Tigidali Nai Gagalama Nigali Side 4:17 - Godigo dwagi yai po buku

¹⁷ Tama nosali Kein te aga we dali pilama, tama we haliga yalima, ogwa me deli ame nani, aga nogi Enok. Nosali Keingo hanu me deli nigilama, tama aga ogwa Enok nogi te hanu nogi polali.

Tigidali Nai Gagalama Nigali Side 4:17 Referans Kwoze

Godigo Nogi Ugwaba Sabo Tęąbi Po Wabo Buku Dabe 49:11

Hasia te bidi dabe augwaligo tǫ me elaluai, tialima megi te gų page augwaligo tǫ tiwai elama, augwali tede sesemane sogo bidada peyu, bidada pabo dao.

Daniel 4:30

Tama agai te tama po wali, “Iya, Babilon te genuai taun mu, tama te polalubo mu da. Te ena king bidi ede bidimainu eyu, te eno bomogo digi, eno te taun hodolali, te eno genuai bomo me genuai nogi te tigidali hani we bidiba ola mani dao,” kingo te po wai.

2 Samuel 18:18

Polobadu, te Apsalom bidibo ula elalu bidali sogo, agai te bobage masigi genuai me deli selama, tama te Kingo Odogo Bulude dodolali, te aga nogi sa mubo tiwai ilali. Tama agai te tama wai, “Te ena bidali pesage hasegelama bidabo wai meni baso, tama te Israel dabego ena homu kone palabo ogwa meni yani,” homu elama, te tama kolesaga yai. Tama tialima, Apsalom aga nogi digi te masigiba mawai elaluai. Tama megi me te we bidi dabego te masigi nogi weyu, te tama po obao, “Te Apsalomgo masigi da,” wabo dao.

Tigidali Nai Gagalama Nigali Side 11:4

Tialima, augwaligo te po wai, “Megi da, dago dena genuai hanu me dedeli niginao. Tama te tomode moni bobobage sigi be nigaibao. Tama te be sese holobo te bobage ugwa dagaluba mu usu nigi holaibao. Tama tialima, te we bidi dabego te sę ebo suyu da, teda augwaligo dago nogi ugwaba saibao. Tama tiyu da, da munu me tedela pelama, gasa tǫ pedai badu gasa gasaba me tedela pelama, me bidigi pogobeo,” augwaligo te po wai.

Tigidali Nai Gagalama Nigali Side 5:22

Tama Enok aga te God dali deli homu naga eyu bilali. Tama tiyu, aga te kibu be 300 ma bidibadi, tama aga te gasa ogwa wegi dabe me ame nai.

Tigidali Nai Gagalama Nigali Side 5:18

Te Jaret te kibu be 162 bidama, tama aga te ogwa me deligo aya pedelai, aga nogi Enok.

Tigidali Nai Gagalama Nigali Side 4:16

Tama Kein te Yawe bidibo madi tagalama, wi pelama, tama tǫ me deli teba bidigi pali, te augwaligo te tǫ nogi poali “Subigila Bilibo,” te nogi poali. Te tǫ te Iden gi elaluali madi te giliga asobo badu elaluai.

Tigidali Nai Gagalama Nigali Side 4:18

Nosali Enokgo ogwa ame nenama, tama Enokgo te ogwa nogi Irat nogi poai. Nosali Iratgo ogwa ame nenama, tama Iratgo aga nogi Mehujael nogi poai. Nosali Mehujaelgo ogwa ame nenama, tama Mehujaelgo aga nogi Metusael nogi poali. Tama nosali Metusaelgo ogwa ame nenama, tama Metusaelgo aga nogi Lamek poali.

Godigo Nogi Ugwaba Sabo Tęąbi Po Wabo Buku Dabe 49:12

Dago genuai nogi sabo tego dago te isibo tų dąų wagobeo. Menio. Da te hasa dabe isibo tiwai yaibao.