Tigidali Nai Gagalama Nigali Side 41:25 - Godigo dwagi yai po buku

²⁵ Tialima, Josepgo Ferobolo te po wali, “Te na si page te deli tiwai tobage naga yali. Godigo nagebolo te agai tamadi yabo sę ola mani.

Tigidali Nai Gagalama Nigali Side 41:25 Referans Kwoze

Daniel 2:45

Nago suali, te masigi olodali aluasa dulu te tulaluama, tama te piksa augwaligo te ain, me bras, me tǫ, silva, gol, te tama naigo nigali piksa elibo suai. Te masigi te Godigo bomo tiwai nigali. Te Godigo genuai nogi elalubao, agai nageba te nosali pedelabo nai dabede sę ola mawai. Te nade nago te suali nai dabede te sę te eno nagebolo wali po gilama te tiwai sę dolo mu pedelaibao,” Danielgo te po wai.

Kraisgo Geme Dualali Sę Pedelabo Po Jonbolo Ola Mani 4:1

Te bidigo enabolo te po wabo silama, tama eno te gasa na tiwai eyu tama eno suali, dagalude tų me deli dalaluai. Tama te pedauwalidu polobadu eno odali agai po enabolo mayu te genuai yadogoli tiwai naigo te bu wabo tiwai eyu, tama agai te po wali, “Nage edaba holao, tama eno nagebolo te nosali pedalabo sę tigidali ola mawaibao.”

Efesus 1:17

Tama God da dago Genuai Bidi Jisas Krais aga God da, te dago genuai nogi mu elalubo Aya dao. Tama eno aga dali po weyu, eno homugo agai aga Mobo Bidi dagebolo mao. Tama menama, tama te Mobo Bidi agai dage wiegi yai homu kolesaga menama, tama agai God dagebolo waselaibao, te dagego God aga bugagia kuna konea silimainogo tiaibao.

Dwagi Yai Gesi Po Makgo Asęani 13:23

Tama tiyu dage dua dao. Te sę me pedalisiąbadi eno te tigidali sę yabo po te dagebolo wai dao,” Jisasgo te po wai.

Matyu 24:40

Tama te bidi si gide sę ebadi, tama Godigo me deli naga siyu, tama gasa me da, tede bidibadi tagalaibao.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Aisaia 43:9

Te gasa bulu tǫ kantri we bidi dabe te po tų yabo pesageba sisingasalio. Te augwaligo mena godigo te mena sę nosali pedelaibao wabo po hania pusaliwe? Te augwaligo mena godigo polobadu po weyu, te pedelaibao wali nai megi pedalubowe? Te augwaligo ebo sę suali mena bidi hani dolugulama, te tiwai po weyu, agai te god me deligo te nai me pedelaibao po wali, tama nosali agai suali, te wali sę mu pedalubo dawe?”

Godigo Nogi Ugwaba Sabo Tęąbi Po Wabo Buku Dabe 98:2

Genuai Bidi agai te hwįnama, te boi bidi aiyaba elaluali po pusali, tama agai augwali ma dobola sabo bomo te aga hani we bidi dabeba ola mawai, te agai Israel dabe ma sali sogo tialio.

Josua 11:6

Tialima, Genuai Bidigo Josuabolo te po wai, “Nage augwalide wi munu me elamuo. Do te tobage sogo ebode da, teda eno digi te Israel dabe augwali tau selama, tama augwaligo te boi bidi dabe tigidali ela muaibao. Tama dagego te hos dabe sągą genuai kigibili togolama, tama augwa te karis dabe dali siaba ulao,” wali.

Tigidali Nai Gagalama Nigali Side 41:16

Tiali goli, Josepgo te po wai, “Ena digi eno usugobe, tiali goli Godigo da nage dali dwagi yai sę eyu, agai nagebolo te na yali po page ola mabo usu yaibao,” wai.

Ma Dobola Sali 9:14

Tama nago te we bidi tagala palisiąbaso da, megi eno nagebolo dali, te nago sę ebo tobolu bidi dabe me, te nago we bidi dali, dageba te dene ilibo sę dabe mu mawaibao. Tama dagego te tigidali tǫ habu badu te bidi me deli, me te tibo god te ena tiwai me bidibo meni, te megi dagego mu bugagia konea saibao. Ena te God mu dao.

Tigidali Nai Gagalama Nigali Side 41:26

Te nisali bulmakau a naga olama, me si, te kibu be a naga olama, me si dao, tama te wiegi yai yuyu sia dabe me te tiwai, te kibu be a naga te me si tama. Augwali te page deli tiwai elaluali.

Tigidali Nai Gagalama Nigali Side 41:28

“Te tiwai eno nagebolo te po walio, Godigo te agai tamadi yabo sę te nagebolo ola mani.

Tigidali Nai Gagalama Nigali Side 41:32

Godigo te sę yabo te homugo konea selama, tama mu dąų walali. Tama agai nago aga dąų walali homu konemainogo iliyu, nago na si sogo emainu yali. Tama te sesabi elama bidisiąbadi, te pąde sogo tama Godigo te sę pedalumainu yaibao,” wali.

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.