Tigidali Nai Gagalama Nigali Side 41:14 - Godigo dwagi yai po buku

¹⁴ Ferogo te Josep i obaso, tama polo augwali te kalabus beba pelama, tama aga oda sigi pai. Josep te penane nisi poalama, tama aga ugwa hasegelama, gasa ugwa gudama, tama aga te Fero bidibo digi pali.

Tigidali Nai Gagalama Nigali Side 41:14 Referans Kwoze

Daniel 2:25

Tialima, polo asesa Ariokgo te Daniel kingba sela pelama, tama agabolo te po walali, “Eno te dago te augwaligo page bulude sesali Juda bidi me deli gegalio, tama agai nageba te na yali po page pusa mabo usu yaibao,” wali.

Te Israel me Juda Hani Sigo Tuni Bidigo Po Elalubo Buku Si 25:29

Tama teyu, te king Jehoiakin agai te kalabus bidigo bulubo ogwa ma bulube. Tama tigidali sogo te Babilon hani king bidi dali nai tuyu bidai, tama aga te nai tuyu bidada pelama, te king Jehoiakin isibo bodoluba usu nigi pali.

Aisaia 61:3

Te Saionde gela udubo we bidi dabeba eno te nagame yai haliga dua eyu, pemene ebo homu me selasa asaibao, te augwa bomo silali bageba tama tiwaibao. Augwali homu dene ebaso, te sia keli augwa toboluba muani. Tiali goli, eno te nai hasegelama, tama dwagi yai au yabo nai augwaliba mueibao. Awe, eno augwaligo tigiba te wiegi yai denami ebo wel mawaibao, tama augwali homu dene ebo tagalama, dwagi yai homu pemene eyu bidaibao. Te augwa bomo ma selama, te Genuai Bidiba pemene ebo balia waibao. Augwa tigidali te doloba pai kolesaga naga ebo sę bomo yaibao. Te gasa bidi dabego sueibao, augwali te Genuai Bidigo digi bulali ni kali tiwai elalubao, tama augwaligo Genuai Bidigo nogi ugwaba saibao.

Esta 5:1

Estago osogo nai sela sogo gisilama bidai. Tama sela wabo side, agai te kwin tuni wego gudubo ugwa munama, tama tuni bidi kingo be obo tomoba pelama, dologi pali, te tuni bidigo genuai dąį togwali be habu pąde teba dologi pelama, tama te tuni bidi dulalubo saiba tonono yali. Tuni bidi te saide dulalu, tama sunumiba tonono yai.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Ma Dobola Sali 10:16

Tama tuni bidigo po polo tagala paliyu, tama Moses de Aron si asao wai. Tama augwali pali, tama agai augwali sibolo te po wai, “Eno dwai sęgę God dali yali, te dagego Genuai Bidi Yawe dali, me dage si dali me, te eno sęgę salio.

2 Samuel 19:24

Tama Mefiboset, te Solgo ogwago ogwa, te wai, aga me aselama, te king dali deliba gesabidi ununani. Te Devitgo te Jerusalem taga soali sogo gagalasa, tama te king ma asobo sogoba usu nagasu, te Mefiboset te aga sągą wę me telasiąbadi, tama aga penane nisi me togosiąma, tama aga ugwa me wę me telayu isiąbadi te Devit Jerusalemba ma asobo sogoba usu nanio.