Tigidali Nai Gagalama Nigali Side 39:4 - Godigo dwagi yai po buku

⁴ Tama agai te Josep dali wiegi yai homu pemene mu elama, tama agai te Josep te aga digi pąde bidibo tau sabo bidi nigilali. Tama tibaso, Potifargo Josep te agai bede tigidali doado bage tonalumainu muani.

Tigidali Nai Gagalama Nigali Side 39:4 Referans Kwoze

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Bugagia Bidibo Kolesagade Po Asęai Buku 27:18

Te bidigo aga bulali nedu du tuabo homu eyu da, aga te ni te bugagia tonaluao. Tama te bidigo aga tonalubo bosman bidi te bugagia tonalubaso da, teda te tonalubo bosman bidigo aga nogi ugwaba sabo dao.

Tigidali Nai Gagalama Nigali Side 39:8

Tiali goli, Josepgo te hagela elama, tama agabolo te po wali, “Te ena tonalubo genuai bidigo ena te bede te tigidali doado bage tonalubo bidi nigilali, tama agai te magi nai me delide te homu me ebo menio.

Tigidali Nai Gagalama Nigali Side 24:2

Tama Abrahamgo aga sę yali monu dabe bidi i wali. Te bidigo te Abrahamgo doado bage tigidali tonalubo bidi da. Abrahamgo agabolo te po wali, “Naga nogo guni sisu muyu, nago dila pai po ena dali dąų walao.

Tigidali Nai Gagalama Nigali Side 19:19

Odao! Nago ena homu dene mu elama, tama nago ena tau siyu, wiegi yai sę yai. Tiali goli, te bulu du digibulu mu elalubao. Te ena polo sabalogobeo. Tiyu, te hanu doliyu, te ena dali hagawaibao.

Bugagia Bidibo Kolesagade Po Asęai Buku 22:29

Te bidigo wiegi yai sę ebaso da, teda aga te kingo sę bidi pedelaibao. Te tobage bidi te nogi meni yai bidigo sę bidi me pedalugobeo.

Bugagia Bidibo Kolesagade Po Asęai Buku 17:2

Te sę bidi me deligo homu te wiegi yai elalu, tama agai sę bugagia yai baso da, teda aga te aga tonalubo bidigo wai tiwai pedelaibao. Tama te tonalubo bidigo dwai wai te sę bidigo dologode bidaibao. Tama te tonaluali bidi isibo si da, teda augwaligo te mone me doado bage dabe te aga wai dabeba dobayu, tama te sę bidiba me mawaibao. Magi baso meni, aga te wai dabego ama me deli tiwai dao.

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Tigidali Nai Gagalama Nigali Side 33:10

Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai.

Tigidali Nai Gagalama Nigali Side 18:3

tama agai te po wai, “Genuai bidi dedeo, dagego usu da wida, eno dage tau saio. Dagego eno be ela solamuo. Ena dagego sę ebo bidi dao.

Bugagia Bidibo Kolesagade Po Asęai Buku 14:35

Kingo te sę bidi dabego wiegi yai sę ebaso, te wiegi yai pemene yaibao. Tiali goli, te sę bidi dabego te dwai sę eyu, tama te king hale yabo sę eyu da, teda te king haliga sębę umabo mu ebo dao.

1 Samuel 16:22

Tama Solgo Jesiba po ola toliyu, te tiwai po wai, “Eno Devit godolo homu ebao. Tama tiyu, eno homugo nago aga te eno sę bidi bidimainu ilao,” wali.

Tigidali Nai Gagalama Nigali Side 33:8

Tama Isogo te po wai, “Eno te gasa hani polasa sobadi sisinama suai. Te magi basowe?” Tama Jekopgo te po wali, “O genuai bidio, te nago homu wiegi yai ena dali emainu yai dao!”

Tigidali Nai Gagalama Nigali Side 32:5

Eno hani sibi te hauwa elalubo, te kibu bulmakau, me donki, me sipsip, me meme, me sę bidi dabe, me sę ebo we dabe, te elalubao. Tama eno te po nageba ola tolobao, eno genuai bidi, tama eno homugo nago wiegi yai homu ena dali emainogo ebao, tama nago ena ma asomainu usu da po omainogo obao,” agai te po ola tolali.

Tigidali Nai Gagalama Nigali Side 15:2

Tiali goli, Abramgo te po wai, “Yawe, ena hobede ya, eno Genuai Bidi, ena wai meni yai bidiyu, tama nosali isaibao. Te nago magi ilama, te ena genuai nogi elalubo bidi pedelaibawe? Te ena isibosi, te bidi me deligo te eno doado bage saibao, te Damaskus bulu bidi Elieser dao.

Te Israel me Juda Hani Sigo Tuni Bidigo Po Elalubo Buku Deli 16:9

Tama te king Ela aga sę ebo ofisa bidi, agai nogi Simri, tama te bidi agai te king Ela ela muabo sunumi kegali. Te bidi Simrigo agai te king bidigo boi hwįbo nai karis me badu bugulama, te Simrigo tonalubo sę yai. Me sogo deli te king Ela aga te bidi Arsago beba pai, tama te bidi aga te kingo be tonalubo sę ebo bidi da. Tama agai suali, ma te king Ela aga te bomai wę tuyu bidibo suai, tama aga te wabo pabo gagalobo suali.

Rutgo Po Elalubo Buku 2:6

Te sę ebo bidi dabe tonalubo bidigo po wei ponoyu, te po wai, “Te e we gasa hani, tama Naomi dali asai. Augwali sigo te Moap tǫ tagalama, eba ma asai dao.

1 Samuel 2:26

Te sogo te Samuel te genuai bidi dwasianu pedalubo gana ebaso, tama God dali te bidi dabego me aga godolo homu yali, tama augwaligo homu me te bomai homu mu igulali.

Esta 2:9

Hegaigo Esta te wiegi yai sawi yai wegi da te homu elama, tama aga godolo yai. Tama polo agai Estabolo te tigi au yabo doado bage me, te gasa dwagi yai nai dabe mani. Tama agai te we dabe sibi bidibo be te dwagi yai polalubo dąį togwali mu te Estabolo menama, tama te tuni bidigo bede te wegi ogwa a naga olama, me badu nogo si te augwaligo Esta bugagia tonalumainu nigilai.

Bugagia Bidibo Kolesagade Po Asęai Buku 3:4

Te nago tama tibaso da, te Godigo nage godolo ebadi, te bidi dabego me nage godolo homu yaibao, tama nago sę te wiegi yai pedelaibao.