Tigidali Nai Gagalama Nigali Side 41:33 - Godigo dwagi yai po buku

³³ “Tialima, megi da, nago te wiegi yai kolesaga koneai bidi te nigilama, tama agai te Isip tigidali tǫ pedai badu tonalumainao.

Tigidali Nai Gagalama Nigali Side 41:33 Referans Kwoze

Tigidali Nai Gagalama Nigali Side 41:39

Tialima, Ferogo te po Josepbolo wali, “Godigo digi nagebolo te sę dabe ola manio. Tama tibaso, mena bidi me deligo te nago te homu kolesaga dagalabo kolesaga tiwai me elalugobeo, te nago koneani homu kolesaga tiwai me elalubeo.

Godigo Sęba Tagala Palai Bidigo Po 6:3

Tama tibaso, abagi dede, dagego bidi nogo a olama, me badu nogo si sao. Augwaligo te nai dobabo sę tonalumainao. Augwali Godigo Dwagi Yai Mobo Bidi augwalide bidibo bidi, dwagi yai kolesaga ebo bidi, te tobage bidi sao, te nai dobabo sę emainu yao.

Daniel 4:27

Tama eno homugo te megi eno nagebolo wabo po tiwai yao. Nago te sęgę munu ma sigio,” wai. “Nago te doloba pai kolesaga naga yao, tama nago te olo tau sabo wiegi yai homu te magi nai sǫą pabo we bidi dabeba yao. Dago konebeo, te nago te tama tibaso da, teda nage te bugagia bidiyu, tama nago ebo sę tigidali te wiegi yai naga pedalaibao, te nago nade suali sę nageba asogobeo,” Danielgo king bidibolo te po wai.

Bomai Po 1:13

Tama tialima, dagego me badu koneai bidi dabe, me wiegi yai bidi dabe, me te tobolu bidi bidibo kolesaga koneai bidi dabe, dagego sa muiąo. Dagego augwali duga hani deli deli tomode sa muiąo. Tama eno augwali dage tonalumainogo sa muaibao.’

Tigidali Nai Gagalama Nigali Side 41:34

Tama nago te hanu tǫ tonaluabo te tobolu bidi meba nigilibadi yao. Tama te kibu be a naga me si, tede te nai hauwa elalubadi, te tobolu bidi dabego te a naga pedai badu bugulama, te we bidi dabego gide elalubo nai me deli te gavmanigo te takis sabo tiwai gilama sao.