Biblia Todo Logo
Bib sou entènèt

- Piblisite -




Tigidali Nai Gagalama Nigali Side 41:37 - Godigo dwagi yai po buku

37 Tama Fero dali aga tobolu bidi dabe dali, augwaligo te po usu da po wali.

Gade chapit la Kopi




Tigidali Nai Gagalama Nigali Side 41:37
10 Referans Kwoze  

Tama Godigo aga tonaluali, me me sęgę pedalobaso, Godigo aga tau selama, bugagia bidali. Te Isip tǫ genuai tuni bidi, tama Josep te Isip tǫ genuai tuni bidi gesabiba pelama, tama Godigo aga tau selama, Josepgo dwagi yai kolesaga ebo te tuni bidigo sulama, aga dwagi yai bidi dao, te tuni bidigo agade te homu yai. Tama tibaso, tuni bidigo Josep te Isip tǫ genuai gavman bidi nigilama, bidalio. ‘Tigidali me me sę nago naga tonaluao, eno bede me,’ Isip tuni bidigo te po wali.”


Te bidigo te wiegi yai homu kolesaga me deli te hanilama, mu pusubaso da, teda agai po te wiegi yai piksa te augwaligo te golgo nigilama, tama te silvago au ilali tiwai ebo dao.


Te doloba pai bidigo po te wiegi yai nai silva tiwai mu dao. Tiali digi, te dwai bidigo homu kolesaga te olo bage tiwai eyu, tama te dwai mu dao.


Tama te tiwai me bidaluai, tama agai pusali po te mu pedalobo suainogo yai. Genuai Bidigo po augwalibolo ola mayu, te Josepgo po mu dao wai.


Ahapgo Nabotbolo te tiwai po wali, “Nago wain gi eno be pagede elalubao. Tama tialima, eno homugo nago ena menama, te eno te tǫde keba gi bulabo homu ebao. Te nago enaba mobaso da, teda eno nageba te gasa wain gi mayu, te wain gigo nago gi aiyaba elalubo tiwai yaibao. Ma, nago mone sabo homu wei ebaso da, eno te gi te genuai monego abelaibao,” wali.


Te we bidi dabego kingo te po wabo odobo si da, augwali haliga te wiegi yai pemene mu yali. Tiali goli, te sę deligo naga augwali wiegi yai homu pemene me ilibeo. Menio. Augwa te kingo ebo kolesaga tigidalide te wiegi yai homu pemene yai dao.


Te pris bidi Finias te augwa we bidigo genuai dabe dali, te augwali te Israel hani sibi dabego tobolu bidi dao, augwaligo te Rubengo hani me, te Gatgo hani me, Manasego hani, te augwaligo wabo po odama, tama augwali wiegi yai homu pemene yai.


Tama te kibu be a naga olama, me si, te sogode te nasi Isipba pedalubode, te Isip hani dabe we bidigo te augwaligo sisinama muani nai te augwa sela tumainu yaibao. Tama eyu, te we bidi dabe augwali te nasigo me isigobeo,” Josepgo te po wali.


Tama tibaso, agai te po augwalibolo wai, “Te e bidide te Godigo Mobo Bidi elalubao. Dago te tobage bidi tiwai te menade suai dawe?”


Te gavman tuni bidi Ferogo beba te tiwai po sabalu, te Josep aga ama dede sabolali po wali. Tama Ferogo me, te sę ebo ofisa bidi dabe dali, augwaligo te pode wiegi yai homu pemene mu yali.


Swiv nou:

Piblisite


Piblisite