Tigidali Nai Gagalama Nigali Side 41:30 - Godigo dwagi yai po buku

³⁰ Tiali goli, nosali te kibu be a naga me badu si, te tama kibu bede te nasi elalu, tama te Isip bidi dabego te wiegi yai kibu bede yali homu kolesaga te ma kone me palugobeo. Te e tǫ pedai hanu tigidalide te nai nasigo dolaibao.

Tigidali Nai Gagalama Nigali Side 41:30 Referans Kwoze

Tigidali Nai Gagalama Nigali Side 47:13

Te genuai nasi mu pedelama, tama tigidali tǫ pedai badu nai meni yai. Tama te Isip me Kenan tǫ bidi dabe si te augwali bomo mu meni yai.

Tigidali Nai Gagalama Nigali Side 41:54

megi da, te Josepgo wali po gilama te a naga olama, me si wali te nasi yabo kibu be pedelai. Te genuai nasi ebo te tigidali gasa tǫ pedaide me pedelali. Tiali goli, te Isip tǫ pedai tigidalide te nai usu elaluai.

Jems 5:17

Te polobadu bidai bidi nogi Elaija aga doloba pai bidi bidiyu, tama agai gedu haluasa po wabode bomo elaluali. Tama agai Godigo nosali yabo sę po augwalibolo pusuyu bidai. Tiali goli Elaija aga te da tiwai bidi bidai. Tama bidiyu, agai Godibolo gedu haluasa po bomonama wai, te tulubage tuluidali weyu, tama te tulubage dagalude tulisiąbadi kibu be sela olama, tama te polua a naga olama, me badu nogo deli olo bidai.

Godigo Nogi Ugwaba Sabo Tęąbi Po Wabo Buku Dabe 105:16

Genuai Bidigo augwaligo tǫde nasi emainao wai, tama augwaligo nai tigidali agai sela sąwai.

Dwagi Yai Gesi Po Lukgo Asęani 4:25

Eno dagebolo mu tama obe dao, Godigo po pusa mabo bidi Elaija bidali sogo, kibu be sela olama, me kibu be tomode togolama, tulubage munu me tulai menio. Tigidali pesagede nasi ela pai dao. Te sogo Israel hani wilawe we hauwa mu bidai dao.

Aisaia 65:16

Tama te tigidali tǫ habu pedai badude, te bidi dabego gedu haluasa po enaba weyu, te mu po naga wabo God da po weyu, te augwali wiegi yai bugagia ilao po enaba hanalueibao. Te bidi dabego augwa po dąų walabo homu elama, augwa te eno nogi delide naga te mu po dao waibao. Tama augwa te polobadu elaluali haliga sęgę me dwai sę yali dabe te homu kone gegeda palaibao, te ena, Genuai Bidi, te eno augwa te polobadu yali dwai sę dabeba homu kone mu gegeda palaibao,” wali.

Bugagia Bidibo Kolesagade Po Asęai Buku 31:7

Te augwa tuabo homu wei ebaso da, augwa te tumainu eyu, tama augwa te magi nai meni yai bidabo te homu kone me isiąyu, tama augwa te genuai sęgę elalumainogo eyu, te tama tebo dao.”

Te Israel me Juda Hani Sigo Tuni Bidigo Po Elalubo Buku Si 8:1

Polobadu me sogo deli te Elisa pelama, te taun Sunemde bidibo te webolo po ola magi pai dao. Te we te polobadu aga ogwa wai isali we tama, tama Elisago agai te wai ma hodolai. Tama megi Elisa agai te webolo e tama po wali, “Genuai Bidigo te po wai, nosali dago e bulude moni nasi mu pedelaibao, tama te we bidi dabe augwali te nai menibadi, te kibu be nogo a olama, me badu nogo si, te 7 kibu beba usu nigi paibao, wali. Tama tialima, naga wai dabe me, me te naga deli hani me, tama augwali selama, tama nage gasa bulu meba bidigi pelama, tama te nasi ebo kibu be te dwai bodolu siliboba usu nigi pao,” wali.

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

2 Samuel 24:13

Gatgo aga sugi pali, tama te Genuai Bidigo po agaba pusali. Tama agai Devitba te tama po hanalu wali, “Genuai Bidigo homugo te nago te sela pode te po me deli nago te dąį ilao. Nago homugo te genuai nasi elalubadi, te kibu be a naga olama, me si, te tama bidabo homu usu yaibawe? Ma, nago homugo te boi bidi dabego dageba hwįagasomainu homu elama, tama dage augwalide wi pelama, te polua sela bidibaso te usu egowe? Ma, nago homugo te nago bulu tǫ pedai we bidiba te dwai gasi te sela sogo pedalumainu ebaso, te nago homugo usu yaibawe? Nago homu kone bugagia palama da, te nago homugo wei ebo po te enabolo obaso da, tama eno nago te po selama, te Genuai Bidiba ma begasa paibao,” te profet bidi Gatgo te po wali.

Tigidali Nai Gagalama Nigali Side 41:56

Te dwai nasi mu te Isip tǫ pedai tigidali badu pedalubaso, tama Josepgo te nai muani bakstua sunumi dalama, tama te Isip hani we bidi dabe aselama, te wit abelagasai.

Tigidali Nai Gagalama Nigali Side 41:51

Tialima, Josepgo te po wai, “Godigo ena tau selama, tama te eno sali sęgę, me te eno aya ida, ama dede, augwalide homu dene ebo, te eno homugo gegeda palai.” Tama tibaso, agai te aga gomunai ogwa nogi te Manase nogi poai.

Tigidali Nai Gagalama Nigali Side 41:27

Tama te nomona sai bulmakau nosali pedalubadi, tama te hagana wai yuyu sia me te pedelama, tama te posolo yai waligo te hagana wai yuyu sasia ilali, te tiwai augwali te kibu be a naga olama, me badu si te nasi yabo kibu be pedelaibao,” wali.

Tigidali Nai Gagalama Nigali Side 41:21

Augwaligo tuali, tiali goli augwaligo te tuali ąǫ me ebeo. Menio. Augwali te polobadu tonani tiwai gilama, te dwai mu elaluali. Tama nosali ena pila muani tagalama, hodaluai.”

Tigidali Nai Gagalama Nigali Side 41:31

Tama te bulu bidi dabego te polobadu nai hauwa tuali sogo te homugo mu gegeda paibao, magi baso meni, te sogo nosali te dwai nasi mu asabo elaluaibao.