Tigidali Nai Gagalama Nigali Side 40:7 - Godigo dwagi yai po buku

⁷ Tama agai augwali sibolo hanalu wali, “Magi baso te dage si homu sęgę elalubawe?”

Tigidali Nai Gagalama Nigali Side 40:7 Referans Kwoze

Nehemia 2:2

Tama tibaso, kingo enaba hanalu wali, “Magi baso nage wiegi yai pemene isąbawe? Nage gasi da meni yai, tiali goli nage magi nai me delide haliga sęgę elalubao,” wali. Eno te po odoyu, te ena noma salio,

1 Samuel 1:8

Tama Elkanago agabolo te tobage po hanalu wali, “Hana, magi baso nage gela obawe? Magi baso te nage nai tusiąma ebawe? Tama magi baso nage sesemane sogo haliga sęgę elaludubawe? Mu tama, nago te wai me ame nabeo. Tiali goli, eno homugo nago ena godolo ebo homu mu ebao, tama nago te wai ogwa nogo si ame nabode te homu tagalama, te nago homugo ena te nago polalubo bidi bidimainu te homu ebo dao,” wali.

Dwagi Yai Gesi Po Lukgo Asęani 24:17

Te Jisasgo augwali sibolo te po wai, “Dage si magi po ola peyu pobawe?” te bidi si dali Jisasgo te po wai. Tama te bidi si dolaluai, tama augwa si homu sęgę mu yai.

2 Samuel 13:4

Tialima, Jonadapgo Amnonbolo te tama po wali, “Te kingo ogwao, magi yaliwe? Tigidali sogo eno nage te wiegi yai homu pemene eyu bidibo me subeo. Magi baso nage haliga sęgę elalubawe?” wali. Tama Amnongo te tama po agaba wei ponani, “Eno homu pesa mu te Tamarde ebao, te Apsalomgo abe, te eno amago abe dao,” wali.

Te Israel Tobolu Bidi Dabe 18:24

Tialima agai te po wai, “Dagego eno pris bidi me te eno nigali tibo god dabe selama, te dage wi soalio. Te eno doado bage deli te me munalubeo. Magi baso te dagego enabolo ‘Magi sę yaliwe?’ po hanalu obawe?”

Tigidali Nai Gagalama Nigali Side 40:6

Tama Josep te augwali si bidibo madi kigamu sabolali, tama agai te augwali si te homu sęgę elalubo suali.

Tigidali Nai Gagalama Nigali Side 42:17

Agai te tiwai po tama olama, tialima agai augwali te kalabusiba munama, te sela sogo bidali.