Tigidali Nai Gagalama Nigali Side 4:13 - Godigo dwagi yai po buku

¹³ Tama Keingo Yawebolo te po wali, “Te nago enabolo mabo sęgę te genuai mu dao. Eno te sęgę tolobo usugobeo.

Tigidali Nai Gagalama Nigali Side 4:13 Referans Kwoze

Jopgo Po Asęani Elalubo Buku 15:22

Augwaligo po koneani. Dwai nai dabe augwaliba sabolama, te hulia siyu, tǫ mesegela sabo tiwai augwali mesega saiba homu ebo dao. Tama augwaligo konebo dao. Augwali te dwai sęde augwali geda mugobe homu ebo dao. Tama augwaligo koneani, te boi bidi dabego augwali bobobage kągo hwągo ela muaiba homu ebo dao.

Kraisgo Geme Dualali Sę Pedelabo Po Jonbolo Ola Mani 16:9

Tama te genuai giliga nanobo siago te posolo mu eyu, tama te siago te bidi dabe dwai dene mu mawai. Tibaso, augwaligo God nogide posobo po wai, agai te dwai dene mabo nai tonalubo bomo elalubaso, tiali goli augwaligo ge neyu homu begelama God agai nogi ugwaba sabeo.

Kraisgo Geme Dualali Sę Pedelabo Po Jonbolo Ola Mani 16:11

Augwaligo homugo te dene me te keni augwali si dali homu eyu, augwaligo te dagalude bidibo God nogide posobo dwai po wai. Tiali goli augwaligo homu begelama te augwaligo dwai kolesaga ebo tagalama tudiba mubeo.

Kraisgo Geme Dualali Sę Pedelabo Po Jonbolo Ola Mani 16:21

Tama te genuai talua ge tulubage tulai. Tigidali deli deli badu tulali talu ge tulubage te sęgę te moni masigi tiwai yai. Te talua ge tulubage dagalude asiyu, te bidi tigiba ugwadu tulai. Tama augwali te talua ge tulubagego mu dolai, meba isali. Tama te talua ge tulubagego augwali dolobaso, tama bidi dabego God dali dwai posobo po wali, te talua ge tulubagego augwali dolobo sę te genuai dwai mu ebaso, augwaligo te dwai po Godigo nogide wai.

Tigidali Nai Gagalama Nigali Side 4:12

Tama tibaso, nago nai te tǫde bulubaso da, te nai bugagia me hologobeo. Te nago page bulu mu meniama, tama nage te tǫ sibi usu nama, te bulu wau bilibo bidi tiwai bidaibao,” te po wai.

Tigidali Nai Gagalama Nigali Side 4:14

Te nago ena e tǫde nago gedude me te sela sąwaibao po wai. Te ena bidabo bulu meniama, tama ena subigila te tǫde bilaibao. Tama bidi me deligo te ena suali da, teda agai ena ela muaibao,” wali.

Esekiel 16:58

Te tama kolesagade ena Genuai Bidigo te eno naga te penani ebo kolesaga, me te tobage gasa dwai kolesaga ebo sęgę te naga tolomainu yai dao,” po wali.