Tigidali Nai Gagalama Nigali Side 40:11 - Godigo dwagi yai po buku

¹¹ Eno te Ferogo kap tuali. Tialima, eno te wain du dabe selama, tama eno nogogo pegelama, tama aga wę te kapba tabilama, tama eno te Ferobolo mani,” wali.

Tigidali Nai Gagalama Nigali Side 40:11 Referans Kwoze

Nehemia 1:11

Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

Tuni Bidi Dabego Po Elalubo Buku Si 9:4

Tama kwingo Solomongo wiegi yai tubo nai dabe tigidali be posobo sogo tubo suali. Tama me agai suali, ofisa bidi dabe Solomon dali dualama, Solomon dali nai tubo suali. Tama agai kingo sę bidi dabe suyu, me augwaligo gudubo au doado bage dabe me agai suali. Tama me agai te wain ąį dobabo bidi dabe me augwaligo mubo au doado bage dabe me suali. Tama me agai te Solomon agai hani dali augwali Genuai Bidigo tempel be ugwa holiyu ebo wiegi yai kolesaga ebo me agai suali. Agai te wiegi yai sę dabe ebo sulama, tama aga noma guda pelama, tama aga po menia sali.

Te Israel me Juda Hani Sigo Tuni Bidigo Po Elalubo Buku Deli 10:5

Tama kwingo te wiegi yai nai hauwa te tigidali sogo Solomongo sabo suali, te agai ofisa dabe te Solomon dali deliba dualama nai tubo me suali. Tama agai te kingo sę bidi dabe me, te gasa sawi yai ugwa te augwa mubo suyu, te agai te wain wę dobabo bidi dabe me suali. Tama agai Solomongo te Genuai Bidigo tempel beba sela pabo kibu dabe me, te tigidali siaba ulama domainu ofa ebo me suai. Agai te wiegi yai nai dabe tigidali sulama, tama aga midigi mu elama, te aga po mu wabeo.

Bugagia Bidibo Kolesagade Po Asęai Buku 3:10

Te nago tama tiyu da, te Genuai Bidigo nago gide te nai hauwa umabo walama elalumainu ilaibao. Tama naga nai mubo be te naigo mu pągąnama, tama nago te wain ąį tabiali te moni tank pągąyu, tama te wain ąį meba te olo buluba gelaibao.

Pris Sę Ebo Bomai Po 10:9

“Te nage me nago ogwa dabego te bomai ąį wain me bia tulama, dage eno sel Ugwa Be tomoba me pelamuo. Te habu mu dao. Te dagego sel Ugwa Be tomode sę yabo sogo ąį tulama, te Ugwa Be tomoba pobaso da, te dage isaibao. Te dagego bulai wąį nǫų dabe nosali pedalubo hani, augwaligo me te bomai po wali pomainao.

Tigidali Nai Gagalama Nigali Side 49:11

Agai te aga donki te bono ni wainde gebelaibao. Agai te ogwa bidi donki te wiegi yai ni wain nologode mu gebelaibao. Agai te aga ugwa te waingo wę telawaibao. Agai te kaneme tiwai wain te mama yai ąįgo wę telawaibao.

Tigidali Nai Gagalama Nigali Side 40:21

Agai te wain sę tonalubo tobolu bidi te aga sęba ma tagala palali.

Tigidali Nai Gagalama Nigali Side 40:1

Tama bidali sogo dwasianu sesabi gana elama, tama te bomai ąį wain tonalubo tobolu bidi, me te bret nigibo be tonalubo tobolu bidi, augwali sigo te Isip tuni bidi Fero dali dwai sę me deli yali, aga te augwali sigo genuai bidi dao.

Tigidali Nai Gagalama Nigali Side 40:10

Tede te nologo sela elaluali. Te yabe dabe pedelama, tama polo te dudili pedelama, tama te ni wain du walama, tama tigidali tau ela silai.

Tigidali Nai Gagalama Nigali Side 40:12

Josepgo te po wali, “Te na page e tiwai dao, te wain nologo sela wali, te sela sogo bodolu mani.