Tigidali Nai Gagalama Nigali Side 4:19 - Godigo dwagi yai po buku

¹⁹ Tama nosali Lamekgo we si sai. We me deli nogi Ada, tama mego nogi Sila dao.

Tigidali Nai Gagalama Nigali Side 4:19 Referans Kwoze

Tigidali Nai Gagalama Nigali Side 2:24

Tama tialima, te kolesaga pedelali, te bidigo aya ida tagalama, tama aga we dali kęą pali, tama augwa si deli mu pedelali, te kolesaga da tomode megi te elalua pobao.

Matyu 19:8

Te Jisasgo augwalibolo te po wai, “Dage te masigi homu tomoba sąwai elalubo bidama dobaso, tama tiyu Mosesgo suali dagego te tiwai kolesaga ebaso, agai dagego wąį dabebolo te we sela sąbo po wai dao. Tiali goli te Godigo tigidali nai nigali sogo te tiwai kolesaga meni yai dao.

Tigidali Nai Gagalama Nigali Side 2:18

Tama Yawe Godigo aga digi homude te po wai, “Tiyu, te bidi agaduba deli naga bididalio, te usugobeo. Te eno te aga tau siyu bidabo abagi me deli nigilaibao,” te homu yai.

Tigidali Nai Gagalama Nigali Side 4:18

Nosali Enokgo ogwa ame nenama, tama Enokgo te ogwa nogi Irat nogi poai. Nosali Iratgo ogwa ame nenama, tama Iratgo aga nogi Mehujael nogi poai. Nosali Mehujaelgo ogwa ame nenama, tama Mehujaelgo aga nogi Metusael nogi poali. Tama nosali Metusaelgo ogwa ame nenama, tama Metusaelgo aga nogi Lamek poali.

Tigidali Nai Gagalama Nigali Side 4:20

Adago Jabal ame nani. Jabalgo nosali ame nani wąį dabe augwali da te kibu bulmakau sibi negeyu, te ugwa bede bidaluali wąį hani dao. Jabal agai te kolesaga ebo hasia bolo gagalali, te sę page bidi mu dao.

Tigidali Nai Gagalama Nigali Side 4:23

Tama me sogo te bidi Lamek aga we sibolo te po wai, “Ada me Sila, dage sigo eno pedauwalide po wabo odiąo. Dage si da, te Lamekgo we da, dage sigo eno po bugagia odiąo. Bidi me deligo ena elibaso, tama eno aga ela muani. Te bidi aga gesi ogwa bidi bidibadi, tama agai ena subigila dodolama elibaso, te eno aga ela muani.

Tuni Bidi Dabego Po Elalubo Buku Si 24:3

Tama Jehoiadago Joasgo we si odolali. Tialima Joasgo augwali si selama, tama augwali sigo ogwa me wegi ame nani.