga ma selama, tama aga nogode munaluali te ma dilama, te Mordekaibolo mani. Te ringde te tuni bidigo dąį nigilali elaluai. Tama Estago Mordekai sa munama, te Hamango tonaluali doado bage tigidali te Mordekaigo tonalu te tonalumainu nigilalio.

Esta 8:15

Tama augwaligo te tuni bidigo tedela ugwa me te sisi ugwa te Mordekaigo tigiba munama, tama aga te mama bobobage ugwa me deligo aga banulai. Tama nosali augwaligo te genuai gol madi te wiegi yai au elalubo te aga toboluba muai. Aga te au ela selama, tama te tuni bidigo be tagalama, buluba teda soalio. Tama Susa moni hanude bidalubo we bidi augwaligo sulama, tama augwali wiegi yai homu pemene eyu, tama genuai po dągą olama, i wai.

Esta 8:10

Mordekaigo augwalibolo te tuni bidi king Serksisgo nogide te pas asęao po wali, tama tuni bidigo dąį te paside muai. Te pas dabe selasa pabo bidi dabe augwali dualasa pabo wiegi yai polo pabo hos dabe augwali te tuni bidigo obo tomode sali, tama augwaligo te pas dabe te tigidali buluba selasa pai.

Esekiel 27:7

Tama augwaligo te gasa sawi yai name ugwa pedai te bulu Isipde selama, tego te waligo pogolabo sel nigai. Te name ugwa pedai te haniani augo dodobolo pai selama, te sel nigai. Te sel te sipde walobo ugwa plak tiwai muani. Tama augwaligo te husugu yai me mama yai name ugwa te bulu Saiprusde selama, te sip guni tolasa pabo bidi dulalubo madi seselalumainu muani.

Solomon 1:10

Nago tobolu niside gedelali au dobagego te nago gesabidi ula ilali. Tama nago magede domoani wiegi yai beli dabego te nago magede ula mu elalubao.

Bugagia Bidibo Kolesagade Po Asęai Buku 31:24

Hauwa sogo te wego te wiegi yai ugwa dabe me, te kukulu dabe me nigiyu ebo dao, tama te bisnis bidi dabe aselama, abelagasu ebo dao.

Bugagia Bidibo Kolesagade Po Asęai Buku 31:22

Tama aga digi te aga bede selama piabo blanket dabe me nigaibao. Tama agai te wiegi yai tedela yai name ugwa, me te mama yai name ugwa wiegi yai me selama, tama aga gudubo ugwa dabe nigaibao.

Esta 8:8

Tiali goli, te pas augwaligo eno nogide asęnama, tama eno dąį digi tede muani, te eno hasegelibo usu me egobeo. Tiali goli, nago magi po te Juda dabebolo asęainogo da, tagala, te asęyu naga yao. Nago te pas eno nogide asęnama, tama eno dąį ugwadu tede me muao,” king bidigo te po wai.

Esta 3:12

Te hasia nanobo polua deli te 13 deide, Hamango te tuni bidigo sę ebo kuskus bidi tigidali i wai. Tama agai po tigidali augwalibolo olama, tama augwaligo asęanio. Augwaligo te po te tǫ pedaide bidalubo we bidi tigidaligo po deli delide asęani. Tama agai te pas te tigidali tobolu bidi dabeba me, te tigidali gavmanba me, te tigidali kiap dabebolo badi, tama tolali, tama tigidali paside te king bidi Serksisgo ring masalu naga elaluali, tama te tuni bidi aga digi asęai pas tiwai gilama yalio.

Dwagi Yai Gesi Po Lukgo Asęani 15:22

Tiali goli, aga ayago aga wabo po togwali, te sę ebo bagebolo te po wali, ‘Polo pao, te dwagi yai bobobage ugwa sela asao, aga tigide bulao. Dwagi yai nogo mou sela asao, aga nogode holoyu yao, sągą nadoba me aga sągąde buluyu yao.

Bugagia Bidibo Kolesagade Po Asęai Buku 1:9

Te augwaligo pogo nage te wiegi yai bidi pedalumainu ilaibao, te nago tobolude te wiegi yai sawi yai au tiwai elama, tama nago magede te sawi yai beli elalubo tiwai yaibao.

Esta 10:3

Tama te Juda bidi Mordekai aga te gavman king bidi Serksisgo kisalubo tomo bidi bidali. Tuni bidi naga aga daide ugwadu elaluali. Tama Juda dabego aga godolo mu elama, tama augwali genuai nogi agabolo mawai. Tama agai te Juda dabe augwali bugagia bidabo sę tau sali, tama augwa hani dabe nosali pedalubo bage te augwali magi nai mede wi me isąma, augwali bugagia naga bidimainu tiai dao.

Tigidali Nai Gagalama Nigali Side 38:18

Tialima, Judago te po wali, “Te eno magi nai te po dąų waliyu, eno nagebolo magawe?” Tama wego te po wali, “Te naga te nogi asębo nai me, aga naga dogonide walobo bono me, te megi nago tolalubo te tolasa bilibo au yai dono me, te enabolo mao,” wai. Tialima, Judago te nai dabe te webolo mani. Te augwa si te sogo pagela pilama, tama nosali te we tabi yali.

Tigidali Nai Gagalama Nigali Side 41:43

Agai Josep te me tuni bidi wiegi yai duabo karisde dualasa bilimainu yali. Tama te kibu hos tego te karis kegasa peyu, tama te ami bidi dabe te polasa peyu, tama te tiwai i ola pali, “Te sunumide gedao,” wali. Te kolesaga Ferogo yali, te Josep te Isip tǫ pedai tigidalide te gavman bidi pedalumainogo ilali.

1 Samuel 18:4

Tama Jonatan aga bobage holobo ugwa te pedelama, tama aga hwįbo doado bage me te sali. Tama agai te doado bage dali, te bainat me, sesemone me, kukulu me selama, te Devitba mawai.

Godigo Nogi Ugwaba Sabo Tęąbi Po Wabo Buku Dabe 73:6

Tama augwali te odolali hagoma elama, tama augwa tigi pemene dogia pabo dao. Tama augwaligo gasa olo bidi dabe elama, tama aga doliyu ebo dao.

Solomon 4:9

Nage eno we, te nage eno hobolu du mu da. Nago ena dwasianu naga suali, te nago eno hobolu du togalualio. Eno nago magede domoani beli sulama, tama ena nagede mu tulaluali.

Jeremaia 52:33

Tama tialima, te Jehoiakingo te kalabus bidi dabego mubo ugwa munu ma mubeo. Te tigidali sogo aga te Babilon king dali deli madi dugulama, nai tudu genama, te Jehoiakin aga isibo sogoba usu nigi pai dao.