Tigidali Nai Gagalama Nigali Side 4:26 - Godigo dwagi yai po buku

²⁶ Te nosali Setgo wai ame nenama, tama Setgo aga nogi Enos poali. Tama te sogo te bidi dabego te Yawe nogi wabo gagalama, tama agaba lotu po weyu bidali.

Tigidali Nai Gagalama Nigali Side 4:26 Referans Kwoze

Godigo Nogi Ugwaba Sabo Tęąbi Po Wabo Buku Dabe 116:17

Te eno nageba usu da wabo ofa eyu, tama eno nageba gedu haluasa po waibao po wali.

Te Israel me Juda Hani Sigo Tuni Bidigo Po Elalubo Buku Deli 18:24

Tialima, dagego te duga godiba gedu haluasa po obadi, te eno ena Genuai Bidiba gedu haluasa po obadi yaibao. Tama mena godigo te gedu haluasa po odama, te isi tagala palama, te ofa nai ulubaso da, teda te naga te God mu da wabo dao,” Elaijago te po wai. Tigidali we bidigo te po odama, te augwaligo i te tiwai wali, “Te wiegi yai dao. Dago tama tiaibao,” wali.

Sefanaia 3:9

“Tama te sogo eno tigidali kantride we bidigo homu kolesaga hasesegele paibao. Augwaligo homu kolesaga gesi ma elama, tama augwaligo ena deliba naga gedu haluasa po weyu yaibao. Tama augwali homu deli naga elama, tama augwaligo eno po wali asaibao.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Dwagi Yai Gesi Po Lukgo Asęani 3:38

Kainan aga aya Enos, Enos aga aya Set, Set aga aya Adam, Adam aga aya God dao.

Jeremaia 33:16

Tama te sogo Juda dabe me Jerusalemde me sęgęmeni yaibao. Te augwali bugagia dugulalueibao. Tamaaugwa Jerusalem nogi te tiwai waibao, ‘Genuai Bidi agate dago doloba pai kolesaga page bidi dao.’

Tigidali Nai Gagalama Nigali Side 26:25

Aisakgo te ofa maiabo alta me deli te bulude dodolama, tama agai Yawebolo lotu wai. Nosali agai te bidabo pesage tede nigilama, tama aga sę bidi dabego tede tǫ diganama, tama te wę ulu me deli nigali.

Polgo Po Pas Rom Dabeba Asęani 10:13

Tama tiyu, te Godigo po bukude wali po tiwai dao, te po e dao, “Tigidali bidigo Genuai Bidi nogi ilama tama agaba i wali da, teda agai augwali ma saibao,” te po asęai dao.

Godigo Sęba Tagala Palai Bidigo Po 11:26

Tama augwali si te Jisasgo po wali pabo we bidi tomode bidama, tama kibu be deli yali. Augwali sigo umabo we bidi Godigo po ola mani. Te Antiok we bidi augwaligo te Jisasgo po wali pabo we bidibolo te ‘Kristen’ nogi pobo gagalali.

Godigo Sęba Tagala Palai Bidigo Po 2:21

Tama te side Genuai Bidi nogi elama i wabo bidi dabe da, teda Godigo augwali tau selama, aga we bidi dabe yaibao,” Godigo te po wai,’ Joelgo tama po wai,” Pitago te po wali.

Aisaia 63:19

Tama megi da, da we bidi hobedagia mu bidibo tiwai ebao, polobadu nago tonalu, tolalusąwai tiwai bidibao. Tama da hani dabe te nago nogi augwalide musiąwai bage tiwai bidibao.

Aisaia 48:1

Dage Jekopgo hani dabe, dage we bidi nogi Israel elalubao, dage te Judago bulai wąįgo wai dabe, dagego odao. Dagego po dąų waliyu, nogo guni sisu muyu, dagego te Genuai Bidigo nogide mu po dao po wabo dao. Tama dagego te tiwai po weyu, dagego te Israelgo Godiba lotu obao po wali, tiali goli dagego aga dologoba mu pelama, te doloba pai me ebeo wali.

Aisaia 44:5

Te meba gasa Israel hani isąwai we bidigo konealubo homu enaba dąų waibao. Augwali mebago te tiwai po waibao, ‘Ena Genuai Bidigo bidi dao,’ waibao. Te mebago te po weyu, ‘Ena te Jekopgo hani da,’ waibao. Te me badugo eno nogi te augwa nogode asęaibao. Te me badugo te po weyu, ‘Ena te Israel hani da,’ po waibao,” wali.