Tigidali Nai Gagalama Nigali Side 41:16 - Godigo dwagi yai po buku

¹⁶ Tiali goli, Josepgo te po wai, “Ena digi eno usugobe, tiali goli Godigo da nage dali dwagi yai sę eyu, agai nagebolo te na yali po page ola mabo usu yaibao,” wai.

Tigidali Nai Gagalama Nigali Side 41:16 Referans Kwoze

2 Korin 3:5

Mu tama, dena digi te sę ebo usu egobeo, tama tiyu dena digi dago te magi sę me deli yaibao po me wagobeo. Menio. God deligo naga te dago sę emainogo ebo usu ilibo dao.

Tigidali Nai Gagalama Nigali Side 40:8

Augwali sigo te po wai, “Da sigo te na yai. Tama ede te bidibo bidi mego te na yali po page da sibolo pusabo te meni yani,” wali. Tama Josepgo augwalibolo te po wai, “Godigo naga te na yali page dabolo ola mabo usu dao. Tialima, dage sigo te na yali po enabolo waiąo,” wali.

Daniel 2:47

Tama kingo Danielba te tama po wali, “Mu tama dao, nago Godigo te gasa god tigidali aiyaba elaluai. Aga te tigidali kingo Genuai Bidi, tama agai te geme dualali nai page ola mabo bidi dao. Megi eno te koneai, magi baso meni, nago te geme dualaluali na page te hania hanilalio,” wali.

Godigo Sęba Tagala Palai Bidigo Po 3:12

Tama Pitago te we bidi sulama, augwalibolo te po wai, “Israel dabe, magi baso dage noma sobawe? Magi baso dagego da gedugo bugagia osabawe? Dadi sigo bomogo e bidi bilimai hagede dodolobeo, te menio. Dadi si dwagi yai bidi menio, e bidi dodolobeo. Godigo e sę yali.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

Godigo Sęba Tagala Palai Bidigo Po 3:7

Tama olama, sągą dwai bidigo dolo nogogo Pita nogo tolasa hodaluali. Tama megi tama sągą si dali si ma dolo yali, te aga sągą gąų si me ma dolo yali, tama tigidali sągą dili ma bomo yai.

Dwagi Yai Gesi Po Lukgo Asęani 19:42

Agai te po wali, “Ena wali asobo we bidi dabe augwaligo te boi pibo sunumi konebao. Megi eno homugo boi pibo te page Jerusalem bage dagego megi koneaibao. Tiali goli, te page God agai geme dualali, dagego sube.

Daniel 4:2

“Megi ena dwagi yai homu eyu, tama eno dageba te Ugwadu Mu Bidibo Godigo enaba ola mani bomo yai sę dali, te bidi noma sabo genuai sę dabede po obao,” wali.

Te Israel me Juda Hani Sigo Tuni Bidigo Po Elalubo Buku Si 6:27

Tama kingo e tama po wei ponani, “Tialima, Genuai Bidi Godigo nage tau sabo usu esiąbasowe, tialima eno mena tama nage tau saibawe? Nago homugo eno te sia gagawai nai wit me, me te wain wę, te nai si eno bede me munalubaso, nage tau somainu obawe, a?”

Tigidali Nai Gagalama Nigali Side 37:14

Tama ayago te po wali, “Nage te naga ama dede bidiboba pelama, tama augwali sugi pao, te augwali bugagia bidibowe, ma meniwe? Tama nago te sipsip dabe me suyu, te augwali usu elalubowe, ma meniwe? Te augwali sulama, teda nage ma ena bidibo madi asiyu, tama enabolo wagameo,” wali. Te aga aya Jekop te Hebron hanu odogo tǫde bidiyu, tama te Josep tagala palali. Josep digibulu pelama, tama te Sekem tǫba sabolama,

Tigidali Nai Gagalama Nigali Side 41:17

Tama Ferogo te po wali, “Eno na ebadi, ena te wę Nail sanede dolaluali,

Tigidali Nai Gagalama Nigali Side 41:25

Tialima, Josepgo Ferobolo te po wali, “Te na si page te deli tiwai tobage naga yali. Godigo nagebolo te agai tamadi yabo sę ola mani.

Tigidali Nai Gagalama Nigali Side 41:28

“Te tiwai eno nagebolo te po walio, Godigo te agai tamadi yabo sę te nagebolo ola mani.

Bomai Po 29:29

Tama Mosesgo po geninama ma weyu, te po wali, “Te Genuai Bidi dago God agai dabolo hanilisąma geme duali po meba te elalubao. Awe, te usu dao, te agai sę dao. Tiali goli, agai bomai po dabolo hanilama pusa mani, tama dago nosali ame nabo wąį dabego me, dago me, te bomai po wali tigidali sogo pomainogo yali,” Mosesgo te po wali.

Sekaraia 4:6

Tama tialima enselgo enabolo Genuai Bidigo te po te polalubo gavman bidi Serubabelbolo pusa mao po wali. Genuai Bidigo te po wali, “Nago naga bomogo o naga ami dabego bomogo te sę dabe ebo usu egobeo. Menio. Eno Mobo Bidi Spiritgo bomo nage dali bidaibao, tama te bomo deligo naga nago te sę yaibao.